⁴ Yosefi mpe watomboka tuka kuna Nazaleti nate kuna Ngalili, mu kuenda kuna yuda, muna mbanza ya Davidi yibokeleluanga Beteleyemi; Kadi wakala mosi mu n'kuna wa kanda dia Davidi. ⁵ Bayenda ko mu kuenda kukisonekesa ye Maliya nzitikila ani, wakala ye lukawu. ⁶ Kiokio baluaka kuna, ntangu yoyo kafeti wuta yafuana. ⁷ Wawuta muana a yakala, muana a ntete, wan'zinga n'lele ye wan'tula muna dilua kia bibulu, kadi kababaka fulu ko muna nzo za mviokela. ⁸ Mu zunga kiokio kaka mua kala m'vungudi mia mameme mia kala lekanga kuna mpatu mu langidila bibulu biawu. ⁹ Mu kintumukina Mbasi a Nzambi ya bamonekena ye n'kembo a Mfumu wa batemona kinzungidila kiawu; ye bamona wonga beni. ¹⁰ Mbasi yabazayisa: " kalumoni wonga ko, kadi yilunatini nsangu zambote, zozo ziyangidika n'kangu wawonso: ¹¹ " luwutulu,wunu kiki, mu mbanza ya Davidi, M'vuluzi ndondo wuna Klisto, Mfumu. ¹² Lutala dimbu si kiakulusongela dio: " si luamona fimuana fia n'sedia fia toma fikua n'lele ye fia tulua muna dikilu dia bibulu." ¹³ Mu kintulumukina, n'kangu wanene wa makesa ma zimbasi za zulu zayiza kulama kua Mbasi, bakala sanisina Nzambi ye bakala vova: ¹⁴ " n'kembo kua Nzambi muna kayengela, ye yenge vava n'toto kua bantu bana bazolakana." ¹⁵ Kunima, kiokio Mbasi za vutuka muna nzulu, mim'vungudi mia vovasana: " tuenda kuna Beteleyemi mpasi tua tala mavangamene ko, momo Mfumu katu zayisi." ¹⁶ Bayenda n'sualu kuna ye bawana Malia, Yosefi ye fimuana fia n'sedia fialekesua muna dikilu kia bibulu. ¹⁷ Kunima mona mwonso, bazayisa kua bantu mana batelua matadidi fimuana fiofio, ¹⁸ bawonso bakubawa, bayitukua mu mambu min'vungudi bakala ku ba zayisa. ¹⁹ Malia wasimbinina mambu momo mu n'tima mu kiese ye wakala yindanga. ²⁰ bosi mim'vungi miavutuka, bakala zitisa ye basanisina Nzambi mu mawonso bawa ye bamona bonso batelua mo. ²¹ Kiokio lumbu kia nana kia fuana, bazola wukisa kiyakala kia muana, bam'vana nkumbu ya Yesu, yoyo bakivanina kua Mbasi tekela kakala muna vumu kia ngudi ani. ²² Kiokio lumbu yakivelelesa yaluta, landila n'siku mia Mose, Yosefi ye Malia banata muana ku nzo a Nzambi kuna yelusalemi, mu kun'yekola kua Mfumu. ²³ Landila masonama mu n'siku mia Mfumu: " Konso muana yakala, muana a ntete, si kayekolua kua Mfumu." ²⁴ Bayiza mpe mu vana n'kayilu bonso diasonama muna n'siku mia Mfumu: " mayembe mamole, bana ba mayembe bantela ye lozela" ²⁵ Kiongolo, vakala ye muntu mosi muna Yelusalemi wakala ye nkumbu ya Simeyoni. Muntu ndundu wakala walunungu ye wavelela. Wakala vingilanga mbombolo ya Isaeli ye Mpeve a n'longo yakala mu yani. ²⁶ Yani wazayisua kua Mpeve a N'lono vo kalendi vita fua ko tekela kamona Mesiya wa Mfumu. ²⁷ Simeyoni wayiza kuna nzo a Nzambi, wu lulendo lua Mpeve a