¹ Pawulu, selo kia Yesu, wabokulua mu kala ntumua ye wavengukua mu mambu ma Nzambi, ² imambu mamo ma Nzambi kasila mu ntama masamunua kua mimbikudi miani mu masonukua ma n'longo. ³ Yi matadidi muana ani ndondo wawutuka muna kanda dia Davidi mu kinsuni. ⁴ Yani wabikua muan' a Nzambi mu lulendo lua Mpeve a N'longo, mu mfulukulu ya bafua, Jesu-Klisto Mfumu eto. ⁵ Mu yani tua tambula n'lemvo ye ndongolo mpasi tuatanbudila minu va kati kua nsi zazo va n'toto, mu kuma kia nkubu'ani. ⁶ Mu nsi zozo, beno mpe lua bokulua mpasi lua vuwa kua Yesu-Klisto. ⁷ Kua babo bene kuna Loma, bakiazolua ba Nzambi, ye basindamene mu kua ban'longo. Bika n'lemvo wakala ye luvuvamu lua Se dieto ye lua Mfumu Yesu-Klisto. ⁹ Ntete mvutudi matondo kua Nzambi ame mu Yesu-Klisto mu diambu dia dieno awonso, kadi minu kieno vovelo mu nza ya m'vimba. ⁸ Kadi Nzambi i mbangi ame, ndo yisadilanga mu Mpeve ame mu mambu ma Nzambi, ma mwan'ani ye yitatamanga kuluvovela. ¹⁰ Yilombanga ntangu zawonso musambu yame mukala mu mpila zazo yanunga mu kuiza kua beno muluzolo lua Nzambi. ¹¹ Kadi nzolele ku lumona mu ku lutambikisa ndambu a min'kayilu mia mpeve, mpasi mu kulu siamisa. ¹² Disongele vo tuavanasana nzunzu mu minu kieto ye yeto, kia mono ye yeno. ¹³ Wuwu, kizolele ko lualembizaya vo yazola kulu zietele ntangu za yingi. Kansi, yakakidilua nate ye wunu. Ya zola dio mpasi vo yabaka m'butu mia n'kaka va kati kueno bonso diakadila mu bapakanu basala. ¹⁴ Ngina ye mfuka kua bangeleki ye kua zinzenza, bosi kua banduenga ye ba kondua zayi mpe. ¹⁵ Ikuma, mu mana ma ntadidi, ngina ya kubama mu kulusamunina mambu ma Nzambi, kua beno mpe nuna Kuna Loma. ¹⁶ Kadi kina ye nsoni za mambu ma Nzambi ko, kadi yi lendo kia Nzambi mu samuna mpulusu kua konso nduna kuikidi, ntete ayudayo mbosi angeleki. ¹⁷ Kadi i mu mawu lunugu lua Nzambi lumokeneso mu mimu bonso dia sonama: "Nkualunungu si kazinga mu minu." ¹⁸ Kadi nganzi za Nzambi zasamunua muna mazulu mu bela mavanga mawonso mambi ye kondua kua wunsongi kua bantu ba kavuidi longa kedika mu kondua kuawu kua unsongi. ¹⁹ Kadi diodio tulenda mu Nzambi dia zayikisua kua yawu. Kadi Nzambi wabakienzula. ²⁰ Yi mu diodio, tuka nsemono a nza, mawonso masuekama ma Kinzambi, lendo kiani kia m'vu ya m'vu, biasongua ku kia, bu biazayakana mu bima bia vangua. Yi mudiodio ka bena kutu ye ndemvokelo ko. ²¹ Kadi mpleko bazaya Nzambi, ka ban'kembesa bonso Nzambi ko, ye mpe ka bam'vutudila matondo ko. Kansi bakuma mazengi mu mabanza mawu ye n'tima miawu mia kondua swasisa miayiza ku tombe. ²² Bakitundidika banduenga, bakuma mazengi; ²³ Ye basoba n'kembo a Nzambi lembi vukumunuanga mu zizi kia muntu vukumunuanga, zinuni, bibulu bia malu ma ya ye bizanzalanga. ²⁴ Yi dina Nzambi ka bayekolela mungivulu, landila nzinunu za n'tima miawu, mpasi vo nitu zawu za muesua nsoni va kati kuawu. ²⁵ Yi yawu asobanga kedika kia Nzambi mu luvunu, ye yawu benkundanga vagua vana fulu kia m'vangi wasakumunua m'vu ka m'vu. Amen! ²⁶ Mukuma kiokio, Nzambi wa bayekola mu nzinunu za nsuni. Kadi akento awu a soba mbundani zawu za ngutukila mu zozo ka zangutukila ko. ²⁷ Mpila mosi ye makala asisa mbundani zawu za ngutukila ye akento awu, Akivana mu nzinunu za yawu ye yawu, te mu vanga yakala ye yakala mambu ma kondua songa, ye atambula tumbu kifuene mu mvengomokeno zawu. ²⁸ Wawu kina vo ka bakala ye mabanza mu Nzambi ko, wabayekola mu mabanza mawu ma kilawu mpasi bavanga mana ka mafuanakene ko. ²⁹ Bafuluzua kua kondua kua lunungu, kua mambi, kua yandu ye kua mambi masaka. Bazele kua nsatu zakin'suni, mpondolo, min'zonza, luvunu ye makani mambi. ³⁰ Yeno n'te miansangu, m'vovo mia mbi, bazala kua mambi. Bena kinkita, bankua matingu ye kitumpidika. Bazeyi toma vanga mambi, ye bekolamenanga mase ye zingudi zawu, bakondolo ngangu. ³¹ Kabafuene mu tudilua vuvu ko, ka bena nzola ya n'tima ye kiadi ko. ³² Ye mpeleko bazeye n'siku a Nzambi vo bafuane tumbu kia lufua bawonso bavanganga ma mpila yoyo, ka sa kaka ko vo beta mo vanga kansi bayangalalanga bobo be vanganga mo.