¹ Kansi zaya didi: mu bilumbu bi nsuka si mukala mpasi zi mbidi. ² Bantu si ba kituka muimi, ba kundi ba mbongu, ba nkua lulendu, kintumpidika, mi mvuezi, mi nkolami ku bibuti, konda ku ki muntu, konda ku kiadi. ³ Kondu ku zola bi kigangamana, konda ku kibakisa, mi ntuaki, konda ku luvibudulu, kikesa, mbeni zi mamboti, ⁴ Minyekudi, ba nkua ntu ngolu, ba suasana, n'zodi mu biesi ku luta Nzambi. ⁵ Sibakala bonsu ba vedila, kansi si ba tuna lu lendu lu Nzambi. wu ba tatukila. ⁶ Bonsu ba nkaka muna kati ki bawu bena bana ba yakala bata kota mu tongu tu ngani mu ku gukumuna ba kentu ba konda mbakusulu. bawu bateba ye masumu ye beta batama mu biesi bi mpila mu mpila. ⁷ Beta longuka kaka; kansi si ka bazaya kedika ku. ⁸ Ku mosi bonsu Yannesi ye Yambesi ba ba telamana Mose, ku mosi minlongi mi luvunu mi telamana kedika. bawu bena ba singua muna ngindu zawu ye ba katulua mu lukuikulu. ⁹ Kansi ka ba kuendanga ku ntama ku, kadi bulawu buawu si bukala bu kingenga ku bakulu, bonsu buna ku bantu bana. ¹⁰ Kansi ku ngeyi, tomeni landama munu, kikesa ki munu, zola ku minu, luvibudulu, ¹¹ Nduana zi munu, mpasi zi munu, ye ma kunduakilanga ku Antiyoki, ku Ikoni, ye ku Lystreya. yi nuana zi mvita. kansi mfumu wu nkula. ¹² Kansi bantu bazoledi kue zinga mu KLisito Yesu si ba nuanusua. ¹³ Kansi bambi ye minkuamisi si bamona mpasi zi saka. si ba fuanana ye ba nkaka. bawu mosi ba fuanana. ¹⁴ Kansi ngeyi, kala muna mana ma wulonguka ye mana wukuikila.zeyi kuna wulongukila mawu. ¹⁵ Tomeni zaya tuka kileki, wu zaya masonukua ma nlongu, mena ma fuana mu ku kikitula nkua nduenga mu lugulusu lu lukuikilu mu Klisito Yesu. ¹⁶ Masonukua makulu matuka ku Nzambi. ye mena mfunu mu ku longila, mu kununga, mu ku singika, ye mu kulonga mu lunungu. ¹⁷ Diadi mukusa nde muana Nzambi kakala wu fuana, wu lunga mu ma mboti.