¹ Bampangi, kalukwikila ku mu mpevi zakulu. kansi lumeka zi mpevi mukuzaya keti zina zi Nzambi. Mudiambu, ba mbikudi ba mbidi ba luvunu ba yenda mu nza. ² Mudina si lubakisa mpi Nzambi. Konsu mpevi yitazaya nde Yesu Klisto wu yisa mu kinsuni yina yi Nzambi. ³ Ye konsu mpevi ka yitabakisa Yesu ku kayi Nzambi ku. Yi ya ga mpevi yi ntantu Klisto yo luwa siyisa ye bungangi yina mu nza. ⁴ Bana bamunu batondama luna banzambi kadi luna banungini. Kadi yu wuna muna benu, wuna wuneni kuluta yu wuna mu nza. ⁵ Bena ba nza, yi dina ma ta goga makulu mena ma nza. ye nza yi bawilanga. ⁶ Tuna banzambi. Konsu muntu zeyi Nzambi wutu wanga. wu kena mu Nzambi ku kalendi tuwila ku. Mudiodio tuzeyi mpevi yimakedika ye mpevi yi luvunu. ⁷ Bampangi batondama, tuzolana betu ye betu kadi zola yi ku Nzambi. Ye konsu muntu wuzolanga Nzambi zeyi Nzambi. ⁸ Muntu yu kazolanga ku kazeyi Nzambi ku kadi Nzambi i zola. ⁹ Mukikuma kiokio zola ku Nzambi ku monika ga kati kibetu. Disongidila Nzambi wufila Mwanani mosi mu nza mpasi tu zinga mu kikuma ki yani. ¹⁰ Mudiodio muna lutondu, kabonsu ku nde tuzola Nzambi. Kansi wutuzola ye wutufila muana ni mukukala kimenga kimponda mu masumu metu. ¹¹ Bampangi balutonda, go Nzambi wutoma kutuzola,tufeti zolasana diaka betu ye betu. ¹² Nkatu muntu wu mona Nzambi go tuta zolasana betu ye betu Nzambi wuna muna betu. ye zola kuani kuna muna betu. ¹³ Mudiodio tuzeyi nde beto tuna muna yani, ye yani muna betu. mudiambu wunata mpevi yani. ¹⁴ Ye diaka tu mona ye ta kimpangi nde tata wufila Mwana mukusa nde kakala ngulusi wu nza. ¹⁵ Konsu muntu tabakisa nde Yesu wuna Mwana Nzambi, Nzambi wuna muna yani ye yani muna Nzambi. ¹⁶ Ye diaka tuzaya ye tu kwikila muzola kavuidi Nzambi ku betu. Nzambi wuna zola ye yuwuna muna zola kuna wuna muna Nzambi. Ye Nzambi wuna muna yani. ¹⁷ Mu kikuma kiokio zola kio kikala ki lunga ga kati kibetu mukusa nde tukala ye kivuvu mu kilumbu ki mfundusu, mu diambu bonsu kena, buna tuna mu nza yiyi. ¹⁸ Munkatu bunkuta mu zola. Kansi zola ku kuleka ku katulanga bunkuta mu diambu bu nkuta bunatanga kitumbu ye konsu muntu wutita kakalanga wufuana ku muna zola. ¹⁹ Tuzolanga mu diambu Nzambi wutu zola wu nteti. ²⁰ Go muntu gogedi "yi zolanga Nzambi" kansi wumenganga mpangi yani, nte luvunu kena mu diambu yu kata zola ku mpangi yani kata mona, kalendi zola ku Nzambi yu kamona ku. ²¹ Diaka tala nsiku tuna ye wo muyani. Konsu muntu wu zola Nzambi ka fueti zola diaka mpangi yani mosi.