¹ Bana, munu yilusonekeni mambu Momo mpasi kalugodi diaka masumu ko. Kansi go muntu golele masumu tuvuidi nzonzi ga mbela Tata Nzambi, Yesu Klisto nkwa lunungu. ² Yani una kimenga ki masumu meto, ka ma beto kaka ko, kansi ma beto kulu mu nza. ³ Mudiodio, tuzeyi nde tuzeyi, go tulundidi nsiku Miani. ⁴ Yonso tedi nde Mono nzeyi Nzambi, kansi katalunda nsiku Miani ko, I nte luvunu ye kedika kakina mu yani ko. ⁵ Kansi konso yuna uta simba ngogo ani mukedika mu yani nde zola ku Nzambi ukituka ku mboti kibeni. Mudiodio tuzeyi nde tuna mu yani. ⁶ Konso yuna tedi nde tazingila mu Nzambi ka fueti diata mpi bonso Yesu Klisto yani kibeni kadiatila. ⁷ Bampangi batondama, kitakulusonikina nsiku u mpa ko, kansi nsiku utu baka tuka kuna lubantiku. Nsiku u nkulu i ngogo u luwa. ⁸ kansi yi ta kulusonikina nsiku u mpa, dio dina dikedika mu klisto ye mu beno kadi mpimpa ita vila ye ntemo utukidi. ⁹ Yuna tedi nde una mu ntemo ye kazolanga mpangi ani ko guna mu mpimpa te ye bubu. ¹⁰ Yuna u zolanga mpangi ani uzinga mu ntemo ye kinsunsa ki disumu kakina mu yani ko. ¹¹ Kansi yonso kazola mpangi ani ko una mu mpimpa ye u diatanga mu mpimpa kazeyi ko kwe kata kwenda kadi mpimpa ingondedi meso. ¹² Yikulusonokeni bana bamu, kadi masumu meno malolokedi mu kikuma ki zina diani. ¹³ Yilusonekeni batata, kadi luzaya yo ukala tuka muna lubantiku. Yilusonekeni, matoko kadi lunungini nkwa mambi. Yilusonikina, bana banduelo kadi luzeyi tata Nzambi. ¹⁴ Yilusonikina batata, kadi luzaya yo una tuka muna lubantiku. Yilusinikina, matoko, kadi beno luna kikesa ye ngogo Nzambi uzinga mu beno, ye lunungini nkwa mambi. ¹⁵ Kaluzodi nza ko, kani bima bina mu nza. Go muntu uzola nza, zola ku Nzambi Tata kakuna mu yani ko. ¹⁶ Kaluzodi biakulu bina mu nza ko, nzinunu, zinsuni, kuyandukila mesoye kutumpidika mu luzingu kabitukidi ku Tata Nzambi ko, kansi bitukidi mu nza. ¹⁷ Nza ye mabansa mandi si biluta. Kansi konso u nganga luzolo lu Nzambi sika zinga mvu mia mvu. ¹⁸ Bana banduelo, bubu i ntangu nsuka. Bonso bululonguka nde ntantu u Klisto utakwisa, bubu batantu ba Klisto bamonekeni. Mudina, tuzeyi nde yo ntangu yinsuka. ¹⁹ Bau batuka ga kati ki beto, kansi kabakala babetu ko kadi go basakala ba beto, nga basala ye beto. Kansi, bubatuka, dina ditusonga nde kabakala babeto ko. ²⁰ Kansi beno luvuidi lulendo mu yu una u nlongo ye beno kulu luzeyi kedika. ²¹ Kikulusonikina ko mudiambu nde kaluzeyi kedika ko, kansi mudiambu luzeyi kedika ye luvunu kaluna ko mu kedika. ²² Nani i nte luvunu go ka yuna ko u lembu tambudilanga nde Yesu i klisto? Muntu yuna i ntantu Klisto kadi u vuezanga Tata Nzambi ye Mwan'ani Yesu Klisto. ²³ Ga nkatu muntu ga kati ki bawu balembo tambudilanga bakondolo Mwana Tata Nzambi. Konso yuna ubambukila Mwana una mpi ye se. ²⁴ Kubeno, nki luwa tuka muna lubantiku matazingila mu benu. Go maluwa tuka muna lubantiku mata zingila mu beno buna si luzingila mu Mwana ye Se. ²⁵ Tala nsilulu i ka tu ga na moyo u lembwa nsuka. ²⁶ I lusonikina mambu mu kikuma ki bau balutazola vidila. ²⁷ I buna ku beno, lulendo mpi lu baka luta zingila mu beno ye kaluna munu muntu ko mpasi kalulonga. Kansi, bonso lulendo luani lukululonganga mambu makulu ye mena makedika ye kaluvunu ko ye bonso kalulongila luzinga mu yani. ²⁸ Ye bubu bana bamu luzinga mu Yani mpasi nde busika monika, situkala ye kikesa kansi ka nsoni ko ku ntwal'ani busikesa. ²⁹ Go luzeyi nde yani una kulungu, luzey nde konso yuna uganganga lunungu ubutuka mu yani.