¹ Tata ki mpila zola Nzambi ka tugana mu ku sa nde beto tubokilwa bana ba Nzambi ye tuna bo. Muna kuma kina nza kayitu zeyi ko mu diambu kazaya Tata ko. ² Bampangi batondama, Tuka bungangi tuna bana ba Nzambi, ye bu si tukala kani ka bumoniketi ko. Tuzeyi nde mu tangu Klisto si ka monika si tu kala bonso bukena, ye si tu mona bonso buna kena. ³ Ye konso muntu una ye vuvu mu luzingu lu kuntwala mu yani kaki gegidisa bonso yani kibeni una ugegedila. ⁴ Wonso tatamana muku sumuka u vuezanga nsiku mi Nzambi kadi masumu i nkolomono ku nsiku. ⁵ Luzeyi nde Klisto u yisa mukatula masumu meto ye mu yani nkatu disumu. ⁶ Konso muntu una mu yani kalendi tatamana kukisumuna ko. Konso muntu u tatamananga mu kukisumuna n'ka mona ko ye n'ka nzeyi ko. ⁷ Bana bazolakana, kaluyambulaniko muntu ka lugukumuna. wonsu wuta gangila mu lunungu yinkwa lunungu bonsu Klisto yani kibeni una n'kwa lunungu. ⁸ Wonso uta gola masumu wuna wunkadia mpemba kadi nkadia mpemba wusumuka tuka luyantiku imudina Mwana Nzambi wu yiza mu bebisa mavanga mambi ma nkadi a mpemba. ⁹ Wonsu wubutuka mu Nzambi kalendi diaka sumuka ku mudiambu mbutu Nzambi wena mu yani, kalendi tatamana mu sumuka ko kadi wubutuka mu Nzambi. ¹⁰ Mudina bana ba Nzambi ye bana ba nkadi mpemba ba monika, konsu muntu ulendi gangila lunungu kena mu Nzambi. Yandi mpi kazolanga mpangiani ku. ¹¹ I diawu tala nsamu i luwa tuka luyantiku nde lufuetizolana betu ye betu. ¹² Ka bonsu kaina ku wukala wunkandi mpemba ye wu gonda mpangiani ye ki kikuma ka ngondila? Mundiambu mavanga mani makala mambi ye ma nleki yani makala ma lunungu. ¹³ Kaluyitukani ko bampangi batondama vo nza i lubelele. ¹⁴ Tuzeyi nde tu katulwa mu bafwa bungangi tuna moyu mu diambu tuta zola ba mpangi. Yuna kena zola mu yani ku wuzingilanga mufwa. ¹⁵ Konsu muntu wubelanga mpangi yani i gondi ye lubakisa nde luzingu lu mvu ya mvu kaluna mu gondi ko. ¹⁶ Tuzaya zola mundiambu Klisto wugana luzingu luyani mudiambu dibetu, betu mpi tufueti gana luzingu lubetu mudiambu dibampangi. ¹⁷ Nkasi yu wuna ye mvuilu zimbidi, ye mweni mpangi yani mu mpasi ye wunkangidi mbundu ani nkenda, bwe zola ku Nzambi mu yani. ¹⁸ Bana bami batondama, kadizodilanga mu bi gogu ye ludimi ko kansi mu mavanga ye mu kedika. ¹⁹ mu mana si tubakisa nde tuna mukedika ye tuta siamisa ntima mietu ku ntuala yani. ²⁰ Kadi go ntima mibetu mita kutu bela Nzambi wuna wuneni kuluta ntima mietu ye zeyi mambu makulu. ²¹ Bampangi batonda go ntima mibetu ka mita kutobela ko tuvuidi lukuikulu lukangama ku Nzambi. ²² Kani nki tulomba, tuta kiobaka mu yani, mudiambu tutalanda nsiku miyani ye tusalanga mambu mama kuyangidikanga. ²³ Gogo yinsikuani nde tukwikila mu nkumbu mwanani Yesu Klisto ye tuzolasana betu ye betu bonsu yanimosi katuzola. ²⁴ Gonsu yulundanga nsiku mi Nzambi wuna mu yani ye Nzambi wuna wuyani. Ye mudina tuzeyi nde tanzinga mu betu mu mpevi yikatugana.