¹ Yikulu vene Fowebe , nsanga eto, wuna sadi kia Dibundu dia Sankele, ² mpasi vo luan'tambula mu Mfumu. Luvanga dio mu mpila yafuanakana kua ban'longo, ye lunsadisa mu mawonso mana kalenda vua n'funu kua beno. Kadi wakumini n'sadisi kua bayingi ye kua mono beni. ³ Luvana mbote kua Pilisilia ye kua Akilasi, mpangi zame zantalu mu kisalu kia ntuadi mu Klisto Yesu, ⁴ bavuka lufua mu tanina moyo ame. Ngita kuba tonda, ye ka mono kaka ko, kansi ye mabundu mawonso makondolo kala ma bayudayo. ⁵ Luvana mpe mbote kua Dibundu dina mu nzo awu. Luvana mpe mbote kua Epayineti, kiazolua kiame, kina kua Yesu mbutu wa ntete wa Asia. ⁶ Luvana mbote kua Malia, ndondo wasala ngolo mu kuma kieno. ⁷ Luvana mbote kua Andolonikusi ye Yuniasi, buti biame ye bakuayame mu kiwayi. Bena mfumu vakati kua zintumua, zakala mpe mu Klisto tekela mono. ⁸ Luvana mbote kua Apiliasi kiazolua kiame mu Mfumu. ⁹ Luvana mbote kua Ulibani, mpangi eto ya kisalu mu Klisto, ye Sitasisi, kiazolua kiame. ¹⁰ Luvana mbote kua Apelesi, watambulua mu KListo. Luvana mbote kua bobo bena ba nzo ya Alisitobule. ¹¹ Luvana mbote kua Helodiyo, buti kiame. Luvana mbote kua babo bena banzo ya nalusisi, bena mu Mfumu. ¹² Luvana mbote kua Tilifene ye Tilifose, basalanga ngolo mu Mfumu. Luvana mbote kua Peleside, kiazolua, wa sala kuayingi mu Mfumu. ¹³ Luvana mbote kua Lufusi wasolua muna Mfumu, ye ngudi ani ndondo wuna mpe wa mono. ¹⁴ Luvana mbote kua Asenkilite, Felengoni, Helemesi, Patolobasi, Helemasi, ye bampangi bena yawu. ¹⁵ Luvana mbote kua Filologe ye Zulia, Nele ye nsanga ani, ye Olimpe, ye ban'longo bawonso bena ye yawu. ¹⁶ Luvanasana mbote mu fibana kua n'longo. Mabundu mawonso ma Klisto ma luvene mbote. ¹⁷ Wuwu ngita kulu siamisa, zimpangi, mu yindula bobo batukisanga mpambani ye mafietikisanga n'tima, maviokidilanga ndongolo yi lua tambula. Lubatina. ¹⁸ kadi bampila yoyo ka bazeye Yesu Mfumu eto ko, kansi vumu biawu mosi. Ye mu m'vovo mia lembama ye mia leba, bavunanga n'tima mia kondolo bila. ¹⁹ Kadi fuani kiaku kia tumama kiluke kua babo. Ngita yangalala, mudiambu mu beno, kansi nga nzolele luakala nduenga mu matadidi momo mambote, ye wakondua bila mu momo mambi. ²⁰ Mu fintangu ntangu fisidi, Nzambi a luvuvamu si diatikisa satana ku nsi a malu meno ²¹ Timoteo, mpangi ame ya kisalu, wuvene mbote, ye Lisiusi,Zasoni ye Sosipatele, buti biame. ²² Mono, Tesiusi ndondo wuta sonika nkanda wuwu, wuluvene mbote mu Mfumu. ²³ Gayiyunsi nzenza ame ya ntalu ye ya Dibundu diawonso wuluvene mbote. Elasite, n'lundi a mbongo wambanza, wuluvene mbote ye mpangi kalatutusi mpe. ²⁴ Bika luvuvamu lua Mfumu eto Yesu Klisto luakala ye beno bawonso! Amene! ²⁵ Wuwu, kua ndondo wuna ye wisa mu kulu vana luve lua wizana ye ndongolo zame ye ndongolo za yesu Klisto, landila mbikudulu ya mansuiki masuekua tuka ntama, ²⁶ Kansi momo mabikulu wuwu ye songua mu masonukua ma mim'bikudi landila min'siku mia Nzambi, mu kuma kia ntumameno ya minu vakati kua bakondolo ba kala Bayuda. ²⁷ Kua Nzambi yimosi kaka nkua nduenga , mu zila ya yesu Klisto, kavua n'kembo mu ntangu zawonso. Amene.