¹ Valuaka fintangu kunima nzietolo ya Yesu Klisto mu zimbanza ye mavata, longela ye vovela nsangu za mbote za kitinu kia Nzambi. ² Balongoki kumi ye zole bakala yani ye bakento bobo basadusua mu mpeve za mbi ye yimbevo: Maliya, yoyo wabokelonge Mandeleni, yoyo wavayikua nsambuadia ya nkadiampemba. ³ Zuani, n'kento a Kuza n'kebi a bima bia Elode, Suzana ye bidi dia bakento basadidingi mu kuma kia nsatu zawu ye mu bima biawu. ⁴ Mu ntangu n'kangu wayingi wakutakenenge kua yani, bantu ba zimbanza za mpila mu mpila bayizidingi kua yani ye wabatela kingana kimosi: ⁵ "N'kuni mosi wavayika mpasi kenda kuni. Mu ntangu kakuniningi, ndambu yan'kaka yabua mu nzila, yadiatikisua ye nuni za mazulu zadia yo yakulu. ⁶ Ndambu ya n'kaka ya bua va matadi ye mu ntangu ya mena, yayuma mudiambu dia kondua kua nzizi ⁷ Ndambu ya n'kaka yabua va nsende, yamena vakimosi, yafietakana. ⁸ Ndambu ya n'kaka yabua va n'toto wa mbote ye yawuta bundu yabidi, nkama nkama. Kunima mana vova momo, Yesu wavova mu ndinga ya ngolo: " Bika ndondo wuna matu mu wa, kawa!" ⁹ Yidina, balongoki bani ban'giuvula nki kisongele kingana kiokio. ¹⁰ wabatela: " kua beno luavewa mu zaya masuekama ma kitinu kia Nzambi, kansi kua ban'kaka mu yingana mpasi vo kana beta tala, kabamoni kima ko yevo betawa kababakusi kima ko. ¹¹ Tala kingana mpila kisongele: mvuza yi mambu ma Nzambi. ¹² Mvuza yabua mu nzila, yi bobo bawanga mambu ma Nzambi, diabulu kuiza katulanga mo mu n'tima miawu, mpasi vo ka bakuikidi ye ka bavuluki ko. ¹³ Bosi yoyo yabua vatadi, yi bobo batambulanga mambu ma Nzambi ye kiese, mu ntangu a wa mo, kansi kabena ye mianzi ko; bakuikilanga mu fintangu ntangu, kansi mu ntangu ya ntontolo, babuanga. ¹⁴ Yoyo yabua vakati kua nsende, yi bobo bawanga mambu ma Nzambi bafietakesuanga mu luzingu luawu kua mabanza, kimvuama ye kua kiese kia nza ye bundu yawu kayiluakanga nate ku yela ko. ¹⁵ Kansi yoyo yabua va n'toto wambote, yibobo bawanga mambu ma Nzambi mu n'tima wa luzitu ye wambote, batoma mo simbininanga ye natanga bundu mu luvibudulu. ¹⁶ Tala kamuntu ko kuikanga muinda mpasi kafika wo ku nsi a kopo yevo katula wo ku nsi a mfulu. Kansi tula wo va zulu a kima, mpasi vo bana bakotanga bamona n'temo. ¹⁷ Kadi kavena dia suama dia lembi zayakana ko, kavena dia nsueki dia kondua vayikisua ye moneka va ntenda nkongolo ko. ¹⁸ Lutoma wa kibeni, kadi si bavana lutila kua yoyo wuna ye kima, kansi kua yoyo kondolo kio, kani nkutu kiokio keta yinda baka, si kia katulua. ¹⁹ Ye kunima, ngudi ani ye mpangi zani bayiza kua yani, kansi kalenda monana yawu ko, mukuma kia n'kangu. ²⁰ Ban'tela: " ngudi aku ye mpangi zaku ku mbazi bena, bazolele lua monana." ²¹ Yesu wabavutula: " ngudi ame ye mpangi zame yi bobo bawanga mambu ma Nzambi ye basadilanga mo." ²² Tala, lumbu kimosi, Yesu wamanta mu n'lungu kintuadi ye balongoki bani, wabatela: " tuluta ku simu dia n'kaka dia zanga." Bayantika kuenda muna maza; ²³ Mu ntangu bayelenge mu maza, Yesu waleka. Mupepe wa ngolo wayiza muna zanga ye n'lungu wazala kua maza, bakala kibeni mu vonza kia nene. ²⁴ Yi dina, balongoki bayesu bayenda va mbela ani ban'sikamesa ye bantela: " N'longi! N'longi! se tufua! Wasikama, wanuanisa mupepe ye nganzi za maza zalembama ye luvuvamu lua kota. ²⁵ Wa batela: " Kue kuna minu kieno?" Bazalua kua wonga ye ngitukulu, bavova yawu ye yawu: " nani kena ndundu, wutatumina kana nkutu mupepe ye maza biawonso biatakun'tumamena?" ²⁶ baluaka kuna ndambu ya n'kaka ya nsi ya Ngelalesi yina kuna simu dia n'kaka dia Ngalili. ²⁷ Mu ntangu bakulumuka muna n'lungu, muntu mosi muna mbanza wakala ye mpeve za nkadia mpemba wayiza wawana yani. Tuka ntama, kavuetenge diaka min'lele ko ye kakelenge diaka ku nzo ko, kansi kuna ziami. ²⁸ Mu ntangu kamona Yesu, wakaya, wabua va n'tuala ani. Mu