¹ Ye, Yisu wazala ye Mpeve ya Nlongo, watuka kuna nzadi a Yolodani ye wa natua kua mpeve kuna makanga. ² Kuna katontua kua nkadiampemba lumbu makumaya ye ya . Kadia kimako mulumbu yo yawonso, ye lumbu yoyo buyaluta wafua nsatu. ³ Satana wantela:" Vo ngeye muana wa Nzambi, kitula tadi diakituka dimpa mpasi wadia. ⁴ Yisu wavutula wavova:" diasionama:" Muntu kazingilanga kaka mudimpako." ⁵ Ye, satana, wanata Yisu va fulu kiazangama wu nsongele mbanza za wonsono za van'tonto mufi ntangu ntangu. ⁶ Satana wavova kua yani:" si yakuvana kimfumu ye nkembo, kadi yavewabio ye ngina biovana kua nduna nzolele. ⁷ Yikuma vo wuna kumfukamana ye kunsambila, si biakuma bia ngeye. ⁸ Kansi Yisu wavutula ye wavova:" Diasonama, "wuna sanisina kaka Mfumu Nzambi aku, ye wuna kunsadila yanimosi kaka. ⁹ Ye nkadiampemba wanata diaka Yisu ku Yelusalemi ye wantula vafulu kilutidi zangama mikinlongo ye wa ntela:" Vongeye Muana wa Nzambi, wukituba va n'toto. ¹⁰ Kadi diasonama:" Sediaku dina mumazulu si kavana luve kua mbasi zani mpasi za keba. ¹¹ Ye si banata mu moko mpasi vo kute kani sakuba mutadi ko." ¹² Yisu wavutula. Diasona:" Kuvukumunani Mfumu Nzambi aku ko. ¹³ Kiokio satana kamanisa mutonta Yisu, wakatuka vambelani wayenda kua n'kaka. ¹⁴ Bosi, wavutuka ku ngalili, wazala kua lulendo lua Mpeve ya Nlongo ye nsangu za muangana zuinga kiawonso. ¹⁵ Ye wayantika mu longa munzo a lukutakanu ye watondua kua antu a wonso. ¹⁶ Wayenda ku Nazaleti, mbanza yoyo kasansukila, ye bonso kisinsi kiawu wakota munzo a lukutakanu lumb u kia lumingu. Watelama mu tanga mundinga ya ngolo. ¹⁷ A m'vana nkanda wa mbikudi Yesaya. Wazibula nkanda ye mona nzila yasonokua: ¹⁸ "Mpeve ya Mfumu yina mu mono kadi wankusidi musamuna nsangu zambote kua amputu. Yani wamfididi musamuna kua bankole nkutudulu a bizitu, ye kua zimpofo mbueno, mukutula akangama. ¹⁹ Ye musamuna m'vu wumosi wa nsambu za Mfumu. ²⁰ Bosi wakanga nkanda, wavanawo kua kisadi ye wavuanda. Meso ma awonsono munzo alukutakanu matadidingi kua yani. ²¹ Ye wayantika kubatela:" Wunu mpova zizi zilungane munguilu eno." ²² Awonso akala mbangi za momo kavova ye akala azala ye mpova za nlemvo zavayika mu nua Yisu. Avovelenge:" Kayaniko muana Yosefi? ²³ Wabatela:" Kieleka siluantela ngana yiyi:" Mfuelemi, wikiwukanga ngeye mosi. Mawonsono momo tuawilu momo wasadidi ku Kapenaumu, vangamo mpe ku mbanza aku wawutukila. ²⁴ Yani w'atela:" kieleka ngitakulu tela, kavena mbikudi ko wutoma tambuluanga mu mbanzani kawutukila. ²⁵ Kansi mukieleka yilutelele, muakala mafola mabidi mu Isaeli muntangu ya mbikudi Eliya kiokio zulu diakangama m'vu tatu ye ngonda sambanu ye muakala nsatu ya yingi munsi yamvimba. ²⁶ Kansi, Eliya kafilua kua nkento wumosiko mubawu, vo kakua fola diodio ko dia zingidingi ku Sidoni. ²⁷ Ye kuakala ankua wazi abidi ku Isaeli muntangu ya mbikudi Elisa, yikuma kawumosiko muyawu wavedusua, vo ka Namani ko musi Sili." ²⁸ Kiokio awa mambu momo, awonsono akala muna nzo a lukutakanu azala ye nganzi. ²⁹ Atelama, an'kula kunzila ya mbanza ye anata ti vana zulua mongo vana vatungulua mbanza awu mpasi ankambidila kundimba. ³⁰ Kansi waluta vakati kuawu ye wayenda va fulu kian'kaka. ³¹ Wakulumuka ku Kapenaumi, mbanza ya ngalili, ye wayantika mukualongela mudiambudia kialumingu. ³² Ayitukua mumalongi kadi wavovelenge ye lendo. ³³ Tala, muakala ye muntu mu nzo alukutakanu wakala ye mpeve ya nkadiampemba waboka mundinga yangolo: ³⁴ "Ah! Nkia diambu ngeye ye mono, Yisu musi Nazaleti? Ngeye wizidi mukutu fuasa? Nzeye nani wuna wa Nlongo wa Nzambi!" ³⁵ Yisu wabamina mpeve za mbi wavova:" Kala na pi, ye vayika mu muntu ndondo!" Kiokio mpeve za mbi zatuba muntu ndondo va n'toto va kati kuawu, ye zavayika kondua kua kunvanga mbi. ³⁶ Awonsono ayitukua, ye kabayambula kunvovela ko yawu ye yawu avova:" Nkiampila mpova zozo? Wuta tumina mpeve zambi mu luyalu ye lendo, ye zivayikidi." ³⁷ Mudiodio nsangu mu Yisu za muangana mu ndambu zawonso za zunga kiokio ye kinzungidila. ³⁸ Mudiawu Yisu wavayika mu nzo alukutakanu ye wakota mu nzo ya Simoni. Tala, nzitu wa Simoni wakala ye yuku - yuku dia ngolo, anlomba mpasi kavanga diambu mu nkento yoyo. ³⁹ wa n'yekama, ye wavana luve kua yuku - yuku muvayika ye yuku- yuku diavayika. Mufintangu ntangu, wavumbuka ye kuakubikila kia dia. ⁴⁰ Mundimukua ntangu, antu anata kua Yisu wowo akala ye yimbevo ya mpila mu mpila. Watudidingi moko kua wumosi - umosi muyawu ye akolela. ⁴¹ Mpeve za mbi zavayika diaka kua ayingi mu yawu muboka:" Ngeye yi Muana wa Nzambi!" Yisu, wabamina mpeve za mbi ye kakuavana luveko muvova; kadi bazayawo vo yani i Klisto. ⁴² Kiokio kuma kua kia wavayika ye wayenda va fulu kia makanga. Makabu ma antu ansosa ye ayiza va fulu kakala. Azola kun'kakidila mpasi katatuka ye yawuko. ⁴³ Kansi wabatela:" Mfeti diaka samuna kua mbanza za n'kaka nsangu za mbote za kimfumu kia Nzambi; kadi yi mudina yafidulua kuku." ⁴⁴ Bosi, watatamana mulonga mu nzo zatukutakanu za mu Yuda.