¹ Yisu wakota ye wa lutila ku Yeliko. Ye tala, vakala ye muntu wa bokodolua Zakayi. ² Wakala mfumu a m'futisi mia mpaku, ye wakala mvuama. ³ Wasoselenge mu mona Yisu, kansi kalenda kum'monako mudiambu dia n'kangu wakala wa bidi, kadi wakala ye n'tela wankufi. ⁴ Wa lemoka kibeni kun'tuala antu, ye wa manta mu nti wabokodolua Sikomola mpasi ka m'mona, kadi Yisu wazola lutilavana. ⁵ Kiokio Yisu kaluaka va fulu kina, wun'tadidi muzulu ye wun'telele:" Zakayi, kulumuka nsualu, kadi nzolele leka wunu mu nzo aku." ⁶ Wasala nsualu mukulumuka, ye wungiambidi mukiese. ⁷ Kina amona wuna, antu a wonsono ayawula, ye avovelenge: Wele bumina muntu wa masumu." ⁸ Zakayi, telamene va ntadisi a Mfumu, ye wun'telele:" Tala, Mfumu, ngiele vana kua ba mputu ndambu ya bima biamu, ye, vo ya kuata kima kia muntu, si ya mvutudila nsa ziya". ⁹ Yisu wan'tela:" Mpulusu yikotele wunu mu nzo yiyi, kadi yani mpe wuna muana Abalayami. ¹⁰ Kadi Muana Muntu wizidi musosa ye vuluza oh oh akele avila." ¹¹ Kina vo awilungu mambu momo, watatamana ye vova kingana kadi wakala lukufi ye Yelusalemi, ye ayindidingi vo Kimfumu kia Nzambi kilenda moneka muntangu yina. ¹² Wavova kibeni:" Muntu wa yenda kun'si yenda mubaka muyani mosi kimfumu ye vutuka. ^{13 14 15} Wabokela sadi yani kumi, wukubavene mina, ye wuka atelele:" Luwutisa zo nate ye siyavutuka." Kansi sadibiani an'giekole, ye fididi kimvuka kia zintumua kunima yani wavova:" Katuzoleleko vo muntu yoyo kayala mu yeto." Maluta kiokio kavutaka, kunima mbakulu a kimfumu, wayuvula kua sadi yani yoyo kana mbongo, mpasi vo kazaya bueyi muntu muntu mu yawu kasadidi mubaka nluta mukisalu kuawu. ¹⁶ Wantete wele va ntadisi ani wuntelele:" Mfumu, mina aku yi wutidi mina kumi vazulu." ¹⁷ Muntu wa mvuama wun'telele:" Diambote, n'sadi wambote. Kadi wakele wakuikama mu bima bia fioti, si wabaka luyalu lua mavata kumi" ¹⁸ Wanzole wa yenda, ye wavova:" Mfumu, mina aku yiwutidi mina tanu." ¹⁹ Muntu wa mvuama wun'telele:" Baka zitu kia mavata tanu." ²⁰ Ye wan'kaka wayiza, wa vova:" Mfumu, tala mina aku, ya lundidi mundunda mosi ya mbote kibeni va kinkutu, ²¹ Kadi yakele wonga wangeye, kadi wuna muntu wa nganzi. Baka kiokio kua tudidi ko, ye si wayonzika kiokio kua kunini ko." ²² Muntu wa mvuama wun'telele:" Yisambisi mu mpova zaku, sadi kia nganzi. Wazaya vo ngina muntu wanganzi, bakidi kiokio kia tudidi ko, ye yonzeka kiokio kia kunini ko. ²³ Nki kua tudila mbongo zamu kulundulu kia mbongoko, mpasi vo mu m'vutukulu amu ngienda zo baka ye ndandu va zulu?" ²⁴ Diaka muntu wamvuama telele kua wowo akangua vana:" Lunkuata mina, ye luvana kua yoyo wuna ye mina kumi. ²⁵ An'telele:" Mfumu, yani wunakala ye mina kumi ." ²⁶ " Ngita kulutela, si avana kua yoyo wuna yawu, kansi, kua yoyo kena ye kioko si akatula kani kiokio kina yani. ²⁷ Wuwu, lunata yani vava n'tantu miamu, wowo kabazolako vo yaduma mu yawu, ye luvonda yawu va ntadisi amu." ²⁸ Kunima kiokio kamanisa vova mambu momo, watatamana nzila Yelusalemi. ²⁹ Dialuaka kiokio ka kuma va mbela Betefeza ye ku Betania, kundambu ya mongo wu bokodoluanga Olive, wa tuma ba bole mu alongoki ani, ³⁰ Wa vova:" Luenda ku vata dia va mbela. Kiokio lukota, si lua wana muana mpunda ka muntu ko wa vuandakala mu yani. Lun'kutula, ye lunata yani kua mono. ³¹ Vo muntu wu luyuvudi, " Nki luta ku n'zibudila?" Luvova, " Mfumu vuidi yo nsatu." ³² Yawu atumua ayenda, ye ba wana muana mpunda bonso Yisu kabatela. ³³ Kina vo azibudingi mpunda, mfumu a mpunda yoyo wa atela:" Nki luta zibudila mpunda?" ³⁴ Bavutula:" Mfumu wuna yawu nsatu." ³⁵ Banata mpunda kua Yisu, ba yala mvuatu miawu va mpunda, ye bavuandisi Yisu vazulu. ³⁶ Kiokio bayelenge, bayala mvuatu miawu mu nzila. ³⁷ Kiokio kafinama mukulumuna mongo wa Olive, ndonga ya wonsono ya balongoki bayantika yangalala ye sanisina Nzambi mundinga ya ngolo mudiambu dia mambu man'nene mangolo momo ba mona. ³⁸ Bavova:" Kasakumunua Ntinu wizidi mu nkumbu a Mfumu! Luvuvamu mu zulu, ye nkembo mu fulu bilutidi zangama!" ³⁹ Bafalisi ban'kaka, bakala va kati kia n'kangu, ban'tela:" Nlongi, sima nlongoki miaku." ⁴⁰ Yisu wakubavutudila:" Yilutelele, vo bayambudi mazu, matadi simakaya." ⁴¹ Kinavo Yisu wafinama ye mbanza, wadila mu diambudia mbanza, ⁴² Ye wavova:" Vo kaka wazaya mulumbu kiki mambu mena mudiambudia luvuvamu luaku! Kansi wuwu mena masuekua mu meso maku. ⁴³ Kadi, si keza mu ngeye mu lumbu, kiokio min'tantu miaku si batunga n'kaku vakati kua ngeye, si azungidila, ye siba finangesa mundambu za wonsono. ⁴⁴ Si bafuasa ngeye ye bana baku ye ngeye. Kabasisa tadi vazulu a tadi ko, kadi kuazaya ntangu ko yoyo Nzambi kateza mukuvuluza." ⁴⁵ Yisu wakota mukinlongo, ye wayantika kula bobo batekelenge, ⁴⁶ Wakuba tela:" Diasonama, " Nzo amu si ya kala nzo ya lusambulu", kansi beno, lukitudi yo nluka wa mivi." ⁴⁷ Mudiodio Yisu walongelenge lumbu ya wonsono muki nlongo. Ye bangudi za nganga, minsoniki, ye mfumu za bantu basoselenge mukun'vonda, ⁴⁸ Kansi kabazayako bueyi bakumbakila, kadi n'kangu wa wonsono banguilungu mukiese.