¹ Kiokio Yesu kamanisa vova mawonso kakala vova kua n'kangu wakala kun'gua, yani wakota mu Kapelenawumi. ² Tala, mfumu a makesa wakala ye nanga , kakala toma zola, wakala wayela yewafinama ye lufua. ³ Kiokio mfumu a makesa kawa bakala vovela Yesu, watuma kua yani mfumu za nganga za bayuda mu kun'lomba mu kuiza sasula sadi kiani. ⁴ Baluaka kua Yesu, ban'dodokela bavova: " wafuena mu kun'vangila dio, ⁵ kadi yani zolanga n'kangu eto ye yani watutungila nzo a tukutakanu. ⁶ Mudina, yesu watatamana kuenda mu nzila ani ye yawu. Kiokio baluaka vana mbela a nzo, mfumu a makesa wafila bakundi mu kun'tela: " Mfumu, kukivangi mpasi ko, kadi kina wafuana ko vo ngeye wiza mu nzo amu, ⁷ yi mu diodio mpe mono mosi kina wafuana ko mukuiza kua ngeye. Kansi vova kaka diambu dimosi, sadi kiamu sikia kolela. ⁸ Kadi mono diaka, yi muntu watulua ku nsi a lendo ye makesa mena ku nsi a lutuadusu luamu, vo ntele kua wumosi: " wenda", yani wele; kua wan'kaka: " wiza" yani wizidi; ye kua sadi kiamu: " vanga edi" yani venge dio." ⁹ Kiokio yesu kawa mpova zozo, wayitukua mu diambu diodio, ye wabaluka kua kala n'kangu wakala kun'landa, wavova: " yilutelele dio, kani ku Isaeli kiamuene eti muntu wuna ye minu kia mpila yoyo ko." ¹⁰ Ye kiokio bantu bobo batumua bavutukidingi kuna nzo, bawana sadi mu mavimpi kibeni. ¹¹ Ku nima fintangu ntangu ya diodio, Yesu wayenda kuna Mbanza yibokololo Nayini, balongoki bani ye kabu dia bantu bayendanga yani. ¹² Kinavo wafinama ye muelo a mbanza, tala banata muntu wafua, Yani wakala muana mosi kaka muna ngudi ani (wakala fola), yani wakala ye bidi dia ndonga ya vata diodio. ¹³ Kiokio kamona, Mfumu wazalua kua kiadi muyani ye wan'tela: " kudidi ko." ¹⁴ Kunima wafinama ye wasimba nkela yoyo banatina nitu, bobo banata yo batelama, ya wavova: " fimuana toko yitelele vo sikama kuaku." ¹⁵ Muntu wafua wavuanda ye wayantika vova. Ye Yesu wam'vana kua ngudi ani. ¹⁶ Yikuma, bawonso babuilua kua wonga, ye asanisina Nzambi bavova: " m'bikudi wanene zangulu vakati keto ye Nzambi wizi tala n'kangu ani." ¹⁷ nsangu zizi za Yesu zamuangana muna yuda ye mu mbanza za kinzungidila. ¹⁸ Alongoki bayowani bannatina mambu momo mawonso. ¹⁹ Idina, Yowani wabokela balongoki bole ye wabatuma mu kuenda yuvula kua Mfumu: " nga ngeye wuta kuiza, yevo tuavingila wan'kaka?" ²⁰ Muntangu baluaka kua Yesu, bantu bobo bavova: " Yowani m'boteki wututumini kua ngeye mu yuvula: " nga yi ngeye ndondo wuta kuiza evo tuvingila wan'kaka?" ²¹ Muntangu yina, Yesu waniakisa bidi dia bantu ankua yimbevo,ye zimpasi, ye mpeve za mbi, ye wamuesa zi mpofo. ²² Wavutula: " kiokio si luenda, luzayisa kua Yowani mono lumuene ye luwilu. Mpofo zita mona, m'vanguki mita diata, ankua wazi basasukidi, ankua matu mafua mu wa bena, bafua beta futumuka, ye nsangu zambote zita samunua kua bamputu. ²³ Bika kazitisua nduna si watatamana kuikila mu mono mukuma kia mavanga mamu." ²⁴ Kiokio ntumua za Yowani zavutuka, Yesu wayantika vovela kua n'kangu mudiambu dia Yowani : " nki lua yele tala kuna makange? Diadia di nikunu kua mupepe? ²⁵ Wana nki luayele tala: " muntu vuete