¹ Wuwu kina vo tudiluanga mvutu mu minu, tuna ye luvuvamu Nzambi mu Mfumu eto Yesu Kliisto. ² Mu yani tuna mpe ye luve mu n'lemvo wowo tuna mu minu. Tuyangalalanga mu vuvu kiokio Nzambi kakutu vananga kuna n'tuala, vuvu kina si tuakayana mu n'kembo a Nzambi. ³ Lutila nkutu, tuyangalalanga mpe mu mpasi zeto. Tuzeye vo mpasi zinatanga lusiamusu. ⁴ lusiamusu lunatanga ntambudulu ye ntambudulu , vuvu ku n'tuala. ⁵ Vuvu kiokio ka kiyoyesanga n'tima ko, kadi nzola a Nzambi ya tulua mu n'tima mieto kua Mpeve a N'longo ya tuvewolua. ⁶ Kadi kiokio tuakala ntete balebakana, Klisto wafua mu ntangu yi fuanakana mu kuma kia bambi. ⁷ Kadi muntu wakala ye mpasi kikilu mu fuila walunungu. Disongele vo muntu mosi ngatu lenda kuani zola fua mu kuma kia muntu a mbote. ⁸ Kansi, Nzambi wusonganga nzola ani kua beto, kadi kiokio tuakala ntete ankua masumu, Klisto wafua mu kuma kieto. ⁹ Sungula wuwu kina vo tuavedusua mu menga mani, si tuavulusua kua yani mu nganzi za Nzambi. ¹⁰ Kadi vo kiokio tuakala min'tantu, tuawizanesua ye Nzambi mu lufua lua muana ani, weyi kunima ya wizanesua tusinga vuluzilua mu moyo ani. ¹¹ Ka diodio kaka ko, kansi tukikembesanga mpe mu Nzambi mu nzila ya Mfumu eto Yesu Klisto, mu ndondo wuwu tuatabudila ngiza yoyo. ¹² Ikuma, bonso sumu dia kotala mu nza mu nzila ya muntu mosi, bobo mpe lufua luakotela mu nzila ya sumu, ye sumu lufua luamuangana kua babo, kadi bawonso basumuka. ¹³ Kadi, nate mu ntangu a n'siku sumu dia kala mu nza, kansi sumu ka ditanguang, vana kavena n'siku ko. ¹⁴ Ingeta, lufua luayala tuka mu ntangu ya Adamo nate ya Mose, kanele vo kua bobo balembi vola sumu mpila mosi ye nkolameno ye Adomo, wuna fuani kia ndondo fuete kuiza. ¹⁵ Kansi, kanelevo nate ye muntangu yiyi, n'kayilu wa govo kawuna bonso sumu ko. Kadi, vo mu sumu dia muntu mosi bayingi bafua, weyi n'lemvo a Nzambi ye n'kayilu mu n'lemvo wa muntu mosi, Yesu Klisto, wuluta zadila kua bayingi . ¹⁶ Kadi n'kayilu kawuna bonso m'butu mia ndondo volele masumu ko. Kadi vandambu, mfundusu ya ngielele yayiza mudiambu dia sumu dia muntu mosi; kansi ku ndambu ya n'kaka, n'kayilu wangovo wubutanga ndungunu wuta sala kunima masumu mayingi. ¹⁷ Kadi, vo mu sumu di muntu mosi, lufua luayala mu luawu mosi, weyi mu lutila nkutu babo batambulanga mbidi a n'lemvo ye n'kayilu walunungu bafuete yala mu moyo wa muntu mosi, yi Yesu Klisto. ¹⁸ Wana ikuma, bonso mu sumu dimosi bawonso batumbua, mpila mosi, muvanga dia dia lunungu mutukidi ndungunu ya luzingu lua bantu babonso. ¹⁹ Kadi, bonso mu nkolameno ya muntu mosi, bawonso bakuma bankua masumu, yi mpila mosi mu ntumameno ya mosi, bayingi banungusu. ²⁰ Kansi n'siku wayiza na biu mpasi vo sumu dia wokela. Kansi vana va wokele sumu, n'lemvo wuwokelanga diaka beni. ²¹ Didi diayiza mpasi vo bonso sumu diayala mu lufua, n'lemvo wayala mu wunsongi mu kuma kia moyo wa m'vu ya m'vu mu Yesu Klisto n'tinu eto.