N'longo ye kiokio kamona Se ye Ngudi banata muana Yesu mulungisa mana masonama mu yani, landila mi n'siku, ²⁸ Simeyoni watambula fimuana mu moko mani, wasanisina Nzambi ye wavova: ²⁹ " wuwu Mfumu bika Selo kiaku kenda mu luvuvamu bonso m'vovo aku. ³⁰ kadi meso mame mamuene mpulusu, ³¹ yoyo wakubikidi van'tuala n'kangu mia wonso; ³² Yi n'temo mu kuma kia nzayikusu kua bapakanu ye n'kembo kua n'kangu aku Isaeli. ³³ Se ye Ngudi ani bakala yangalalanga mu mawonso wakala vovokanga mukuma kia muna. ³⁴ Simeoni wan'sakumuna ye wavova kua Malia Ngudi ani: " muana ndundu wuna mukuma kia buisa ye telamesa bantu bayingi mu Iseli ye wuna bonso dimbu kifuete tukisa ntantani. ³⁵ Mbele yaluyalu si yan'tobola muela mpasi vo mabanza ma n'tima mia bayingi mia ziyikisua." ³⁶ Vakala diaka ye m'bikudi mosi wa n'kento nkumbu ani Ana, muana a Panueli wa kanda dia Aseli ( Aser). Wakala watoma nuna. Ku nima kilunda mulembi zaya yakala, wakuelua ye basala m'vu nsambuadia kakaye yakala diani; ³⁷ Ana wasala fola mvula lunana ye ya. Kakala tatukanga ye nzo a Nzambi ko ye wasalanga kisalu fuku ye muisi mu mbininu a n'soki ye mu lusambulu. ³⁸ Muna ntangu yina kaka, yani mpe wayiza kua Malia ye Yozefi, wayantika muvutula matondo kua Nzambi ye vovela fimuana muana kua bawonso bavingilanga nkululu ma Yelusalemi. ³⁹ Kiokio kamana lungisa mawonso masonama muna n'siku mia Mfumu, bavutuka kuna vata diawu dia Nazaleti, muna Ngalili. ⁴⁰ Muana wakala kulanga, ye wakala siama, wakala kulanga mu nduenga ye n'lemvo a Nzambi wakala mu yani. ⁴¹ Se ye Ngudi bayendanga konso kua m'vu kuna n'kembo wa pasika kuna Yelusalemi. ⁴² Kiokio kalungisa m'vu kumi ye zole, batoboka kuna Yelusalemi ku n'kinzi bonso wuna fu kiawu. ⁴³ Kansi kiokio lumbu yamana, Yesu wasala kuna Yelusalemi, Se ye ngudi kondua kua zaya. Kadi wakala ye bakuayani nzila mosi. ⁴⁴ Yosefi ye Maliya badiata lumbu kia m'vimba tekala ban'sosa vakati kua mase te bakundi bawu. ⁴⁵ Kiokio balembi kummona, bavutuka kuna Yelusalemi mu kun'sosa. ⁴⁶ Kunima lumbu tatu bayiza kummona wavuanda vana kati kua balongi, wuta kubawa ye kuba dia biuvu. ⁴⁷ Konso muntu wan'gua wakala mu titukua mu ngangu zani ye mvutu zina kakala vanana. ⁴⁸ Kiokio bammona bayitukua ye Ngudi ani wavova: " muaname nki wutuvangidi wowo? Mono ye Se diaku tuta kusosa mu kiadi kia yingi!." ⁴⁹ Wabavutula: " mudiambu dia nki luta ku nsosela, kaluzeye ko vo mfeti kala mu nzo a Se diamue?" ⁵⁰ Kansi kababakisa diodio kakala kubazayisa ko. ⁵¹ Bosi wakulumuka yawu kuna Nazaleti, wabatumamena. Ye Ngudi ani wayangalala ye walundanga mawonso momo mu kiese kiayingi muna n'tima. ⁵² Kansi Yesu watatamana mu kula mu nduenga ye mu nitu ye watambula diaka n'lemvo lutita kua Nzambi ye kua bantu.