¹ Nki diaka tufuete vova vo Abalayami n'kulu eto watambula mu kin'suni ? ² Kadi vo Abalayami walungisua mu mavanga, nga wafuana mu kisanisina, kansi ka vameso ma Nzambi ko. ³ Kadi bue dia sonekue?: " Abalayami wakuikila mu Nzambi, ye dia ntangulua bonso dia lunungu." ⁴ Wuwu kua konso yuna salanga, n'sendo kawulendi tangulua bonso wutukidi mu n'lemvo ko, kansi bonso wafuanakana. ⁵ Ye kua ndondo kasalanga ko, kansi kuikidi mu nduna wudedikisanga nkua mambi, minu kiani kitangulu bonso lunungu. ⁶ Davidi wavana mpe lusakumunu kua muntu wavanua lunungu kua Nzambi kondua kua mavanga wavova: ⁷ " Bika basakumunua bobo ntulumunu zawu zi lemvokelo ye bobo masumu mawu mafukulu. ⁸ Sakumuka kuaku muntu ndondo Mfumu katangila masumu ko." ⁹ Ikuma, lusakumunu lolo nga luavanua kaka kua bobo bawukua kiyakala yevo mpe kua bobo balembi wukua kiyakala ? Kadi tuvovanga vo: " Minu kia yikua mu Abalayami bonso lunungu." ¹⁰ bue kiatangulue? Nga Kiokio Abalayami kawukua kiyakala yevo kiokio kawukulu eti ko? ¹¹ Abalayami watambula dimbu kia ngukulu a kiyakala. Kiki kia kala dimbu kia lunungu lua minu kiokio ka kitambudila kio kakala wakondua gukua kiyakala. Ndandu ya sinsu kiokio yakala vo yani wakituka Se dia babo bakuikidi, kanele vo bena bakondua gukua. Disongele vo lunungu si lua batangulua. ¹² Disongele mpe diaka vo Abalayami wakituka Se dia ngukulu, ka mu bobo kaka bena bawukua kiyakala ko, kansi beta diata mpe mu ntambi za Se dieto Abalayami. Matadidi minu kia kala yawu muna kondua kua ngukulu. ¹³ Kadi, ka mu n'siku ko nsilulu ya vaninua kua Abalayami ye kua n'kuna ani, nsilulu yoyo vo sibakala m'vingidi mia fua dia nza. Kiongolo, yakala mu lunungu lua minu. ¹⁴ Kadi vo bana bena mu minu bena m'vingidi a fua, minu kina kia mpamba ye nsilulu yivunzulu. ¹⁵ Kadi n'siku wubutanga nganzi, kansi vana vakondolo n'siku kavena nsumukinu ko. ¹⁶ Imu kuma kiokio, didi divangamenanga muminu, mpasi vo dia kala mu n'lemvo. Bonso mvutu, nsilulu yavewa kua n'kuna miawonso. Ye n'kuna miomio si batanga ka bobo kaka bazeye n'siku ko, kansi kua bobo bakuikilanga kintuadi ye minu kia Abalayami. Kadi wena Se dieto babo, ¹⁷ bonso diasonama: " yakuvengi Se dia nsi zayingi." Abalayami wakala va n'tuala wa nduna katudila vuvu, Nzambi, ndondo vananga moyo kua bafua ye vanganga lekua kabina ko. ¹⁸ Mpeleko mambu mawonso ma kumbazi, Abalayami watoma kala ye vuvu mu Nzambi mu mana ma kun'tuala. vo kakituka Se dia nsi zayingi,landila mavovoka:" yi wowo si wakadila n'kuna aku ." ¹⁹ Kakala walebakana ko muna minu. Abalayami wabakusanga vo nitu ani kibeni ka yakala ye lendo mu buta bana ko (kadi wakala mbuta mu tezo kia nkama ya mvu). Wazaya mpe vo vumu kia Sala kakilendi diaka keba bana ko. ²⁰ Kansi mukuma kia nsilulu a Nzambi, Abalayami kadimbula vuvu ye kala keti keti ko. Kansi wasiamusua mu minu ye vana n'kembo kua Nzambi. ²¹ Watoma zaya kibeni vo diodio Nzambi kavanini nsilulu, wuna mpe ye wisa kia lungisa dio. ²² Yi mu diodio, didi mpe dian'tangulua bonso lunungu. ²³ Kansi ka diasonama mu diambu dia ndandu ya yani mosi kaka ko, vo dia n'tangilua bonso lunungu. ²⁴ Diasonama mpe mu kuma kieto si tuatangulua dio, beto tukuilanga mu ndondo wafulukisa mu Yesu, Mfumu eto, mu bafua. ²⁵ Ndondo wayekolua mu kuma kia masumu meto, ye wafulukusua mu kuma kia ndilu a mvutu eto.