¹ Vayiza lumbu kimosi, kina Yisu kalongelenge n'kangu mu kinlongo ye wa longelenge masonokua, zingudi za nganga ye min'soniki, ye bambuta. ² An'tela:" Wututela, mu n'sua wanani ta vangila mambu momo? Evo nani yoyo wavene n'sua?" ³ Wa avutudila:" Kiuvu kimosi mpe yikulu yuvula. Luntela, ⁴ Mvubulu a Yoani, yatuka kuzulu, evo kua antu?" ⁵ Ayindula mu yawu kibeni, avova:" Vo tuvutudi:" Kuzulu," sika vova:" Mudiambudia nki kaluakuikila mu yani ko?" ⁶ Ye votuvutudi:" Kua bantu," nkangu wawonsono si atuzuba matadi, kadi a kuikila kibeni vo Yoani wakala mbikudi." ⁷ Idina avutula vo katuzeye ku yatuka ko. ⁸ Yisu wuku atelele:" Mono mpe diaka, kikulutelako mululendo lua nani ngita vangila mambu momo." ⁹ Wavova kingana eki kua n'kangu:" Muntu wumosi wakuna via dia vinu, wadevesa dio kua sadi ya vinu, ye wayenda ntangu yabidi ku nsi yan'kaka. ¹⁰ Muntangu ya gionzeka, watuma kisadi kimosi kua sadi ya vini, mpasi an'vana m'butu mia vinu. Sadi ya vinu an'zubidi, ye an'vutudi moko mampamba. ¹¹ Wafidisa diaka kisadi kian'kaka ye an'zubidi diaka, an'vanga mambu mansoni, ye an'vutudi moko mampamba. ¹² Wafidisa diaka wan'tatu ye banlueka, ye an'kula. ¹³ Mfumu ya vinu wavova:" Nki yi vanga? Siyafidisa muana amu wanzolua. Ngatu, si akala ye luzitu kua yani." ¹⁴ Kansi, kiokio yisadi ya vinu am'mona, ayantika vova yawu ye yawu, ye avova:" Tala yoyo sika sadila kimvuama. Tum'vonda mpasi vo kimvuama kia kala kia yeto." ¹⁵ An'tuba ku mbazi ya vinu, ye an'vonda. Wuwu, nki kaku avanga mfumu ya vinu? ¹⁶ Si keza, ye sika fukisa sadi yoyo ya vinu, ye sikavana via dia vinu kua antu an'kaka. Kiokio awa mambu momo, avova, " Kadi yangidika Nzambi ko!" ¹⁷ Kansi Yisu wa atala ye wavova:" Nki disongele masonokua mama? " Tadi dia tuba antu atungidingi dikumini dikumini m'funu mokonko? ¹⁸ Konso yuna sika bua mutadi diodio sika kitolola, ye yoyo sika builua dio sika muangana." ¹⁹ Idina, angudi za nganga ye minsoniki asoselenge atula moko mu yani muntangi yina kaka, kadi azaya vo wavovelenge kingana kiokio mudiambudia yawu. Kansi a muenenge wonga wa n'kangu. ²⁰ Atoma kun'tadidila, atuma antu avanganga mambu mukinsueki (espions) asosa kukisongela alunungu, mpasi vo abaka mambu mambi mu mpova zani, mpasi vo an'giekola kua mfumu a zuinga. ²¹ An'guivula:" Nlongi, tuzeyevo wuvovanga ye longanga masungama, ye kutuadukusuanga mulutumunu lua muntu ko, kansi ngeye wulonganga nzila ya Nzambi mukieleka. ²² Tuna ye n'sua, vo nkatu, mufuta mpaku kua Kayisala?" ²³ Kansi Yisu wabakisa ngindu zawu ye wa avutudila: ²⁴ "Lun'songela mbongo yi mosi (un denier). Zidi kia nani kina mumu ye sono?" Avutula:" Kia kayisala." ²⁵ Waku atela:" Idina luvana kua kayisala kiokio kina kia kayisala, ye kua Nzambi kiokio kina kia Nzambi." ²⁶ Ka alenda kun'sungula ko mu mpova zani va ntadisi a n'kangu. Ayitukua mudiambudia mvutu zani, kansi ka avova diambu ko. ²⁷ Kiokio ndambu ya antu an'kaka a Saduki, wowo avovanga kakuna mfulukuluko, afinama, mukun'guivula kuivu eki. ²⁸ "Nlongi, tala mambu momo Mose katu sonekena:" Vo mpangi ya muntu fuidi, wuna ye n'kento, kondua kua muana, mpangi ani kafueti sompa n'kento wa mpangi ani, mu wuta muana mudiambudia mpangi ani." ²⁹ Nkiongolo, vakala mpangi nsambuadi, wantete wasompa, ye wafua kondua kua muana, ³⁰ ye wan'zole diaka mpila mosi. Ye wan'tatu wunsompele, ³¹ ye diakala mpila mosi kua yawu nsambuadi, afua kondua kua kuasisa bana. ³² Lumbu ya landa, n'kento mpe wafua. ³³ Mu mfulukulu, n'kento wanani sikakala? Kadi yawu nsambuadi akala mayakala mani." ³⁴ Yisu wukubavutudidi:" Bana ba nza yiyi a sompananga ye bavanuanga musompa. ³⁵ Kansi wowo si akala alunga mu ntangu yina mukala mumfulukulu a ba fua ka basompa evo somposua ko. ³⁶ Ka bafua diakako, kadi sibakituka mpila mosi ye zi mbasi, ye sibakala bana ba Nzambi, kadi bana ba mfulukulu. ³⁷ Bika bafua bafuluka, mpila mosi ye Mose wazayikisadio kiokio, mu n'ti wowo walema, wabokelela Mfumu Nzambi ya Abalayami, Nzambi ya Isaki ye Yakobi. ³⁸ Wuwu, Nzambi kena Nzambi ya bafua ko, kansi ya bamoyo, kadi ba wonsono bazinganga mu yani." ³⁹ Bantu ban'kaka ba min'soniki, bavutula:" Nlongi, tomene vova." ⁴⁰ Ye kabalenda diaka kun'guivula buivu ko. ⁴¹ Yisu wabatela:" Bueyi luvovelanga vo Klisto wuna muana wa Davidi? ⁴² Davidi yani mosi wavova mun'kanda min'kunga:" Mfumu wa vova kua Mfumu amu, " Vuanda va lubakala luamu, ⁴³ nate ye yikitula min'tatu miaku diatulu kia tambi biaku." ⁴⁴ Dividi wabokela Klisto, "Mfumu", idina bueyi kena muana Davidi?" ⁴⁵ Muntangu yoyo n'kangu wan'guidingi, wavova kua ba longoki bani. ⁴⁶ " Luki kenga mu nsoniki, bazolanga zietela mu giunga ya nda, ye bazolanga mbote zaluzitu mu fulu ya bantu babidi, basosanga bifulu biantete mu zi nzo za lukutakanu, ye bifulu biantete muntangu ya ndilu. ⁴⁷ Ba muangasanga mpe nzo za mafola, ye bavunanga sambila sambu ya nda. Siba tambula nsembolo ya n'nene."