¹ Yevo kaluzeye ko bampangi (Kadi yita vova kua bantu bazeye n'siku) vo n'siku wutalanga muntu mu ntangu ya wonso keta zinga? ² Yi kuma, n'kento a kuela wuna wakangama ye yakala diani mu nzila ya n'siku bu ketazinga, kansi vo yakala diani difuidi, yani kutukidi mun'siku a makuela. ³ Mudiodio, muntangu yakala diani dina moyo, vo yani wuta zinga ye yakala dia n'kaka, si bam'bokelela nkua zumba. Kansi vo yakala difuidi, yani kutukidi mu n'siku. ⁴ Ikuma, mpangi zame, beno mpe diaka, mu nzila ya nitu a Yesu-Klisto, luavondua mu matadidi n'siku, mpasi luavuwa kua wan'kaka, kua nduna wafuluka mu bafua mpasi tuabuta m'butu kua Nzambi. ⁵ Kadi kiokio tua kala ntete mu kin'suni, nzinunu za masumu za kala salanga mu ndambu za nitu zeto mu min'siku mu nata lufua. ⁶ Kansi wuwu tuakulua mu n'siku, bu tuafua kunsi a n'siku wowo tuakadila bakangama mpasi vo tuasadila mu mpeve ya mpa, ka kunsi a n'kanda wanuna ko ⁷ Wana nki tufuete vova? n'siku wulenda kala sumu muwawu kibenie? Kawuna ko. kansitu vo n'siku wukondua, nga kilendi zaya sumu ko: ku zininz ko. Kadi nga kilendi zaya nzinunu za nitu ko vo n'siku kawuvovi ko vo:" kuzinina leko kia mpangi aku ko" ⁸ Kansi sumu munzila ntumunu, diwutanga mu mono zinzinunu zawonso. Kadi kondua kua n'siku sumu difuidi. ⁹ Ya kala moyo kondua kua sumu. Kansi, kiokio kaka n'siku wayiza, sumu dia wutuka ye mono ya fua. ¹⁰ N'siku wabanzulua nata moyo, wanditina lufua. ¹¹ Ka disumu munzila yoyo ko diamvukumuna mu n'siku ye wamvonda mu wuwu. ¹² Ikuma, n'siku wuna wavelela ye ntumunu yina yavelela, yalunungu ye yambote. ¹³ Weyi kiokio kia mbote kikumini kima kia lufua kua mono? Nkatu. Kansi sumu mpasi diamoneka sumu van'tuala diambote, dianata lufua kua mono. Wowo diakadila mpasi vo mu min'siku sumu diakuma kieleka kialutila. ¹⁴ Mu diodio, tuzeye vo n'siku wuna wakimpeve. Kansi mono yina wakin'suni. Yatekua mu kiwayi kia sumu. ¹⁵ Kadi kieleka kita bakisa ma yita vanga ko. Kansi diodio nzolele vanga, kita dio vanga ko. Diodio yita bela yita dio vanga. ¹⁶ Kansi vo nsadidi dina kizolele ko, nkotele mu min'siku kadi min'siku mina mia mbote. ¹⁷ Kiongolo, ka mono diaka ko yita vanga mambu momo, kansi yi sumu dina mu mono. ¹⁸ Kadi nzeye vo, mu n'suni ame, ka muta zinga ye kima ata kimosi kia mbote nkutu ko. Kadi nsatu ya vanga mambote yina mu mono. Kansi kilendi mo vanga ko. ¹⁹ Kadi mana mambote nzolele, kita mo vanga ko. Yita vanga mambi mana kizolele ko. ²⁰ Tala, vo yita vanga mana kizolele ko, kamono ko mono diaka ko yita mo vanga, kansi yi sumu dizinganga mu mono. ²¹ Wana yita mona mu mono n'siku wowo; kiokio nzolele vanga mambote, kansi se mbi yoyo yina kibeni mu mono. ²² Kadi yiyangalalanga mu n'siku a Nzambi, landila muntu a ngudi a n'tima. ²³ Kansi n'siku wa n'kaka wuta zinga mu tini ya nitu ame ye wuta nuanisa n'siku wampa wa mbakusulu ame ye wuta kunkanga mu n'siku a masumu wuna mu tini ya nitu ame. ²⁴ Mono yina nkua kiadi ye mpasi! nani kumvuluza mu nitu yayi ya mfuilue? ²⁵ Kansi, bika matondo mavutulua kua Nzambi mu Yesu-Klisto Mfumu eto. Yi Kuma kiokio yitumamenanga n'siku a Nzambi mu mbakusulu ame. Kinga mu nitu a kin'suni, yina mu kiwayi kia n'siku a sumu.