ndinga ya ngolo wavova: " nkia diambu va kati kua mono ye ngeye Yesu, muana Nzambi watoma zangama? Yita kudodokela, kuntokanesa ko." ²⁹ Kadi Yesu watuma kua mpeve zavayika muna muntu ndondo, kadi ntangu zayingi yannuanisingi, kanelevo wakala wakangama mu n'singa mia sengo ye walangidiluanga, wazengelenge n'singa miomio mia sengo ye wanetonge kua nkadia mpemba kuna makanga. ³⁰ Bosi Yesu wangiuvula: " nani nkumbu akue?" ye wavutula: " lengio" kadi mpeve zayingi zakota muyani. ³¹ Wan'dodokela kavana luve lua kuenda kuna foloni kia tiya ko. ³² Tala vana ndambu vakala ndonga ya buka kia ngulu kia didingi kuna mongo. Nkadia mpemba zan'dodokela kavana luve bakota muna ngulu zina. Ye waba vana luve. ³³ Ikuma, nkadia mpemba zozo zavayika mu muntu ye zakota muna ngulu, ye buka kiawonso kiazawula tuka kuna zulu dia mongo nate muna zanga ye zafua muna maza. ³⁴ Mu ntangu n'kengi a buka kia ngulu kamona mana mavioka, walemoka ntinu ye wanata nsangu kuna mbanza ye muna mavata. ³⁵ I kuma, n'kangu wavayika mutala mana mavioka. Ye mu ntangu baluaka kua Yesu ye bawana va malu mani muntu yoyo wavayikua kua nkadia mpemba, wavuata mu mpila ani, babakama kua wonga. ³⁶ Ikuma, bobo bamona momo mavioka, batela kua ban'kaka weyi muntu yoyo wavuatua kua nkadia mpemba kasasukila. ³⁷ N'kangu wakulu wa ziunga kia Ngelaseni walomba kua Yesu kavaluka kua nda ye bawu, kadi wonga wanene wababaka. Ikuma, wamanta muna n'lungu ye wavutuka. ³⁸ Muntu ndondo wavayikua kua nkadia mpemba wasiamanana mpasi kenda yani. Kansi Yesu wam'vutula ye wavova: ³⁹ " vutuka kuna nzo aku ye vova mambu makulu ma nene momo Nzambi kasadidi mu ngeye." Muntu wavutuka ye wavova mu mbanza yakulu mamo Yesu kasala mu yani. ⁴⁰ kioko Yesu kavutuka, n'kangu wakulu wan'tambula, kadi bakele kum'vingilanga. ⁴¹ Tala, muntu mosi wa nkumbu ya Zayilusi waluaka; wakala wumosi mu mfumu za nzo zatukutakanu. Wabua va malu ma Yesu ye wan'dodokela kenda kuna kua yani, ⁴² mu diambu dia muana ani mosi kaka wa n'kento, watezo kia mvula kumi ye zole wakala ye mpasi za lufua. Mu ntangu Yesu kakala kuenda kuna, n'kangu wakala kun'fietikisa. ⁴³ Kiongolo, vana kati kua n'kangu vakala muana n'kento wayelelenge kimbevo kia vayikua menga tuka mvula kumi ye zole, wabebesa mbongo zani zakulu kua madokotolo, kansi ka mosi ko wam'vana lusadusu. ⁴⁴ Wafinama ku nima Yesu ye wasimba nsonge yakinkutu kiani, ye vana vawu vayikua kua menga kuamasisa. ⁴⁵ Yesu wavova: " nani wunsimbidi?" kansi wukina vo bawonso bavakula n'kalu, Petelo wan'tela: " N'longi, n'kangu wuta kufietakesa ye ku niema. ⁴⁶ " Kansi Yesu wavutula : " muntu wu nsibidi ye mbuene kibeni ngolo zivayikidi mu mono." ⁴⁷ Kiokio muana n'kento kamona vo kalendi kisueka, ko wavayika ye zakamu wakituba vana n'tuala ani. Watambudila va n'tuala n'kangu wawonso, mu nkia bila kan'simbila ye mpila kimbevo kiani kia manina vana nawu. ⁴⁸ Ikuma, Yesu wan'tela:" muana amu wa n'kento, lukuikilu luaku luvuluzi, wenda muluvuvamu." ⁴⁹ Mu ntangu kakala vova, muntu waluaka watuka kua mfumu ya nzo a lukutakanu ye wavova ema: " muana aku a n'kento fuidi. kutokanesa diaka n'longi ko. ⁵⁰ " Kansi Yesu na kawo wo, wam'vana mvutu: " kukadi ye wonga ko, kuikila kaka se ka vuluzua." ⁵¹ bosi, kiokio kaluaka kuna nzo, kavana n'sua kua konso muntu ko mu kota. Kana ke Petelo, Yowani, Yakobi, ye se ye ngudi a muana kaka ko. ⁵² Tala, yawu a wonso bakala dilanga ye yawula mu diambu dia muana. kansi wavova: " Kaludidi ko, kena wafua ko, wuna moyo. ⁵³ " Kansi, ban'seva kadi bazaya vo wafua kena. ⁵⁴ kansi Yesu wasimba koko kua muana ye wam'bokela mu ndinga ya ngolo: " muna telama. ⁵⁵ " Mpeve ani yavutuka mu yani ye watelama vana vawu. Yesu wavana n'sua bam'vana madia. ⁵⁶ Se ye ngudi ani basivika. Kansi Yesu wabatela kabavovi kua muntu ko, mu momo malutidi.