¹ Wuwu Ka kuena nkutu kana n'kanu kua bobo bena mu Klisto Yesu ko. ² Kadi n'siku a zingu kia Mpeve mu Klisto Yesu wan'kula mu n'siku a masumu ye walufua. ³ Savo, diodio n'siku ka wakala ye lendo mu vanga ko mudiambu dia lebakana kua n'suni, Nzambi lungisi dio. Wafidisa muana ani mosi mu nitu ya kin'suni yafuanana ye yamasumu mu kala n'kayilu a masumu ye watumba sumu muna nitu. ⁴ Wavanga dio mpasi vo ndomba za n'suni zalungana mu beto ka tudiatila mu kin'suni ko, kansi mu kimpeve. ⁵ Bobo bazingilanga mu kin'suni bayangalalanga mu bina bia kin'suni. Kansi bobo bazingilanga mu kimpeve bayangalalanga mu bina bia kimpeve. ⁶ Kadi, kukiyekola kua nitu yi lufua. Kansi kukiyekola kuaMpeve yi moyo ye luvuvamu. ⁷ Kadi, kukiyekola kua niti yi mbelani ye Nzambi, kadi nitu ka yitumamenanga n'siku a Nzambi ko ye ka yilendi dio nkutu ko. ⁸ Bobo bena mu kin'suni, ka balendi yangidika Nzambi ko. ⁹ Kiongolo ko, kaluna mu kin'suni ko kansi mu kimpeve. Vo kieleka Mpeve a Nzambi yikundanga mu ngeye. Kansi vo muntu kena ye Mpeve a Klisto ko,kavuilu kua yani ko. ¹⁰ Vo Yesu wuna mu ngeye, nitu yena yafua va n'tuala a masumu, kansi Mpeve yena moyo landila lunungu. ¹¹ Vo Mpveve ya ndondo wafulukisa Yesu mu bafua yizingaga mu ngeye, ndondo wafulukisa Yesu mu bafua se kavana mpe moyo kua nitu aku a mfuilu, muna Mpeve ani, yizinganga mu ngeye. ¹² Yi kuma mpangi, tuna ye n'kanu, kansi ka wakin'suni ko mu luzingu lua kin'suni. ¹³ Kadi vo wuta zinga mu kin'suni, se wafua, kansi vo mu Mpeve vondele mavanga ma kin'suni, se wazinga. ¹⁴ Kadi, bonso bayingi batuadusuanga kua Mpeve a Nzambi, bana bena bana ba Nzambi. ¹⁵ Kua beno, ka luatambula diaka mpeve a kiwayi ye wonga ko, kansi luatambula mpeve mosi ya kizolela, mu yawu tubokanga " Abba, Tata!" ¹⁶ Mpeve yani kibeni wuta ta kimbangi kintuadi ye mpeve eto vo tuna bana ba Nzambi. ¹⁷ Vo tuna bana, tuna mpe m'vingidi mia fua, m'vingidi mia Nzambi. Ye m'vingidi mia ntuadi ye Klisto, vo kiele ka tuna funtuka yani, mpasi vo tuakembesua kituadi ye yani. ¹⁸ Kadi mbenzi vo mpasi za ntangu yiyi tuna, ka zilendi tezakesua ye n'kembo winga ku tusongua ko. ¹⁹ Kadi nsemono yita vingila mu luvibudulu lualutila nsongolo ya bana ba Nzambi. ²⁰ Kadi nsemono yakala mu lutumu lua kisana, ka muluzolo luani ko, kansi mu luzolo lua ndondo wan'yala yi vuvu kia sikalala ²¹ vo nsemono yawu kibeni se yakutulua mu kiwayi kia ngivusu ye si yakutulua mu n'kembo a bana ba Nzambi. ²² kadi tuzeye vo nsemono ya m'vimba yita tovoka ye yina mu miangala ntuadi ye ndunzi nate wuwu. ²³ Kansi ka diodio kaka ko, kansi mpe ye beto kibeni tuna ye m'butu mia ntete mia kimpeve - beto mpe tuta kunga mukati kueto, mu mvingudulu ya ntabudulu ye nsumbulu ya kimpuanza kia nitu eto. ²⁴ Kadi tuavuluzua mu vuvu kieto. Kansi diodio tuta sila vuvu ka tuamuene dio ntente ko, kadi nani silanaga vuvu mu momo kamona kale? ²⁵ Kansi vo tuta sila vuvu mu kina ka tumuene ntete ko, tuta kio vingila mu luvibudulu. ²⁶ Mpila mosi, Mpeve mpe kutu sadisanga mungioyolo zeto. Kadi ka tuzeye ko we tufuete sambidila, kansi Mpeve yani mosi kutu sambidilanga mu mpununu zilembi vovakana. ²⁷ Ndondo fimpanga n'tima zeye mabanza ma Mpeve, kadi yani sambidilanga minkuikizi bonso wuna luzolo luaza Nzambi. ²⁸ Kansi tuzeye vo, Nzambi sadisanga yawonso mu ntomono yababo bakun'zolanga ye babokelua bonso wuna luzolo luani. [ Tuwawanu tua nkaka tua nkulu tuvovele: ²⁹ " Lekua biawonso bisalanga kintuadi mukuma kia wete.] " Kadi bobo bakizayila tuka ntama, wabavangila mpe mukala nadede ye fuani kia muan'ani, mpasi kakala muan'antete mu ndonga a zimpangi. ³⁰ Bobo kavangila mu mpila yoyo, bobo mpe kabokela. Bobo kabokela, wabanungisa mpe. Bobo kanungisa waba kembesa mpe. ³¹ Weyi tulenda vova wana mu momo matadidi mambu momo? Vo Nzambi wuna yeto, nani si katutelamene? ³² yani wa lembi vukisa nkutu muana a yani mosi, kansi wan'yekola mukuma kia beto bawonso, weyi kakutuvanina biawonso muna kimpuanza kintuadi ye yani kue? ³³ Nani se kafunda bakiasulua ba nzambie? Yi Nzambi nungisanga . ³⁴ Nani lenda tumbe? Klisto yiyani watufuila, ye ndondo, mu toma lutila diaka, wafulukisua. Wuta yala ye Nzambi mu kadilu kia nzitusu, ye yani kutu sambidilanga. ³⁵ Nani kutuvambanesa ye zola kua Klisto? Mpasi, vo kiadi kia saka, vo nuanusua, vo nsatu, vo kimwasi, vo vonza, ye mpele a lulendue? ³⁶ Walunungu bonso diasonama: " Mukuma kiaku tuavondua mu muini wam'vimba. Tuakitulua bonso mameme mannata kuna nzo a mvondelo." ³⁷ Mu mawonso momo, tuna baluta nunga mu ndondo watuzula. ³⁸ Kadi nzeye vo ka mfuilu, ka moyo, ka zimbasi, ka bamayala, kalekua bia wuwu ye vo bikuiza, ka lendo, ³⁹ ka zangama, ka ndimuka, ka konso lekua kia n'kaka kia vangua ko, kilenda kutu vambula ye zola kua Nzambi kua moneka mu Klisto Mfumu eto.