¹ Kiongolo, Yesu wakala lutila mu via lumbu kia lumingu ye min'longoki miani bavela m'butu ye bakala mio dia, kunima kusa mio mu moko mawu. ² Kansi m'falisi mia n'kaka bavova: " mudiambu dia nki luta vanagila momo ka mena luve ko mulumbu kia lumingue?" ³ yesu wabavutula: " nga ka lutanganga ko mana Davidi kavanga kina kamona nsatu, yani ye bana bakala yani? ⁴ Yani wakota mu nzo a Nzambi, wabaka mampa ma n'kayilu, wadia mo ye wavana kua bantu bakala yani, mampa momo kamuntu ko wuna ye luve mu dia, vo ka bamfumu za nganga kaka ko, yawu mosi" ⁵ Wabatela: " muana muntu wuna Mfuma a kia lumingu." ⁶ Lumbu kia n'kaka kia lumingu, Yesu wakota mu nzo ya lukutakanu ye walonga bantu. Muna muakala muntu mosi wakala ye koko kua lunene kua tila mianzi. ⁷ Min'soniki ye bafalisi bakala tadidila ye landilanga Yesu ngatu si kaniakisa mu lumbu kia lumingu mpasi babaka kuma kia kum'fudila mu mambi. ⁸ Kansi kinavo wazaya ngindu zawu, wavova kua muntu ndondo wakala ye koko kua vanguka: " telama ye wukitula vakati kua bantu bawonso." Mudina muntu ndondo watelama ye kitula vana ⁹ Yesu wabatela: " yikuluyuvudi keti dina luve muvanga mabote mulumbu kia lumingu yevo mu vanga mabi, mu vukisa muela yevo mu vidisa wo ?" ¹⁰ Wazietesa meso mani mu yawu, wavova kua muntu ndondo: " lambula koko kuaku." Wasala wo ye koko kuani kua sasuka. ¹¹ Bazalua kua nganzi, min'soniki ye bafalisi bakala banuanisa mabanza mu zaya nki balenda vanga mu Yesu. ¹² Mulumbu kina, dialuaka vo Yesu watomboka kuna mongo mu kuenda sambila, ye walutisa fuku wa m'vimba mu sambila Nzambi. ¹³ Kiokio lumbu kia yantika, wabokela ban'longoki bani ye wabasola kumi ye zole, kua bobo kavana nkumbu ya ntumua. ¹⁴ Nkumbu za ntumua zavewa kua: " Simoni, ndondo kavana nkumbu ya Petelo, Andele, mpangi ani, Yakobi, Jowani, Balatelemi, ¹⁵ Matayi, Toma, Yakobi muana wa Alafe, Simoni, ndondo bakala bokelelanga Zelote, ¹⁶ Yuda, muana a Yakobi ye Yuda Isicalioti, ndondo wateka Yesu. ¹⁷ Bosi, Yesu wakulumuka yawu ye watelama vafulu kimosi kia vuanda. N'kangu wayingi n'longoki miani bakala vana, kintuadi ye n'kangu wayingi watuka kuna yuda, Yelusalemi ye wa kuna simu dia Tyle ye Sidoni. ¹⁸ Bayiza mu wa ye mu niakisua bawonso. Bana bamuesua kiadi kua mpeve zambi baniakisua mpe. ¹⁹ N'kangu wawonso wakala zola kun'simba, kadi lendo kimosi kiakala kum'vayika ye kiakala kubaniakisa bawonso. ²⁰ Kiokio katombola meso kua n'logoki miani, yesu wabatela: " mayangi kua yeno luna bamputu, kadi kimfumu kia mazulu kina kia yeno." ²¹ Mayangi kua yeno lutafua nsatu wuwu, si luayukuta. Mayangi kua yeno luta dila mu wuwu, si luaseva. ²² Mayangi kua beno kiokio bantu si balu manga , kiokio si bakulu loza, si balufinka ye si bazenga n'kanu a lufua mu nkumbu aku bonso muntu wambi, mu kuma kia muana muntu. ²³ Luyangalala mulumbu kina ye lukala mu kiese, kadi tala, m'futu aku se wakala wanene kuna zulu. Kadi yi mpila yoyo n'kulu miawu basala kua mim'bikudi. ²⁴ Kansi kiadi kua yeno a mvuama! kadi luabakidi kala mbombolo eno. ²⁵ Kiadi kua yeno luna luayukuta wuwu! kadi si luafua nsatu mu lumbu yikuiza. kiadi kua ngeye wuta seva wuwu! Kadi si wafuilua ye siwadila mulumbu yikuiza. ²⁶ Kiadi kua ngeye kiokio bantu