¹ Ikuma, muntu, kulendi lolokua ko, ngeye wufundisanga wan'kaka. Kadi ngeye fundisanga, vanganga mpe mambu ma mpila mosi. ² Kansi, landila kedika kiyelesanga bavanganga ma mpila yoyo, tuzeye vo mfundusu ya Nzambi yina mpila yoyo. ³ Kansi mudiodio, wuta yelesa bobo bavanganga ma mpila yoyo, kinga ngeye mpe wuvanganga ma mpila mosi, benzi vo si wavuka mu mfundusu a Nzambi? ⁴ Yevo tingunanga kimvuama kia ngemba zani, za tumbu kiani kikuizanga kua nda ku nima ya diambu, za luvibudulu luani, kondua kua bambuka moyo vo ngemba zani zi kunatanga ku mviludilu a ntima ? ⁵ Kansi yimu kondua kua mvibudulu aku ye mu bala kua n'tima aku wuta kinatina nganzi muna lumbu kia nganzi za mfundusu a Nzambi. Yisavo lumbu kia nsengomoneno a mfundusu a Nzambi. ⁶ Yani sendanga konso muntu ye mavanga mani, ⁷ kua bobo landila zitu dia mambote mawu basosa n'kembo, nzitusu ye kondua kua sumbua mu mambi, si kavana moyo a m'vu ya m'vu. ⁸ Kansi kua babo bena ye wimi, ye bakolamenanga kieleka, ba sadilanga masumu, nganzi ye wonga wasaka, ⁹ Nzambi si ka tuala zimpasi zasaka ye ndembakani kua konso muela si wasadila mambi. ¹⁰ Kansi bika luvuvamu, nzitusu ye n'kembo bia vewa kua ndondo vanganga ma mbote, ntete ntete a yudayo ye kua angeleki mpe. ¹¹ Kadi kua Nzambi kakuna mandambu ko. ¹² Bosi, bobo bevola masumu kondua kua n'siku, se bafua mu miawu. ¹³ Kadi, kababonso bawanga n'siku ko bena bambote kua Nzambi, kansi babo basadilanga mio se bakala balunungu. ¹⁴ Kadi, kiokio bapakanu, bakondolo n'siku, bavanganga dede bonso mambu ma min'siku, bena min'siku bawu mosi. ¹⁵ Mu wowo, basonganga vo mavanga matumanga min'siku mena masonama muna n'tima miawu. Kansansa kiawu mpe kikubatelanga kimbangi, ye mabanza mayawu mosi ma kubafundanga yevo ma kubakitulanga balunungu kua bawu kibeni ye mpe kua Nzambi. ¹⁶ Yi momo se mavangama muna lumbu kina Nzambi seka fundisa mansueki ma bantu mu malongi mame mu nzila ya Yesu-Klisto. ¹⁷ Ngeye ku kibanzilanga vo wuna muyudayo, wuna mu min'siku, wuta yangalala ngolo beni mu Nzambi, ¹⁸ zeye kedika kiani ye tona mambu masuasuane ye mana, wamana tungua mu min'siku. ¹⁹ Ye banzila vo wuna ye vuvu vo ngeye kibeni wuna n'tuadisi wazimpofo, kia kua bobo bena muna tombe, ²⁰ n'luengisi a batekama, n'longi a bana ye wuna mu min'siku, mpila nzailu ye kieleka. ²¹ Savo ngeye wuta longila ban'kaka, nki kutakilongila nge mosi ? Ngeye wuta longa kua ban'kaka vo ka bayiyi ko, kuyiyanga kue? ²² Ngeye wuta longa kua ban'kaka mu lembi ta zumba, kutanga zumba kue? Nge kuzolanga biteke ko, kuyiyanga mu tempelo kue? ²³ Ngeye kisonganga ye kikundikanga mu min'siku, nga ku vondanga Nzambi nsoni ko mu sumuna n'siku mia Mose kue? ²⁴ Kadi nkumbu a Nzambi yivuezolo kua bapakanu mu kuma kiaku, bonso dia sonama. ²⁵ Wukua kiyakala kuena ye ndandu kua ngeye vo zitisi min'siku, nga vo nkatu, ngukulu aku se kituka kondua kua wukua kibakala. ²⁶ vo kutu ndondo kondolo wukua kibakala wuta lunda minsiku nga kundua kuani kua wukua kakutitukidi ngukulu kue? ²⁷ Ye ndondo kawukua kibakala ko nga kakulufundisa ko vo lungisi min'sikue? yi mudiodio luna ye masonuka ye ngukulu. ²⁸ Kansi muyudayo wa kieleka kenena wo wakumbazi ko, ka mungukulu a kibakala mpe ko, yina yakumbazi kuani, ya n'suni. ²⁹ Kansi, muyudayo wuninadio mu kati ye wukua koko kua n'tima, mu kimpeve, kansi ka mu nitu ko. Nkembo kua muntu a mpila yoyo wutukidi ka kua bantu ko, kansi kua Nzambi.