¹ Wuwu, beto tuna ngolo, tufuete vibidila lebakana kua bobo bena balebakana, ye lembi kiyangidika beto mosi mu nkatu. ² bika muntu muntu kayangidika mfinangani ani mu momo mambote, mu kun'tunga. ³ Kadi, Klisto kakiyangidika mu yani kibeni ko; kansi bonso diasonama:" malevo ma bobo bakufinganga mabuidi kua mono." ⁴ Kadi mawonso mateka sonukua, masonama mu kuma kia nduengoso eto, mpasi vo muna mbudulu ye nzunzu za masonukua, tua kala ye vuvu. ⁵ Wuwu, bika Nzambi a mvibudulu ye ya lusiamusu ka luvana ngindu zimosi ban'kaka ye bakuayawu, landila Klisto Yesu, ⁶ mpasi vo mu ngindu zimosi ye nua wumosi, luakembesa Nzambi ye Se dia Mfumu eto Yesu Klisto. ⁷ Ikuma, lukitambula beno ye beno bonso Klisto wa lutambula mpe mu kuma kia n'kembo a Nzambi. ⁸ Kadi ntele vo yesu wakitulua sadi kia ngukulu a kibakala mu kuma kia kieleka kia Nzambi, mpasi mu ntoma tambudila nsilulu zavewa kua mase, ⁹ mpasi vo bobo kabena bayudayo ko bakembela Nzambi mu kuma kia n'lemvo ani. Bonso diasonama:" Ikuma si yakusanisina vakati kua bobo kabena bayudayo ko, ye si ya yimbila n'kunga mia n'kembo mu nkumbu aku." ¹⁰ Diavovoka diaka:" luyangalala, Bakondolo kala bayudayo, ntuadi ye n'kangu ani ¹¹ ye diaka :" Lusanisina Mfumu, beno bawonso, bakondolo kala bayudayo; bika n'kangu wowo wan'sanisina." ¹² Yesaya vovele diaka:" si kuavayika mu yese, fimuana fimosi si fiatelama mu yala bobo kabena bayudayo ko. Bakondola kala bayudayo se bakala ye vuvvu mu yani. ¹³ Bika Nzambi ya vuvu kalufulusa ye kiese kiawonso ye luvuvamu mukuikila mpasi vo lua zalua kua vuvu mu lulendo lua Mpeve a n'longo. ¹⁴ Mono mosi ngina mpe ye vuvu mu malutadidi, mpangi zame. ngina ye vuvu vo beno mpe luna lua zala ye mambote, luafuluka ye nzayilu ya wonso, luafuana mu kisiamisa beno ye beno. ¹⁵ Kansi, ngita kulu sonekena ye nzunzu yalutila mu matadidi mambu ma n'kaka mu kulubula diaka moyo, mu kuma kia n'kayilu yatambula kua Nzambi. ¹⁶ Nkayilu wowo wakala vo yakala sadi kia Klisto Yesu kiafidisua kua bobo kabena bayudayo ko, mu yekola bonso nganga Nzambi, mambu ma Nzambi. Mfuete dio vanga mpasi vo n'kayilu wa bakondua kala bayudayo, wazolakana, wayekolua kua Mpeve a N'longo. ¹⁷ Yidiodio, n'kembo ame wuna mu Klisto ye mu mambu ma Nzambi. ¹⁸ Kadi kilendi meka songa kima kimosi ko, katula momo Klisto ka lungisa mu nzila ame, mu nata bobo kabena bayudayo ko mu tumama. yi mambu momo ma nungusu mu m'vovo ye mu mavanga. ¹⁹ Mu lendo kia dimbu ye mawete, mu lendo kia Mpeve a n'longo. Diadi diavangama mpasi vo toka mu Yelusami, ye zi mbaza za kifini nate ku Ilili, ya toma samuna nsangu za Klisto. ²⁰ Mu mpila yiyi, nsatu zame zakala yi mu longela n'samu a mbote, kansi ka kuna yesu zayakene nkumbu ko mpasi mu lembi tunga va lufulu lua ngani. ²¹ Bonso diasonama:" Bobo balembi tambula diambu diani se bammona ye bobo ka bawa ko si babakusa." ²² Ikima, ntangu zayingi ya kakidilua mu kuendakua beno. ²³ Kansi wuwu, kina diaka ye fulu kimosi ko mu zunga bibi ye ya zola tuka m'vu mia yingi kuenda kua beno. ²⁴ Ikuma, kiokio nkuenda ku Esipanie, nsidi vuvu mu monana yeno, ye fidisua kua beno, ku nima ya kiese kiame mu kala yeno mu intangu ntangu. ²⁵ Kansi wuwu ngita kuenda ku Yelusalemi musala mu kuma kia mikuikizi. ²⁶ Kadi kiakele kiese kia yingi kua Makedonia ye Akayi mu mavanga mpila nkubidi nkubidi kua bamputu mu minkuikizi mina mu Yelusalemi. ²⁷ Ingeta, kia kala nkati kua kiese kiawu, ye mu kieleka, si kia bavutudilua. Kadi vo bakondolo kala bayudayo batambudi lekua bia kimpeve, bafuete kubasadisa mpe mu lekua bia kin'suni. ²⁸ Ikuma, kiokio n'lunisa didi ye n'sikidisila m'butu wuwu mu kuma kiawu, si yalutila kua beno mu kuenda ku Esipanie. ²⁹ Nzeye vo, kiokio nkuiza kua beno, si ngiza yazala kua lusakumunu lua Klisto. ³⁰ Wuwu, ngita kulu siamisa, zimpangi, mu Mfumu eto Yesu Klito ye mu zola kua Mpeve mu nuana yame mu tusambulu tueno kua Nzambi. ³¹ Lusambila mpasi yakutulua mu bobo bakondolo tumama yuda, ye mpe kisalu kiame mu Yelusalemi kiatambulua kua minkuikizi. ³² Lusambila mpasi yaluka kua beno mu kiese mu luzolo lua Nzambi, ye yavunda yebeno. ³³ Bika Nzambi ya luvuvamu kakala ye beno bawonso. Amene.