¹ Mu mvu wakumi ye tanu muluyalu lua Tibele cesale, kina ponso pilatu kakala ngiadi wa Yuda, Helode wakala ntinu wa kingudi kianganga, Filipo, mpangiani wakala ntinu wa zuinga kia Itule ye wa Tankotide, Luzaniasi wakala ntinu wa kingudi kianganga kia Abilene. ² Ye muntangu ya ngudi za nganga zanene Anna ye Kayife, mpova ya Nzambi ya luakila kua Yoani muana wa Zakaliya, mu nsi ya nkatu. ³ Wayelenge muzuinga kia nzadi a Yolodani, wa longelenge mvubulu ya mpulusu ye ngiabudulu a masumu. ⁴ Bonso masonama muna nkanda wa Yesaya:" Ndinga ya ndondo wubokanga muna makanga: lukubika nzila za Mfumu, luvelelesa nzilani! ⁵ Ndimba mia wonso si miazakama, miongo miawonso ye yi miongo-miongo si miakululua, zi nzila zatekama siza singukua, nzila zina matadi matadi siza kululua, ⁶ Ye nsuni mia monso si miabaka mpulusu ya Nzambi." ⁷ Yoani wa vovelenge kua nkangu wavayikidingi mukuiza vubua kua yani:" Beno kanda dia mpidi! Nani wakukanikini mutina nganzi zita kuiza? ⁸ Luwuta mbutu mia mbote mia mpilukulu a madiela ye kaluendi vovi muyeno kibeni:" Tuna ye se bonso Abalayami"', kadi yitelele vo Nzambi wuna ye ngolo muvayikisa bana kua Abalayami mu tadididi. ⁹ Sengele kia kubukulu kala muzenga mianzi mia nti. Yikuma nti wonso kawu buta mbutu mia mboteko mina zengua ye tubua ki tiya." ¹⁰ Kunima, nkangu wayuvula kua yoani:"Nki tulenda vanga?" ¹¹ Wavutula ye wa vova:"Bika konso wuna ye yunga biole kavana kimosi kua nduna kondolo kio, kua ndondo kena ye kioko, ye ndondo wuna ye madia kavangila mpila mosi". ¹² Minfutisi mia mpaku ayiza mpe mu vubua ye kuntela diaka:"Nlongi, nki tulenda vanga?." ¹³ Wakubatela: Kalu tambula mbongo za saka lutila zozo lua tumua mubaka ko." ¹⁴ Makesa ma nkaka ma n'yuvula diaka: "Nlongi yeto nki tulenda vanga?" Wakubatela: kaluvangi wumpumbuluko, ka tumba muntuko. Lukikipa muna mfutu eno." ¹⁵ Muntangu nkangu wavingidingi muna mvibudulu ngizulu ya Klisto, muntu - muntu wakiyuvula muntimani keti Yoani wuna Klisto. ¹⁶ Yoani wakuba vutudila wavova:"Mono ngita kuluvuba mu maza kansi wankaka takuiza, wundutidi mulendo ye kina wafuanako mukutala nsinga mia nsampatu zani. Sika luvuba mu Mpeve ya Nlongo ye mu tiya. ¹⁷ Yani wuna ye vevomono mu koko kuani mpasi katoma veva fulu kia kubikila mbongo mulundulu kiani. kansi nianga, sika yoka mutiyatoto katuzima ko. ¹⁸ Ye muzi nsiamusu zabidi za n'kaka, Yoani wasamuna nsangu za mbote kua nkangu. ¹⁹ Kiokio Helode wa n'yadi kasembua mukuma kia Helodiasi bonso nkento ani, nkento wa mpangi ani, ye mu diambudia mambu ma n'kaka mambi momo Helode kavanga. ²⁰ Wakoma edi mu minkanu : wakanga Yoani muboloko ²¹ Wuwu diavangama vo kiokio nkangu wavubua, Yisu diaka wavubua. Ye muntangu yoyo asambidingi, zulu diazibuka. ²² Ye Mpeve ya Nlongo yakulumuka mukifuani kia yembe. Ye ndinga yatuka kuzulu:" Ngeye wu muanamu yizolanga, mu ngeye mbuene kiese." ²³ Muntangu kayantika salu kiani, wakala ye tezo maku matatu ma m'vu. Yani wakala (bonso wowo abanzidingi) muana wa Yosefi, wa Heli, ²⁴ Muana wa Mata (Matthat), muana wa Levi, muana wa Meleki, muana wa Yonai, muana wa Yosefi. ²⁵ Muana wa Matatias, muana wa Matta, muana wa Amosi, muana wa Nawumi, muana wa Esili, muana wa Nangayi, ²⁶ Muana wa Matti, muana wa Matatiasi, muana wa Semani, muana Yoseki, muana wa Yoda. ²⁷ Muana wa Yowanani, muana wa Leza, muana wa zolo babeli, muana wa Salatiasi muana wa Neli, ²⁸ Muana Meleki, muana wa Adi, muana wa Kozani, muana wa Elinadamu, muana wa Ele, ²⁹ Muana wa Yisu, muana wa Eliezeli, muana wa yolim, muyana matali, muana Levi. ³⁰ Muana Simeoni, muana wa Yuda, muana Yosefi, muana Yonami, muana Elakimi. ³¹ Muana Meleya, muana wa Menna, muana Matata, muana wa Nathan, muana Davidi. ³² Muana wa Jese, muana wa Yobedi, muana Boazi, muana wa Sala, muana Naso, ³³ Muana Amidadi, muana Admini, muanam Ami, muana Ezron, muana Ezho, muana wa Pelezi, muana Yuda, ³⁴ Muana Yakobi, muana Isaki, muana Abalayami, muana Tela, muana Nayito, ³⁵ Muana Selu, muana Lewu, muana Pelenge, muana Ebele, muana Siela, ³⁶ Muana Kayinani, muana Alifazadi, muana Semi, muana Nowe, muana Lemeki, ³⁷ Muana matuzelemi, muana Enoki, muana Yaleti, muana mayelele, muana Kayinani, ³⁸ Muana Emosi, muana Seti, muana Adami, muana Nzambi.