¹ Konsu muntu wukwikilanga nde Yesu wuna Klisto butukidi mu Nzambi. Ye konsu muntu wuzolanga Tata wuzolanga diaka Mwana butukidi ku yani. ² Mudiambu dina tuzeyi nde zola tuzolanga bana ba Nzambi. Mu ntangu tu zolanga Nzambi ye tutumamananga minsiku miyani. ³ Mudina, tala zola ku Nzambi: mu kulunda minsiku miyani. ye minsiku miyani ka mina mpasi ko. ⁴ Konsu muntu butukidi mu Nzambi nungidi nza. Ye tala lunungu lunungidi nza. Lukwikulu lubetu. ⁵ Nani yuna wununga nza? Yuna wukwikila nde Yesu wuna Mwana Nzambi. ⁶ Tala wuyisa ye masa ye menga: Yesu klisto. Kayisa kaka ye masa ku kansi ye masa ye menga diaka. ⁷ Kadi bena baba tatu batanga bibangi. ⁸ Mpevi, masa ye menga. ba batatu bena bumosi. ⁹ Go tubakidi bimbangi bi bantu, kimbangi ki Nzambi ki lutidi kineni. Mu diambu kimbangi ki Nzambi ki kagana mu Mwanani. ¹⁰ Konsu muntu wukwikila mu Mwana Nzambi wuna ye kimbangi muna yanimosi. Konsu muntu kalendi kwikila ko ku Nzambi wunsala nte luvunu mudiambu ka kwikila ku mu kimbangi ki Nzambi mu Mwanani. ¹¹ Ye tala kimbangi : Nzambi utu gana luzingu lulembwa nsuka ye luzingu luna luna muna Mwanani. ¹² Yonsu wuna ye Mwana vwidi luzingu. yuna ka vuidi ku Mwana Nzambi kena ye luzingu ko. ¹³ Yi kulu sonekeni mo mambu mukusa luzaya nde luna ye luzingu lukalumani mu benu luta kwikila mu nkumbu Mwana Nzambi. ¹⁴ Tala diaka lukwikulu tuna ye luawu kuntwala kani go tulombedi kionsu kima bonsu buna diaka luzolo lwani wutu wilanga. ¹⁵ Ye butuzayanga nde tatuwila kani nki ntulombedi tuzeyi nde tuvwidi kina ntunlombedi. ¹⁶ Go muntu mweni mpangiani bwidi mu masumu mana kamalendi kunata mulufwa ko ka feti sambila ye Nzambi si ka n'gana luzingu. Ngita bambuka mbundu ku bana masumu ka malendi ku ba nata mulufwa ko. Gena ye disumu di mosi dinatanga ku lufwa kitedi ku nde nufweti sambila mu diawu. ¹⁷ Kondwa kulunungu kuakulu kuna masumu, kansi gena ye disumu dimosi kadinatanga mu lufwa ko. ¹⁸ Tuzeyi nde konsu muntu yuna butukidi mu Nzambi ka gola masumu ko. kansi yuna butukidi mu Nzambi ukuki kenganga mu lugulusu ye nkadi mpemba kalendi kunsala mambi ko. ¹⁹ Tuzeyi nde tuna banzambi ye nza yakulu yifongedi ku nkadi mpemba. ²⁰ Kansi tuzeyi nde Mwana Nzambi uyisa wutu gana ngangu mukuzaya yuna wuna wukedika. Mpila mosi tunina mu yuna wuna wu kedika mu Mwanani Yesu Klisto. Yani wuna Nzambi yikedika ye moyu wukawumani. ²¹ Bana bazolua, lukikenga mu biteki.