¹ Wana nkiandandu kua muyudayo? Yevo nki yi n'luta wawukua kibakale? ² Kansitu dina dia nene, kadi ntete ntete mambu ma Nzambi mavewa kua bawu. ³ Aweyi ! vo ban'kaka ka bakuikidi ko, kondua kua kuikila kuawu se kua katula kuikama kua Nzambi ? ⁴ Nkatu kibeni ! Nkutu bika Nzambi kazakana mu ludi ye konso muntu vo n'vuni. Bonso dia sonama:" Mpasi wua moneka walunungu mu mpova zaku kina si wamfundusua." ⁵ Kansi, vo kondua kueto kua lunungu kusongele lunungu lua Nzambi, weyi tulenda vova? Nzambi kena wakondua lunungu kue? kio keta tula nganzi zani, wuna bo? Yita vova mu mpila ya bantu. ⁶ Nkatu, wana weyi Nzambi kazola fundisila e nza? ⁷ Kansi vo kieleka kia Nzambi mu luvunu luame kintanini, n'kembo wayingi, weyi yita fundusulua diaka bonso n'kua masumu? ⁸ Nki lulembi vova, bonso ban'kaka basikidikisi vo tuta vova: " Tu vanga mambi mpasi tuatambula mambote? Mfumu yi baveno yina ya kieleka." ⁹ Nki wuwu? Tuakilemvokele? Nkatu kibeni. Kadi tuakifundidi kala bayudayo ye ba ngeleki, vo bena kunsi a masumu, ¹⁰ bonso dia sonama: " Kakuna wa lunungu ko, ka mosi nkutu ko. ¹¹ Kakuna muntu wubakisanga ko. Ka kuna muntu wutombanga Nzambi ko. ¹² Bawonso bafila nima, bawonso bakuma bakondua Mfumu. Ka kuna muntu vanganga mambote ko, ve, ka mosi ntutu ko. ¹³ Laka diawu yi ziami kia zibuka. Ndinga awu yavunini. N'sa mia nioka mina mu befo mia nua miawu ¹⁴ Nua miawu mia fuluka ye nsingulu ye zitu bia n'tima. ¹⁵ Malu mawu mena n'sualu mu tiamuna menga. v 16 Mambi ye mpasi zina munzila zawu . ¹⁷ Ka bazaya nzila a luvuvamu ko. ¹⁸ Kavena vumi kia nzambi ko va n'tuala meso mawu." ¹⁹ Wuwu tuzeye vo konso di vovele n'siku, dita vovela bobo bena ku nsi a n'siku. Diadi dina mpasi vo minnua mia wonso mia kangama ye bantu bawonso bazayakana vo bena basembua va ntuala Nzambi. ²⁰ Kadi ka n'sumuki mosi ko singa nungusua muna vanganga mani ma kin'sini. kadi yi n'siku mianata nzayilu ya masumu. ²¹ Kansi wuwu kondua kua n'siku, lunungu lua Nzambi lua kizayikisa. Luatelua kimbangi kua n'siku ye kua mim'bikudi. ²² Yi lunungu lua Nzambi mu minu mu Yesu-Klisto kua babo ba kuikila. Kadi kakuna nsuanuani ko. ²³ Kadi babo bavola masumu ye ka bena ye luve mu Nzitusu a Nzambi ko. ²⁴ Banungusua kondua kua futa kima mu n'lemvo ani ndungunu yina mu Klisto-Yesu. ²⁵ Kadi Nzambi wa kubika Klisto Yesu bonso nsukudilu mu minu muna menga mani. Wayekola Klisto bonso sinsu kia lunungu luani, kadi wa yambudila masumu ma voloka muna ntama mu ntangu a luvibudulu. ²⁶ Mawonso momo yi mukuma kia monekesa lunungu luani mu ntangu yayi,kidi tuakala balunungu ye nungisa mumpila yoyo mpe bakuikila mu Yesu. ²⁷ Kueyi wana kuna n'samu wa kisane? wa katulu munkia n'sikue? wowo wa mavange? Ve, kansi mu mu n'siku wa minu. ²⁸ Kadi tubenze vo muntu nungusuanga mu minu kundua kua mavanga ma n'siku. ²⁹ Yevo Nzambi wuna Nzambi ya bayudayo kake? Kena mpe yaba Pakanu kue? Ingeta, ya bapakanu mpe. ³⁰ Kadi wuna Nzambi Nzambi yimosi, sika nungisa mu minu bawukua kibakala , ye mpe ya bakondua wukua kibakala mu minu. ³¹ Wana tuta fuasa n'siku mu minue? Mpamba, ka wuna ko. Nkutu tutambudidi n'siku.