¹ Lutambula ndondo kondolo ngolo mu minu, kondua kua mfundusu mu matadidi mpova. ² Muntu mosi wuna ye minu kia dia biawonso, wan'kaka wuna walebakama dianga kaka ndunda. ³ Ndondo dianga biawono ka bembola ndondo lembi dianga biawonso ko. Ye ndondo lembi dianga biawonso ka fundisa ndondo dianga biawonso ko. Kadi Nzambi wun'tambudi. ⁴ Nani wuna? nge wuta fundisa sadi kivuilu kua muntu a n'kaka e? vo wuta toma diata yevo buidi, dina ditadidi Mfumu yani mosi. Kansi si katelama kadi Mfumu wuna wafuana mu kun'siamisa. ⁵ Muntu mosi wuta vana n'funu kua lumbu kimosi lutila kia n'kaka. Mutu wa n'kaka wuta vana n'funu mpila mosi kua konso lumbu. Bika konso muntu kakuikila muna mabanza mani. ⁶ Ndondo wuta tala lumbu, tadidi kio mukuma kia Mfumu. Ye ndondo wuta dia didi mukuma kia Mfumu, kadi wuta vutula matondo kua Nzambi. Ndondo ketadia ko, wuta kiankina dia mu kuma kia Mfumu; wuta vutula mpe matondo kua Nzambi. ⁷ Kadi kevena muntu mu beto zinganga mu yani kibeni ko, ye ka muntu ko fuanga mu yani kibeni. ⁸ Kadi vo tutazinga, tutazinga mukuma kia mfumu; ye vo tufuaga, tufuanga mu kuma kia Mfumu. Ikuma, tuazinga yevo tuafua, tuvuilu kua Mfumu. ⁹ Kadi yi mukuna kiokio Klisto kafuila ye fulukila, mpasi kakala Mfumu munkumbu mosi ya bafua ye ya bamoyo. ¹⁰ Kansi ngeye, nki wuta fudisila mpangi akue? Ye ngeye, nki wuta vuezela mpangi akue? Kadi si tuafundisua beto bawonso van'tuala a kiandu kia Mfundusu a Nzambi. ¹¹ Kadi diasonama: " Wuwukia vo ngina moyo" wuvovele Mfumu: " makungunu mawonso si mamfukamena ye ndinga zazo si zavana n'kembo kua Nzambi." ¹² Yi wowo muntu muntu mubeto si kasunzula mambu mani mawonso kua Nzambi. ¹³ Ikuma, ka tukifundisi diaka ko beto ye beto, kansi nkutu tuzenga edi, bika muntu muntu kalekela mpangi ani n'tambu ko. ¹⁴ Nzeye ye nkuikidi mu Mfumu Yesu, vo kavena kima kia sumuka mu kiawu kibeni ko, katula kaka ndondo monanga lekua bonso kia sumuka; Kua yani kiokio kina kia sumuka. ¹⁵ Vo mu diambu dia madia mpangi aku sumukini, wana kutadiata diaka mu zola ko. Kufuasi muntu ndondo yesu kafuila mu madia ko. ¹⁶ Kuzodi ko mavanga maku ma mbote makala matusevo kua bantu. ¹⁷ Kadi kimfmu kia Nzambi, ka yindilu ye nduinu ko, kansi yi lunungu, luvuvamu ye kiese muna Mpeve a N'longo. ¹⁸ Kadi nduna sadila Yesu mu mpila yoyo, yani zolakena kua Nzambi ye tambukidi kua bantu. ¹⁹ Ikuma nkutu, tuvukumukina bima bitualanga luvuvamu, ye bina binatanga nzayilu ya kintuadi. ²⁰ Ka lufuasi salu kia Nzambi mu diambu dia madia ko. Tala, bima bia wonso bina biavelela, kansi dina diambi kua muntu ndondo dianga, kakituka n'tesi a masakuba. ²¹ Dina dia mbote mu lembi dia mbizi, ye lembi nua malavu, ye ka konso kima kisumuni mpangi aku ko. ²² Tukuikilu tua nge kibeni wuna tuwu, lunda to vakati kua Nzambi ye ngeye. Bika kasakumuka ndondo lembi kukikomanga yani kibeni mu mana kamuene mambote. ²³ Ndondo ketalele sebolo vo didi, kadi diodio ka ditukidi mu minu ko; Ye konso kina ka diukidi mu minu ko yi sumu.