¹ Wuwu diakala vo, kiokio n'kangu wakala landa Yisu mu gua mambu ma Nzambi, Kiokio katelama va simu dia zanga dia Zenezaleti. ² Wa mona minlungu mi miole mia kangama va simu dia zanga. Atakudi akulumuka muna miakala sukula makonde mawu. ³ Yisu wa manta mu nlungu wumosi wakala wa Simoni ye wu nlombele katatuka fioti ye simu dia maza, wa vuanda, ye tuka muna n'lungu, wa longelenge nkangu. ⁴ Kiokio kamanisa mu vova, wa vova kua Simoni:" Finama mu kati kia maza ye tuba makonde mu takula." ⁵ Simoni wavutula, tusadidi mpimpa ya mvimba katu bakidi kima ko. Kansi mu mvovo aku, si ya tuba makonde." ⁶ A vangila dio ye abaka mbizi za bidi, mu tezo kimosi vo nkutu makonde mawu mapasuka. ⁷ Avana sinsu kua akundi awu a nlungu wankaka mukuiza ku asadisa, yawu ayiza ye azadisa nlungu mi miole mutezo kimosi vo nlungu miyantikidi dimuka ⁸ Kansi Simoni Petelo, kiokio kamona wuna wukitubidi va malu ma Yisu ye wa vova:" Wuntatukila, Mfumu kadi ngina nkua masumu." ⁹ Wayitukua vakimosi ye ho ho akala yani mudiambu dia ntakudulu yoyo atakula. ¹⁰ Vakala Yakobi ye Yoani, muana wa Zebeda, a wonsono akala ntakudi ye Simoni. Wana Yisu wavova kua Simoni:" Ku kadi ye wonga ko kadi si ya kitula n'takudi a antu." ¹¹ Kiokio anata nlungu miawu va ntoto, asisa bia wonsono, ye anlanda. ¹² Wakala mu mbanza mosi mu zi mbanza zozo, muakala muntu wa wazi. Kiokio kamona Yisu, wa tuba zidi va ntoto ye wasambila ena:" Mfumu, vo zolele dio, lenda ku mvelelesa." ¹³ Wana, Yisu wa lambula koko kuani, wa nsimba ye wa vova:" Nzolele dio, kala wa velela." Muntangu yina kaka wazi wakatuka. ¹⁴ Yisu wa n'tuma mukondua kua teladio muntu. Wantela:" Wenda kisongela kua zinganga za Nzambi, ye vana n'kayilu mu diambu dia mvedosolo aku bonso Mose kasonikina dio, si diakala kimbangi mu yawu." ¹⁵ Bakala kumvovela ye kumvovela diaka, nkangu wa bidi wa antu akala kutakananga mpasi ba n'gua ye ba niakusua mu yimbevo yawu. ¹⁶ Kansi yani wakala kisuekanga mu makanga mpasi kasambila. ¹⁷ Lumbu kimosi mu lumbu biobio, walongelenge. Afalisi ye nlongi a minsiku akala a vuanda, atuka mumavata mawonsono ma ngalili ye Yuda ye ma Yelusalemi, ye lendo kia Nzambi kiasala mu yani mu niakisa. ¹⁸ Wana, valuaka antu anatua va luandu muntu wakala wazelangana, a soselenge muku n'kotesa ye kun'tula va n'tuala ani. ¹⁹ Kina vo ka azaya fuluko alenda ku nkotesela mudiambudia nkangu wakala wa saka, ba manta ku nludi a matolo ye an'kulumuna ye luandu luani, vakati kia antu va n'tuala Yisu. ²⁰ Kiokio kamona minu kiawu,, wuka atelele:" Muntu, masumu maku mayambudulu." Bafalisi ye nsoniki mia nsiku a yantika vunguta:" ²¹ Nani kena, ndundu, wuta vova ntiakulu? Nani lenda yambudila masumu vo ka Nzambi yani mosi kaka kue?" ²² Kansi Yisu wazaya ngindu zawu, wa a yuvula:" Mu diambu dia nki luta yuvula biuvu bia mbi mu ntima mieno? ²³ Nki kilutidi mpasi ko, mu vova:" Masyumu maku mayambudulu" evo muvova:" Telama ye wenda?" ²⁴ Ingeta, mpasi vo luazaya vo Muana wuna ye lendo va ntoto mu lemvokela masumu, ngitadiokutela:" telama, baka luandu luaku ye vutuka ku nzo aku." ²⁵ Vana fulu, muntu telamene va ntuala awu, bakidi luandu luani ye vutukidi ku nzo ani wa sanisina Nzambi. ²⁶ Awonsono ayitukua ye asanisina Nzambi, azala kua wonga, avova;" Tu muene wunu mambu mampimpita." ²⁷ Ku nima mambu momo, wa vayika, ye wamona mfutisi a mpaku wuna ye nkumbu Levi wavuanda mu nzo ya kisalu kia futisila mpaku. ²⁸ Wa vova kua yani:" Wundanda." Levi sisidi bia wonsono, telamene ye yantikidi ku nlanda. ²⁹ Levi wakubikila Yisu ndilu ya bidi mu nzo ani, vakala ye n'kangu wa bidi wa mfutisi a mpaku ye bantu ban'kaka bakala viokesanga ntangu ya fuana ye yawu mu dia va meza. ³⁰ Bafalisi ye basoniki mia nsiku avunguta ye vova kua ba longoki bani:" Nki lutadila ye nuina ye mimfutisi mia mpaku ye ba sumuki?" ³¹ Yisu wavutula ye wa atela:" Ka bobo bena mavimpiko bena ye nsatu ya m'fuelemi, Kansi zimbevo. ³² Kizidiko mubokela balunungu, kansi asumuki mpasi vo avilula madiela." ³³ Ban'tela:" Nlongoki mia Yoani aminanga kaka n'soki ye asambilanga, mpila mosi ye miomio mia bafalisi, kansi miomio mia ngeye ba dianga ye ba nuanga kuawu." ³⁴ Yisu wa atela:" Nga lulenda minisa ba kundi ba toko dia nkuedi nsoki muntangu yani kibeni toko dia nkuedi kena ye yawu? ³⁵ Lumbu si yiza kiokio toko dia nkuedi sika zangulua mu matuti, si ba mina nsoki lumbukina." ³⁶ Waku atela diaka kingana kimosi:" Ka muntu wumosi ko lenda kiasa ndambu ya n'lele ani wampa mu tunga kinkutu kia nkulu. Vo venge dio, sikakiasuna kinkutu kia mpa, ye n'tini yi zengolo mu n'lele wampa kaki lendi fuanana ye kinkutu kia ntama ko. ³⁷ Ye kavena muntu ko wutulanga malavu ma mpa mu nkalu ya nkulu, nga vo nkatu malavu mampa mafueti muangasa nkalu, masumpukidi ye nkalu zankulu zi vididi. ³⁸ I dina, lufueti tulanga malavu mampa mu nkalu za mpa. ³⁹ Ye ka muntu mosi ko, kunima nduinu a malavu mankulu fueti zola diaka ma mpa, kadi sikavova:" Mankulu malutidi toma".