¹ N'kembo wa mampa makondua funusua, wabokololuanga Pasika wafinama. ² Ngudi za Nganga ye min'soneki basosanga mpila afeti vondela Yesu, kansi bamuenenge wonga wan'kangu. ³ Satana wakota mu Yuda Isikalioti, mosi mu kumi ye zole. ⁴ Yuda wayenda mokena ye Ngudi za Nganga ye mfumu za min'kengedi mu mpila kafeti kua yekolela Yesu. ⁵ Bamona kiese ye bayizana mu kum'vana bongo. ⁶ Bawizana ye bayantika sosa ntangu ya mbote mu kua yekolela Yesu kondua n'kangu kazaya. ⁷ Lumbu kia n'kembo wa mampa ma kondua funusua kia fuana, yi kina kaka kivonduanga meme dia Pasika. ⁸ Yesu tuma Petelo ye Yowani ye wakuatela: " luenda kutulambila madia ma Pasika mpasi tua dia mo." ⁹ Ban'tela: " Kueyi zolele tuakubikila mo? " ¹⁰ Wavutula: " luwa, kiokio si luakota muna mbanza, si lua wawana ye muntu mosi neti m'vungu wa maza. Lun'landa ye lukota nate muna nzo yina kakota. ¹¹ Ye si luavova kua mfumu a nzo: " N'longi katelele: " kueyi kuna suku se ya dila Pasika ye balongoki bamue? " ¹² si kakulusonga suku dia n'tandu dia nene, dina ye biti ye biawonso bifuene. Yi muna lukubikila mo." ¹³ Bayenda ye bawana mawonso mpila katela mo. Ye kubika madia ma pasika. ¹⁴ Kiokio ntangu yafuana, wavuanda ye balongoki bani. ¹⁵ Wabatela: " yazolele kibeni dia madia ma Pasika ye yeno tekela ya mona mpasi. ¹⁶ Kadi, yilutelele wo, kidia mo diaka ko nate kuna malunganena muana kitinu kia Nzambi." ¹⁷ Ye Yesu wabaka mbungua ye kiokio kamana vutula matondo,wavova: " lubaka yiyi ye lukayana yo yeno ye yeno. ¹⁸ Kadi yikutele dio, kisala nua diaka bitukidi mu bundu kia vinia ko nate kifumu kia Nzambi kikuiza." ¹⁹ Bosi, wabaka dimpa, ye kiokio kamana vutula matondo, wabukuna dio, wabavana dio ye wavova: " yiyi yi nitu amu yiveno mudiambu dieno. Luvanganga dio mu kumbambukila moyo. ²⁰ Mpila mosi, kunima ndilu, wabaka mbungua wavova: " mbungua yiyi yi luwawanu lua mpa muna menga mamu matiamukidi mudiambu dieno. ²¹ Kansi lukeba. Ndondo kungiekola wuna yamu vava meza mama. ²² Kadi muana muntu wuta kuenda landila mpila makubamena. Kansi mpasi kua muntu ndondo kungiekola! ²³ Ye bayantika yuvuasana yawu ye yawu, nani vakati kiawu vanga dio. ²⁴ N'zonza mia bua vakati kuawu mu matadidi nani mubawu lutidi kimbuta kua bankaka. ²⁵ Wabatela: " mfumu a bapakanu wuluyadidi, ye bobo bena ye luyalu kua bawu babokeleluanga Ngiadi mia nzitusu. ²⁶ Kansi ka dikala mpila mosi ko ye yeno. kansi nkutu, bika ndondo lutidi kimbuta mu ban'kaka kakala bonso lutidi kileke. Ye nduna lutidi m'funu kakuma bonso yani yi n'sadi. ²⁷ Kadi nani lutidi kimbuta: ndondo wuna va meza yevo nduna wuta kaya? Kaluzeye ko vo yi ndondo wuna va meze? Wunu ngina vakati kueno bonso ndondo wuta kaya. ²⁸ Kansi yeno luna bobo bazizila ye mono mu ntontolo zamu. ²⁹ Yiluvene kitinu bonso Se diamu kamvanina kitinu. ³⁰ Mpasi vo luadia ye nua va meza makitinu. Bosi mpe luvuanada va kiandu kia kitinu ye lufudisa kumi ye zole dia makanda ma Isaeli. ³¹ Simoni, Simoni keba, satana lombele ka vua mpasi kalutisa mu kiyungulu bonso nginga ya bule (Ble). ³² Kansi ye sambidi mu kuma kiaku mpasi vo minu kiaku kakiyoyi nkutu ko. Mpasi vo kiokio vutuka , wasiamisa mpagi zaku." ³³ Petelo wan'tela: " Mfumu, ngina wakubama mu kuenda yaku mu boloko ye kuna lufua." ³⁴ Ye Yesu wantela: " Petelo, yikutelele, nsusu ya koko ka yikikokolela ko wunu, vo ngeye ku m'vakudidi n'kanu nkumbu tatu ko. ³⁵ Wabatela diaka: " kiokio yalufila kondua kua mbongo, kondua kua nkutu ya nkuta ye kondua kua nsampatu, nga lua kondua konso kua kima?" Bavutula: " ve kikilu" ³⁶ Ye wabatela: " kansi wuwu, konso wuna ye mbongo kabaka, ye mpila mosi wuna ye nkutu bika kabaka