¹ Mpangi, nsatu za n'tim'ame yi sambulu kiame kua Nzambi mu diambu diawu, vo bavulusua. ² Kadi yita ta kimbamgi mu bawu vo bena ye vema kua Nzambi. Kansi ka bonso mu nzayilu ko. ³ Ka bazeye lunungu lua Nzambi ko ye beta tonta vanga lunungu lua bawu kibeni. Ka bakikulula kua lunungu lua Nzambi ko. ⁴ Kadi Kilisto i ndungisilu a n'siku mu dedakesa konso nduna kuikidi. ⁵ I kuma, Mose wasonika mu matadidi lunungu lutukidi mu n'siku: " konso nduna wusadilanga lunungu lua n'siku si kazingila mu lunungu lolo." ⁶ Kansi lunungu lutukanga mu minu lutele vo:" kuvovi mu n'tima aku ko: " nani si katomboka ku zulue?" (yi mu kulumuna Klisto ku zulu diodio.) ⁷ Ye kuvovi ko:" nani si kakulumuka mu mpinda za tombe? ( yi mu tombola Klisto mu bafua). ⁸ Kansi weyi wutele? " diambu dina lukufi ye ngeye, mu nua aku ye mu n'tima aku." Wowo yi m'vovo wa minu tu muangisanga. ⁹ Kadi vo funguni mu nu'aku vo Yesu yi Mfumu, ye vo kuikidi mu n'tim'aku vo Nzambi wam'fulukisa mu bafua, se wavuluzua. ¹⁰ Kadi yi mun'tima muntu ka kuidililanga dia lunungu, ye wufunguninanga mu nua mu luaka ku mpulusu. ¹¹ Kadi diasonama :" konso nduna kun'kuikila ke muesua nsoni ko. " ¹² Kavena disuasuanu kua Yuda ye Ngeleki ko. Mfumu yoyo kaka yina Mfumu a babo ye wena wampuenia beni kua babo bakumbokelanga. ¹³ Kadi konso nduna bokolanga nkumbu a Mfumu seka vuluzua. ¹⁴ Weyi wana balenda kum'kelela, bawu ba lembolo kun'kuikila ? Ye Weyi balenda kunkuikidila, bawu ba lembolo wa mpova zani e ? Ye weyi balenda kun'wila vo kavena nlongi ku e? ¹⁵ Ye weyi balenda longela vo ka bafidusu kue? Bonso diasama: " mena ma ntoko malu ma babo balonganga nsangu za mbote." ¹⁶ Kansi kabowonso ko bawa nsangu za mbote. Kadi Esaya wavova: " Mfumu, nani wa kuikila mu malomgi meto? " ¹⁷ Ikuma, minu kitukanga mu ma tuwanga, ye ma tuwanga mu mpova za Klisto. ¹⁸ Kansi ntele: " nga ka bawa kue?" Ingeta, ludi kibeni! " Zu dia ndinga zawu diwakane va n'toto wa wonso ye m'vovo miayu nate kuna nsuka a nza." ¹⁹ Ntomene vova diaka: " Iseli kazaya kue? Ntete, Mose wata: " ngina tukisa keto dieno mu kiokiok kikondolo kala nsi. Mu Nsi yikondolo ngangu, yita tukisa nganzi zeno." ²⁰ Ye Yesaya wuna nzunzu beni ye vova: "yasololo kua bobo balembi ku nsosa. Yakisongele kua bobo ya lembi bokela." ²¹ Kansi, mu momo matadidi Iseli, yani vo: " Yalambudi moko mame lumbu kia m'vimba kua n'kangu wakondua tumama ye wa kinkita (wakituka wa mbi)."