¹ Batelama bawu bawonsono, ye banata Yisu va ntadisi a Pilatu. ² Bayantika kumfunda, ba vova:" Muntu ndundu tunguene mu vualangasa kena nsi eto, wuta kanikina mufuta mpaku kua Sezale, ye takitela yani kibeni Klisto, Ntinu." ³ Pilatu wan'guivula buivu, mu m'vovo emi:" Ngeye n'tinu a Bayuda?" Yisu wum'vutudidi:" Voveledio." ⁴ Pilatu wavova kua bangudi zanganga ye kua n'kangu:" Kimuene kuamu bila kua muntu ndundu ko." ⁵ Kansi batatamana, ye vova:" muzangumunakena n'kangu, mu longa tuka ku Yuda, nate ye kungalili, koko kayantikila, nate ye kuku." ⁶ Kiokio Pilatu kawa wuna, wayuvula vo muntu wuwu wakele muisi ngalili. ⁷ Kiokio kawa vo wakala muntu wa tini kia Elode, wamfidisa kua Elode, wa wanuka mpe vana mu Yelusalemi mulumbu kina. ⁸ Kiokio Elode kamona Yisu, wakala mu kiese kia bidi, kadi tuka ntama, wazola kam'mona, mudiambu dia momo kawa bavovelenge mu yani, ye wakala ye vuvu vo sikamona kavanga bimangu. ⁹ Wan'guivula buivu bia bidi, kansi Yisu kam'vutudila diambu ko. ¹⁰ A ngudi zanganga ye min'soniki bakala vana, ye bam'fundidingi mungolo. ¹¹ Elode, ye makesa mani, bam'fingidingi ye, kiokio bamanisa kun'sakanena ye kum'vuika kinkutu kialezima, bam'vutula kua Pilatu. ¹² Elode ye Pilatu bakituka bakundi, mulumbu kiokio kaka, (muntama, bakala batantu). ¹³ Pilatu, wakutikisa mintuadisi, mi m'fundisi, ye nkangu, ¹⁴ ye wabatela:" Lundatini muntu ndundu bonso n'tukisi a mvualangani. Ye wuwu, yi nguivudi buivu va ntadisi eno, ye kimuene n'kutu bila muyani mudiambu dimosi ko mu mawonsono luta kum'fundila. ¹⁵ Elode mpe mpilamosi kamuene diambu dimosiko mu mawonsono luta kumfundila mpasi kazengolua n'kanu a lufua. ¹⁶ Yikuma, si yam'vana tumbu bosi siya n'giambula. ¹⁷ (Ye Pilatu wazola giambula kua bayuda wu mosi muzinkole za boloko mudiambu dia nkembo). ¹⁸ Kansi baboka bawu bawonsono mukintuadi:" Wutuka tudila muntu aku yoyo, ye wutuyambudila nkutu Balabas." ¹⁹ Balabas wakala wakotosua muboloko mudiambu dia kimpumbulu mu mbanza, ye mudiambu dia vonda. ²⁰ Pilatu wabatela diaka, mu mabanza mazola giambula Yisu. ²¹ Ye baboka:" Wun'koma va kuluzu! Wun'koma va kuluzu! " ²² Wukubatelele munkumbu ya n'tatu:" Nkiambi kavenge? Mono kimuene mbi mu yani yifueti kum'vewolua tumbu kia lufua ko. Si yangiambula kiokio yi manisa kunsambisa." ²³ Kansi batatamana mundinga yangolo, mulomba kakomua kaka va kuluzu. ²⁴ Pilatu wabaka nzengo vo momo balombele simavangama. ²⁵ Wayambula ndondo wakotosua muboloko mudiambu dia zangumuna nkangu ye vonda, ndondo bazola yambula. Ye wayekola Yisu muluzolo luawu. ²⁶ Kiokio bakala kun'natanga, ba baka muntu wu mosi, Simoni muisi Kilene, walutidingi kun'zanza, ye ban'tuika kuluzu, mpasi kanatadio kunima Yisu. ²⁷ Walandua kua n'kangu wa bidi wa bantu ye bakento bakala mukiadi ye bakala nionganga mudiambu dia yani. ²⁸ Yisuwabaluka kua yawu, ye wavova:" Bana bakento ba Yelusalemi, kalundidiko, kansi lukidila yeno kibeni ye bana beno. ²⁹ Kadi tala, lumbu siyiza kiokio bavova:" Basakumuka bena bisita, ye n'dia miomio kamia wutako, ye ntulu zozo kaza yemekako!" ³⁰ Wana sibayantika vova kua miongo:" Lutusotokela!" Ye kua yi miongo miongo: Lutu fika!" ³¹ Kadi vo beta vanga mambu momo kiokio nti wuna ye titi kia nkunzu, bueyi simakadila vo wuna wayuma?" ³² Bantu ban'kaka, yimpumbulu giole ya natua mpasi bakuba vonda. ³³ Kiokio baluaka kuna fulu kibokodoluangua " Konzongolo kia n'tu", Ban'koma vana va kuluzu, kintuadi ye yimpumbulu, wu mosi ku lubakala ye wan'kaka ku lumonso. ³⁴ Yisu wavova:" Tata, wubayambudila, kadi kabazeye ko momo beta vanga." Bakayane binkutu biamu, mu tawadi. ³⁵ N'kangu watelama vana, ye wakala talanga kiokio min'sambisi ba n'sakanenenge, ye vova:"Yani wavuluzingi ban'kaka. Vo wuna kusua kia Nzambi, Solua kia Nzambi, kakivuluza yani mosi." ³⁶ Makesa mpe man'sakanena, bafinama va yani ye bam'vana vinu dia ngani, ³⁷ ba vovelenge:" Vo ngeye wuna N'tinu a bayuda, wuki vuluza ngeye mosi." ³⁸ Bosi, vazulu ani vakala ye bisono:" Ndundu i N'tinu a ba Yuda." ³⁹ Wu mosi mu bimpumbulu akomua vakuluzu wamfinga, wavova:" Nga kuna Klisto kue? Wukivuluza ngeye mosi, ye wutu vuluza." ⁴⁰ Kansi wan'kaka wam'bela ye wavova:" Kuta mona wonga wa Nzambi ko, ngeye wuta baka nzengolo mosi? ⁴¹ Kua yeto diakieleka, kadi tutabaka diodio difuene mudiambu dia mambi meto. Kansi yani kavenge diambu dia mbi ko." ⁴² Ye wavova kua Yisu:" Wumbambukila moyo, kiokio si wavutuka muki mfumu kiaku." ⁴³ Yisu wam'vutudila:" Ngita diokutela mukielaka wunu kiki, siwakala ye mono ku paladiso." ⁴⁴ Kuakala ngatu ntangu ya sambanu, ye kua bua tombe kia ngolo va n'toto wam'vimba; nate ye mu ntangu ya vua, ⁴⁵ ntangu yakuma tombe, ye nlele wa nzo a Nzambi watendoka vakati kati. ⁴⁶ Yisu waboka mundinga ya ngolo:" Tata, mvutudi Mpeve amu va moko maku." Kiokio kamanisa vova mambu momo wa fua. ⁴⁷ Mfumu za makesa nkama, kiokio kamona wuna, wasanisina Nzambi, ye wa vova:" Mukieleka, muntu ndundu wakele wa lunungu." ⁴⁸ Ye bawonsono bakala vana, kiokio bamona mambu momo mavioka, ba baluka, beta kituta ntulu. ⁴⁹ Bawonsono bobo bazayana ye Yisu, ye bakento bobo ban'landa tuka ku ngalili, batelama kua nda ye ba tadidingi talanga mambu momo. ⁵⁰ Tala, vakala ye muntu wu mosi wabokodolua Yosefi wumosi muki mvuka kia luyalu, muntu wambote ye walunungu, ⁵¹ (Katambudila nzengo nzengolo za vanga ban'kaka), wakala muisi Alimatayi, mbanza ya bayuda, ye wakala vingilanga Kimfumu kia Nzambi. ⁵² Muntu yoyo wayenda kua Pilatu, ye walomba nitu a Yisu. ⁵³ Wakulumuna yo, wazinga yo nlele wa lino (lin), ye wan'tula muziamu kia timunua mu tadi, kiokio kakiatulueti muntu ko. ⁵⁴ Kiakala lumbu kia nkubukulu, ye lumingu luazola yantika. ⁵⁵ Bakento batuka ku ngalili ye Yisu balama Yosefi ku ziamu ye mpila nitu a Yisu ya tulua muna. ⁵⁶ Ye kiokio bavutuka, bakubika matiti mansunga ye mafuta. Bosi bavunda mu lumbu kia lumingu bonso wakadila nsiku.