bawonso bavovanga mambote mu ngeye! Kadi yimpila mosi n'kulu miawu mia sala kua mim'bikudi mia luvunu. ²⁷ Kansi ngita wo vova kua yeno luta kungua, luzola mbeni zeno, lusala mambote kua bana kabakulu zolanga ko, ²⁸ Lusakumuna bana bakulu singanga, lusambidilanga bana bakulu vanganga mpasi. ²⁹ Vo muntu mosi wuzubidi mbata mu bundi dimosi, vana diaka dia n'kaka. Vo muntu katudi n'lele aku, kun'kakididi mpe ko mu baka mvuela aku. ³⁰ Vana kua konso muntu wulombele. vo muntu bakidi kima kiaku vuidi, kulombi diaka ko. ³¹ Konso dina zolele bakusadila kua ban'kaka, sala dio mpe kua yawu. ³² Vo luzolanga kaka bobo bakuluzolanga, nkia ndandu lubaka? Kadi akua masumu mpe azolanga bobo bakubazolanga. ³³ Vo luvanganga mambote kua bobo bakulu vanganga wo, nkia ndandu lubaka? Kadi ankua masumu mpe avangilanga wo. ³⁴ Vo ludevesanga kaka kua bobo wuna ye vuvu vo balenda kuluvutudila, nkia ndandu lubaka? ³⁵ Kansi luzola n'tantu mieno, lubavangila mambote. Ludevesa kondua kua ketalala mu lembi vutudilua, ye m'futu aku siwakala wanene. Si luakala bana ba watoma zangama, kadi yani mosi wuna wambote kua bakondua kimuntu ye kua bantu bambi. ³⁶ Lukala ba nkua n'lemvo bonso Se dieto kutulemvokelanga. ³⁷ Kalufundisi ko , ye kalufundisua mpe ko. Kaluzengela bantu n'kanu ko ye kaluzengelua mpe n'kanu ko. Lulemvokela ban'kaka ye si lualemvokelua. ³⁸ Luvana kua an'kaka ye yeno mpe si luavewa. Yi tezo kia mbote (Kia toma niemua, nikunua, kia sumpuka) balenda tiamuna muna n'lele mieno. Kadi yi mu tezo kiokio sadilanga kua ban'kaka si kiasadilua mpe mu ngeye." ³⁹ Wabatela mpe kingana: " nga mpoo lenda nate n'kua yani mpofue? vo sidi wo, baba bole kaba bua mu wulu kue? ⁴⁰ N'longoki kena kuzulu dia n'longi ani ko. Kansi konso n'longoki watoma longua si kafuanana ye n'longi ani. ⁴¹ Mudiambu dia nki wuta katudila titi kiana muna disu dia n'kuayakue, ye lembolo mona muinga wuna muna diaku disue? ⁴² Weyi lenda vovela kua mpangi aku: "vingila ya katula titi kina mu disu diaku" vo ngeye kuta mona muinga wuna mu diaku disu kue? Nkua disu ku nsi a lukaya! Katula ntete muinga wuna muna diaku disu, bosi si watala weyi lenda katudila titi kina muna disu dia n'kuayaku. ⁴³ Kavena n'ti wambote wulenda wuta m'butu mia mbi ko, kansi wambi wulenda wuta mia mbote. ⁴⁴ Konso n'ti wuzayakanga mu m'butu wayani kibeni. Ka bavelanga mingiengie vana fulu kia nsende ko ye ka bakolanga m'butu wa vigna va fulu kia nsende ko. ⁴⁵ Mu muntu wa mbote, mvuilu ya mbote yina muna n'tima ani yi vayikisanga mambote, kansi mu muntu wambi, mvuilu ya mbi yina muna n'tima ani yivayikisanga mambi. Kadi yi mazele muna n'tima nua kavayikisanga. ⁴⁶ Mu diambu dianki lukumbokelelanga: " Mfumu" ye ka lusalanga ma yivovanga kue? ⁴⁷ Konso muntu kuizanga kua mono, wanga mambu mamu, sadilanga mo, nzolele kulusonga yani fuanae ye nani. ⁴⁸ Yani fuanane ye mutu wuta tunga nzo, tomene tima n'toto nate muna tadi. kiokio kizalu kia yiza ye nkuka yabua muna nzo, nzo yoyo ka yanikuka ko, kadi yatoma tungua. ⁴⁹ kansi ndondo wanga mambu mame ye lembi mo sadilanga fuanane, yani fuanane ye tungidi nzo ani va n'toto kudua kua tunga lufulu. Kiokio nkuka yabua mu yawu, vana vawu yabua ye yatoma fua beni."