¹ Ngita vova kedika mu Klisto, kita vuna ko ye kansansa kiami kita ku ntela kimbangi mu mpeve a n'longo ² ye mu mono, muna ye kiadi kia ngolo ye mpasi ka zimani muna n'tima ame. ³ Kadi dilutidi mbote mu singua ye vambana ye Klisto mu kuma kia zola kua zimpangi, bobo ba kanda diame mu kin'sini. ⁴ Bena bana ba Isaeli. Bena bazolua, nkua n'kembo, zimbundani, n'kayilu a n'siku, nzitusu a Nzambi ye zinsilulu. ⁵ Ye mu n'kulu miomio Yesu kawutukila mu kin'suni; yandi wuna Nzambi kuzulu dia babo, bika kazitusua m'vu ka m'vu, amen. ⁶ Kansi, diodio ka ditele ko vo nsilulu za Nzambi kazi lungane ko. Kadi ka bawonso ko mu Isaeli bavuilu kua Isaeli. ⁷ Ka bawonso n'kuna wa Abalahami mpe ko bena bana bani kibeni, kansi " Imu Isaki kanda diaku se dia bokelelua" ⁸ Disongele vo, bana ba kin'suni ka bene bana ba Nzambi ko. Kansi yi bana bansilulu batanguluanga bonso n'kuna. ⁹ kadi nsilulu ya mpova yina bonsa ebu: " mu nsungi yiyi kaka se yiza ye muana mosi si kawutuka mu Sala." ¹⁷ Kadi masonukua mata kua Falao: " yi mulukanu lolo lua n'funu yakuzangudila mpasi lendo kiame kiamoneka mu ngeye ye nkumbu ame yamuanganesua va n'toto wa m'vimba. ¹⁸ Ikuma, Nzambu fuilanga nkenda konso nduna kazolele ye badisanga konso nduna kazolele, ¹⁴ Nki tulenda vova? Diodio yi kondua kua sungama kua Nzabi e? Bika dia mpila yoyo kadizi kutu ko. ¹⁵ Kadi wavova kua Mose: " Se yakala ye nkenda kua konso nduna zolele ye se yakala ye kingongo kua konso nduna nzolele." ¹⁶ Ikuma, diodio ka ditadidi ndondo zolele ko, ka ndondo wuta vema ko, kansi mu diambu dia Nzambi fuanga nkenda. ¹⁷ Kadi masonukua mata kua Falao: " yi mulukanu lolo lua n'funu yakuzangudila mpasi lendo kiame kiamoneka mu ngeye ye nkumbu ame yamuanganesua va n'toto wa m'vimba. ¹⁸ Ikuma, Nzambu fuilanga nkenda konso nduna kazolele ye badisanga konso nduna kazolele, ¹⁹ si wankamba diaka vo:" weyi kafuete tatamana mona mambi e? Nani wafila kala mpaka kua luzolo luanie? ²⁰ Nanga nkutu, nge muntu wunani mu tinguna Nzambi e? Kima kia bumua nga kilenda kuani vova kua ndondo wam'vanga: " weyi wamvangidi mpila yayie? ²¹ M'bumbi nga kena ye luve kua m'bumba mu vanga wo vangua kia m'funu ye vangua kia n'kaka kia sadila lumbu ke lumbu kue? ²² We tufuete vova, vo Nzambi wuta zolanga songa nganzi zani ye monikisa lendo kiani, wafuntuka mu luvibudulu lua yingi, bumbua bia nganzi bia kubikua mu fuasua ? ²³ We tufuete vova, vo wavanga dio mpe mpasi kasonga kimvuama kia n'kembo ani? ²⁴ We tufuete vova, vo wavanga mpe diadi mu diambu dieto, bobo kabokila ka vakati kua bayidayo kaka ko, kansi mpe mu bapakanu? ²⁵ Bonso keta vova mpe mu osea: " si yabokela n'kangu ame bobo ka bakala n'kangu ame ko, ye kiazolua kiani, ndondo kakala kiazolua kiani ko. ²⁶ Ye si dia kadila wowo mu fulu kiokio batelua: " Ka luna n'kangu ame ko", kuna si babokelelua bana ba Nzambi a moyo." ²⁷ Yesaya wuta dila mu diambu dia Isaeli: " Vo ntalu ya bana ba Isaeli ya kalanga bonso zielo dia m'bu, nsadidila kaka yadi vuluzua; ²⁸ Kadi Mfumu, mu fintangu ntangu, si kasadila m'vovo ani va n'toto ye mu npila yalunga. ²⁹ Ye bonso Yesaya kavova dio tuka ntama: " vo Mfumu a makesa kasisi makanda kunima mu kuma kieto ko, nga tuakuma bonso sodomo ye nga tuanedakana ye Gomola." ³⁰ Weyi tufuete vova? Vo mim'pakanu miomio ka miasosa lunungu ko miatambula lunungu, lunungu mu lukuikilu. ³¹ Kansi Isaeli dia sosanga n'siku wa lunungu, kanunga tambula lo ko. ³² Mu diambu dia nki kadia vangamena ko? Kadi kasosela lo mu lukuikilu ko, kansi mu mavanga. Batutana ya tadi dia mbuilu ye dia n'tesoso a masakuba. ³³ bonso diasonama: " Lutala ntudidi Sioni tadi dia n'tesua masakuba ye tadi dia mbuilu. Konso nduna ku n'kuikila kena musua nsoni ko."