yinkutu yambote? Kansi bobo bavuete yinkutu ya ntalu ye bezingilanga mu kimvuama bena muna nzo za min'tinu. ²⁶ Wana nani luayele tala? Mbikudie? Ingeta, yilutele vo wuna lutila m'bikudi. ²⁷ Lutala ndondo wasonamena: " tala mfidisi va n'tuala aku ntumua amu mu kubika nzila aku." ²⁸ Yilutelele dio, vakati kua bobo bawua kua n'kento, ka vena wanene lutila Yowani ko." Kiongolo, yoyo wasaka ke muna kimfumumkia Nzambi wun'lutidi nene. ²⁹ Kiokio n'kangu wawonso wakala ku n'gua ye m'futisi mia mpaku, bavova vo Nzambi wuna walungungu, kadi bavubua kua Yowani. ³⁰ Kansi min'falisi ye mfumu za n'siku mia bayuda batinguna nkubukulu a Nzambi mu diambu dia yawu ka bavubua kua Yowani ko. ³¹ Mu nki kuani ndenda suasikisila bantu ba mbandu yiyie? Mu nki bena bafuanane? ³² Bena bafuanana ye bimbana mbana beta sakana va fulu kia n'kangu, bena bavuanda ye yuvuazana yawu ye yawu, ye vova: " tuakulu budidi matutu, ye ka luakinini ko. Tua bongele nkunga kiadi, kansi ka luadididi ko." ³³ Kadi Yowani m'boteki kayiza, kadidingi dimpa ko, ye ka nuiningi vinu ko, ye luta vova: " mpeve a mbi yina yani." ³⁴ Muana muntu wizidi, wuta dia, wuta nua ye luta vova vo: " n'zodi a madia ye nduvu, n'kundi a m'futisi mia mpaku ye min'sumuki." ³⁵ Kansi nduenga zizayakene kua bana bani bawonso." ³⁶ Tala m'falisi mosi wam'bokela mu dia ye yani. Kiokio Yesu kakota muna nzo ya n'falisi ye kavuanda va meza, ³⁷ kua yiza n'kento watuka muna mbanza wakala n'sumuki, kiokio kawa vo Yesu wakala muna nzo a m'falisi, wanata bungua kia mazi ma nsunga ma ntalu beni. ³⁸ Wuwu kina vo wakala ku nima ani, vambela malu mani, wayantika sukula malu mani mu mansanga, wakusuna mo mu nsuki zani, wafiba mo ye wakusa mo mazi ma nsunga. ³⁹ Kiokio m'falisi wabokela Yesu kamona wuna, wavova mu yani kibeni: " vo muntu ndondo kakala m'bikudi nga si kazaya nani kena n'kento ndondo wuta ku n'simba, yevo wuna n'sumuki." ⁴⁰ Yesu wabaka mpova ye wan'tela : " Simoni, ngina ye diambu nzolele ku tela." Wavutula: " n'longi vova." ⁴¹ Yesu wavova: " muntu mosi wadika mfuka kua bantu bole. Mosi kua feti kum 'futa nkama mosi ya denali, wan'kaka makumatanu. ⁴² Wuwu kina vo kabalenda futa mfuka zozo ko, wabayambudila, yawu a wole. Nga nani mu yawu a wole si katoma kun'zole?" ⁴³ Simoni wavutula ye wavova: " mono mbezi nduna wayambudilua mfuka yayingi." Yesu wan'tela: " tomene zenga." ⁴⁴ Ye Yesu wabaluka kuakala n'kento, wavova kua Simoni: " muene n'kento ndundu, ngizidi kua ngeye, ku nsiamunini maza mu malu mame ko, kansi yani wunsukudi malu mu mansanga mani, ye kusuni mo mu nsuki zani. ⁴⁵ Kumfibidi ko, kansi yani tuka kakotele , kayambudi fiba malu mamu ko. ⁴⁶ Kunkusidi mafuta ku n'tu ko, kansi yani kusidi mafuta mu mau mamu. ⁴⁷ Ikuma, yitelele wo, bidi kia masumu mani malemvokelo, kadi yani wunsongele zola kuayingi. Kansi kua nduna bayambudila fiafioti, zolanga mpe kua fioti. ⁴⁸ Bosi wan'tela : " masumu maku malemvokelo." ⁴⁹ Bobo bakala vana meza ye yani bavova yawu ye yawu: " nani kena muntu ndundu wuta lemvokela masumue?" ⁵⁰ Kansi Yesu wavova kua n'kento: " minu kiaku kivuluzi, wenda mu luvuvamu."