¹ Wabokela kumi ye zole abalongoki bani ye wabavana kimfumu ye lulendo muniakisa zimbevo. ² Wabatuma mulonga kimfumu kia Nzambi ye niakisa zimbevo. ³ Wabatela:" Kalubaki kima ko munzietolo eno, kani nkawu, kani natunu kia mbongo, kani dimpa, kani mbongo, kani mvuatu miole. ⁴ Kani vo nzo yilukotele, lukala muna nate ye luvayika mu nzo yoyo. ⁵ Ye bobo kabakulutambulako muntangu lukotel mu mbanza yoyo, lukubula mfumfuta za tambi yeno sinsu kia kimbangi mu yawu." ⁶ Bosi bayelenge vata, ka vata mu samuna nsamu wa mbote ye niakisa zimbevo mua wonso. ⁷ Tala, Elode mfumu a zuinga wafuita ntima kiokio kawa momo makele lutanga, ye wakala ntela ntela kadi an'kaka avovelenge vo Yoani mbotiki fulukidi muba fua, ⁸ ban'kaka vo Eliya monekene diaka ye ban'kaka diaka, wumosi mu mbikudi mia ntama vutukidi moyo. ⁹ Elode wavovelenge:" Yazenga ntu a Yoani, kansi nani kena ndondo ngita wila mambu mampila yoyo?" Ye Elode wasosa nzila mu mona Yisu. ¹⁰ Kiokio balongoki katuma bavutuka, bantela nsangu za mambu mawonso bavanga. Abakana ye yani, bayenda vengama kundambu ya mbanza yibokodoluanga Betesayida. ¹¹ Kansi nkangu awa wo ye bakubalanda, ye wabatambula ye wavovela kimfumu kia Nzambi; ye waniakisa bobo bakala ye nsatu ya luniakusu. ¹² Kiokio tombe kiakotelenge ye musosa fulu, kumi ye zole dia balongoki bani bayenda kua yani ye bantela:" Vutula nkangu mpasi benda mu mavata makinzungidila ye belo yani musosa fulu aleka ye soso madia, kadi tuna va fulu kia makanga." ¹³ Kansi waba tela:" Yeno, lukubavana kima kia dia." Ban'tela:" Tuna kaka ye mampa tanu ye mbizi zole, wana tuenda sumba madia mudiambudia bantu babidi bena vava." ¹⁴ Bakala mutezo kia mafunda tanu ma bantu. Wavova kua balongoki bani:" Luba vuandisa mu yimvuka ya makumatanu." ¹⁵ Balanda mambu mabatela Yisu ye nkangu wa wonso bavuanda. ¹⁶ Wabaka mampa tanu ye mbizi zole ye wazangula meso kuzulu, wasakumunamo ye wazenga n'sini, n'sini, bosi wavana kua nlongoki mpasi vo bakabula kua n'kangu. ¹⁷ Badia bawonso ye bayukuta ye n'sini za madia zasala batotazo ye bazadisa yitunga (panniers) kumi ye zole. ¹⁸ Dialuaka kiokio kasambidingi yani mosi, balongoki bani bakala vakimosi ye yani ye wavova:" N'kangu bueyi beta vova mu mono?" ¹⁹ Bavutula:" Ngeye i Yoani mbotiki, kansi ban'kaka beta vova Eliya, ye ban'kaka beta vova wumosi mu mimbikudi miantama fulukidi." ²⁰ Wavova kua bawu:" Kansi beno, bue lutele nani ngina?" Petelo vutudi:" I Klisto tukidi kua Nzambi." ²¹ Kansi watoma kualuengesa kabavovi kua muntuko. ²² Yevova vo Muana muntu kafeti mona mpasi za mambu mabidi ye sikatubua kua ba mbuta, ngudi za nganga ye mfumu za n'siku, ye sika vondua, ye mulumbu kiantatu sikavutuka muluzingu. ²³ Wabatela bakulu:" Vo muntu zolele kuiza kua mono, kaki vilakana, kabaka kuluzu diani konso lumbu ye kundanda. ²⁴ Wonso zolele vuluza muelani sikavidisa wo, kansi wonso vidisi muelani mu mono sika vuluzua. ²⁵ Nkiandandu kua muntu mu baka kimvuama ki van'za ye vidisi muelani? ²⁶ Konso kumbuena nsoni ye mpova zamu, Muana Muntu sika muena nsoni kiokio sikavutuka munkembo ye nkembo wa Tata ye wa mbasi za Nlongo. ²⁷ Kansi ngitakulu tela mukeleka, vena ye an'kaka vakati kua beno bena vava, kabakifuilako voka bamuene nkembo wa Nzambi ko." ²⁸ Kiokio kialuta tezo ya lumbu nana kio Yisu kavovo mvovo miomio, wabaka Petelo, Yoani wumosi mubalongi bani, ye Yakobi ye bayenda ku mongo mu sambila. ²⁹ Muntangu yoyo basambidingi, mbonokono azidi kiani kiasoba ye kinkutu kiani kiakituka mpembe ye kialezima. ³⁰ Tala, vakala bantu bole bayambidingi ye yani, bakala Mose ye Eliya, ³¹ bavayika mu ntemo wa ngolo wa nzitusu. Bavovelenge ngiendolo ani mpila