yo kuani. Konso ndo kondolo mbele a luyalu, kateka m'vuatu ani ye sumba yo yi mosi. ³⁷ Kadi yikulutelele dio, mana masonama mu mono mafeti lungana: " wabakulua bonso mosi wuna ku mbazi a n'siku." ³⁸ Bavova: " Mfumu, tala mbele zole za luyalu. " Wabatela: " zifuena." ³⁹ Kunima ya ndilu, Yesu wayenda bonso wakala fu kiani, kuna mongo wa Olive, ye balongoki bani ban'landa. ⁴⁰ Mu ntangu baluaka, wabatela: " lusambila mpasi kalubue mu ntontolo ko." ⁴¹ bosi wavaluka ye bawu mu tezo kia tini kia ntubulu a tadi ye wafukama, wasambila. ⁴² Wavova: " Tata vo zolele dio, katula mbungu yoyo mu mono. Kansi, ka muluzolo luamu ko, kansi bika luzolo luaku luavangama." ⁴³ Mudina, Mbasi a zulu yam'vayikila mu kun'siamisa. ⁴⁴ Muna wonga wuna, wasambila mu ngolo zawonso ye kiufuta kiani kia kuma bonso matonsi manene ma menga makala bua vana n'toto. ⁴⁵ Kiokio kamanisa sambila, wayiza kua balongoki, ye wabawana baleka mu diambu dia kiadi, ⁴⁶ wabayuvula mudiambu dia nki lulekele? Lusikama ye lusambila mpasi ka lubue mu ntontolo ko." ⁴⁷ Mu ntangu yoyo kakala vovanga, tala, n'kangu wayiza ye Yuda, wumosi mu ban'longoki, wakele ku batuadisanga. Wafinama va mbela a Yesu mu kun'fiba, ⁴⁸ kansi Yesu wan'tela: " Yuda yi mu kum'fiba wuta yekolela muana muntue?" ⁴⁹ Kiokio bakala ye Yesu bamona mana makala vioka bavova: " Mfumu, si tuabazuba mu mbele za luyalue?" ⁵⁰ Ye monsi mu yawu wazuba n'sadi a ngudi za nganga, ye wan'zenga kutu kua lunene. ⁵¹ Yesu wavova: " yimene, luyambula!" ye wasimba kutu kuandi wavula ko ye wasasuka. ⁵² Yesu wavova kua ngudi za nganga, kua mfumu za nzo a Nzambi ye kua bakuluntu ban'yizila: " luta kuiza bonso yimpumbulu, ye mbele zaluyalu ye m'bota mia nene? ⁵³ Kiokio yakele yeno lumbu yawonso muna nzo a Nzambi, ka lua ntudidi moko ko. Kansi yiyi yi wola eno, ye yoyo ya lulendo lua tombe." ⁵⁴ Bam'baka, bannata ye ban'luakisa kuna nzo a ngudi za nganga. Kansi Petelo, kuanda, wa kala kun'landanga. ⁵⁵ Kunima a lunga tiya vana kati kua yanzala ye bavuanda vakimosi, Petelo wavuanda yawu. ⁵⁶ N'sadi mosi wan'kento wammona, kadi wakala wavuana vana n'temo a tiya, wan'tungununa ye wavova: " muntu ndundu kele mpe ye yani." ⁵⁷ Kansi Petelo wavakula n'kalu, ye wavova: " muana n'keno, kin'zeye ko." ⁵⁸ Ntangu yafioti yaluta, wan'kaka wammona ye wavova: " wuna mpe mosi mu bawu" Kansi Petelo wavova : " muana yakala, kina wo ko." ⁵⁹ Kunima tezo kia wola mosi, wan'kaka diaka wasiaminina vova: " kieleka, muntu ndundu kele diaka ye yani kadi wuna musi ngilili." ⁶⁰ Petelo wavutula: " muana yakala, kizeye ko nki wuta vova." Vana nawu, kiokio kakala vova, koko dia nsusu dia kokola. ⁶¹ Kiokio Mfumu kabaluka, watala Petelo. Ye Petelo wabambuka moyo mu mambu Mfumu kan'tela: " Tekela nsunsu yakokola, wunu kiki, si wamvakudila n'kalu nkumbu tatu." ⁶² Kiokio kavayika, wadila kua yingi. ⁶³ Bantu bobo basimbanga Yesu bakala kun'sakanena ye kun'zuba. ⁶⁴ Kunima ya mana kum'fkika zidi, ban'yuvula: " nani wu zubidie?" ⁶⁵ Bavova mambu mayingi man'kaka mambi ye ma luvuezo kua yani. ⁶⁶ Kiokio kaka kuma kua kia, kimvuka kia mbuta za n'kangu, nganga za mbuta ye min'soneki bavuanda mu lukutakanu. Batumisa Yesu muna lukutakanu luawu, ⁶⁷ ye bavova: " vo wuna Klisto, wututela." Kansi wabatela: " vo yilutelele wo, ka lukuikila ko; ⁶⁸ ye vo yiluvene ngivu, ka luvana mvutu ko. ⁶⁹ Tuka mu wunu, muana muntu si kavuanda kuluyakala lua lulendo lua Nzambi." ⁷⁰ Bavova bawonso: " disongele vo wuna muana a Nzambie? " Ye wabavutula: " luvovele wo, ngina wo." ⁷¹ mudiodio Bavova: " mudiambu dia nki tunina diaka ye nsatu a kimbangie? Kadi tunguidi yeto mosi mu nua wayani kibei."