kafeti kakotela ku Yelusalemi. ³² Muntangu yina Petelo ye wowo akala yani abuilua kua tolo tua ngolo. Kansi kiokio vasikama, bamona nkembo ani et bantu bole bakalayani. ³³ Kiokio kialuaka ntangu yoyo batatuka ye Yisu, Petelo wa vova:" Nlongi dina diambote kua yeto tuakala vava. Ye situa tunga nsampa mintatu. Tutunga wumosi wa ngeye, wumosi wa Mose, ye wumosi wa Eliya." Kavisidiko momo kavovelenge. ³⁴ Wana kio kavovelenge mambu momo, tuti diayiza ye dia afika ye bakala wonga kadi bakala bazingua kua tuti. ³⁵ Ndinga yi mosi ya vayika mututi yavova:" Yoyo yi muanamu wasolua. Lunguila." ³⁶ Kiokio ndinga yayambula vova, Yisu wakala yani mosi. Adingalala mukondua kuavova diambu ye mulumbu yoyo, ka avovadio kuamuntuko mu momo amona. ³⁷ Diakala vo lumbu kialanda, kio akulumuka ku mongo, awanua kua ndonga ya antu. ³⁸ Tala, muntu mosi mun'kangu waboka ye wavova:" Nlongi, ngita kudodokela mutala muana amu kadi imuana mosi kaka yoyo wunayamu. ³⁹ Tala, mpeve yambi yikumvuatanga ya kintulumukina, yantikidi kaya; momo makunatanga mu bua niangi ye fulufulu munua ani. Mpeve zavayika muyani mu mpasi, yakunikuna mungolo kiokio yavayika. ⁴⁰ Yadodokele alongoki aku mpasi vo bakula mpeve yoyo muyani, kansi kaba lendeleko." ⁴¹ Yisu wavutala ye wavova:" Mbandu yikondolo lukuikulu ye yivunuanga, tiye nkiantangu yikala ye yeno ye lukumvividila? Nata muanaku vava." ⁴² Kiokio muanayakala yoyo kayizidingi, mpeve zambi za n'tuba va n'toto ye zanikuna mungolo. Kansi Yisu wabamina mpeve zambi, muana yakala waniaka ye wam'vutula kua sediani. ⁴³ Bawonso bayitukua nene wa Nzambi. Kiokio antu awonso ayangalalenge mu mambu momo kavanga, wavova kua alongoki ani: ⁴⁴ " Bika mambu mama makota kibeni mu makutu meno kadi Muana Muntu sika yekolua mu moko ma antu." ⁴⁵ Kansi ka avisidiko mambu momo nki mazolele vova, akala afikua kua meso mawu mpasi ka avisi mambu momoko. Akala ye wonga mukunyuvula kiuvu mudiambudia mambu momo. ⁴⁶ Kina, mpaka zakota mu yawu kadi bazola zaya nani wuna mbuta. ⁴⁷ Kansi Yisu, wazaya ngindu za ntima miawu, wabaka fimuana - muana ye watulafio va mbela awu. ⁴⁸ Bosi wabatela:" Vo muntu tambudi fimuana bonso yuyu munkumbu amu, wu ntambudi mpe, ye vo muntu wuntambudi, tambudi mpe yoyowamfila. kadi yoyowuna nleke mu yeno awonso, yi yani wuna mbuta." ⁴⁹ Yoani wavutula:" Nlongi, tuamuene muntu wakudidingi mpeve zambi mu nkumbu aku ye tuankakidila kadi katulendengeko" ⁵⁰ Kansi Yisu wantela:" ka lun'kakidilako, yoyo kena kitantu ye yeno ko wuna wa yeno." ⁵¹ Kiokio lumbu yoyo kafueti kuenda ku zulu bia finama, wabaka lukanu mukienda ku Yelusalemi. ⁵² Wafidisa nati miansangu kuntuala ani ye ayenda ye akota ku vata dia samaliya mukubika fulu muyani. ⁵³ Kansi nkangu wa vatadiodio kabakuba tambulako, kadi atadisingi ku ndambu ya Yelusalemi. ⁵⁴ Kiokio Yakobi ye Yoani amoni wuna, avova:" Mfumu, zolele tua tuma kua tiya tuakulumuka kuzulu ye kuba bunga?" ⁵⁵ Kansi wabaluka kua yawu ye wakuba bamina. ⁵⁶ Akatuka kuna ye kuenda ku vata dian'kaka. ⁵⁷ Kiokio akala munzila, wan'kaka wuntelele:" Siya landa kuawonso wukuenda." ⁵⁸ Yisu wavutula:" Mfuenge ena ye nua, ye nuni za zulu ena ye mazala kansi Muana Muntu kena vuma kalenda tula n'tu ko." ⁵⁹ Kuni wavova kua muntu wan'kaka:" Wundanda." Kansi wavova:" Mfumu, wumvana ntete luve ngienda zika se diamu." Kansi wun'telele :" Yambula afua azika ayawu afua, ⁶⁰ Kansi ngeye, wenda ye samuna mua wonso Kimfumu kia Nzambi." ⁶¹ Muntu wan'kaka wan'tela diaka:" Siyakulanda, Mfumu, kansi wunvana n'tete luve mukanina antu a nzo amu." ⁶² Kansi Yisu wuntelele:" Ka muntuko wuna ye koko kuani munsengo ye tala kunima, ye baka muki Mfumu kia Nzambi."