¹ Bosi, wabatela ngana yi mosi, mu matadidi weyi bafeti sambidilanga mu ntangu zawonso, kondua kua beba nkutu. ² Wavova: " mu mbanza mosi, muakala m'fundisi mosi walembi vuminanga Nzambi ye kadia zitisanga nkutu kana muntu ko. ³ Wuwu muna mbanza yoyo, muakala ye fola dimosi dia n'kento, wayizanga kua yani ye vova: " wu nsadisa mpasi yabaka ndungunu va n'tuala mbeni ame. " ⁴ Kadi mu ntangu ya nda, kakala ye luzolo lua kun'sadisa ko, kansi kunima ntangu mosi, wavova mu yani mosi: " mpeleko kivuanga Nzambi vumi ko ye mpe kizitisanga muntu ko, ⁵ Kansi, wukina vo n'kento ndundu wuta kunkuamisa, mfeti kun'sadisa kidi kabaka ndungunu; mpasi vo ka ngioyisi mu ngiza zani ka zina nsuka ko. ⁶ Bosi mfumu wavova: " wa metavova m'fundisi wakondua lunungu. ⁷ Wuwu nga Nzambi kalendi vana ndungidi kua bakiazo bani babokanga kua yani fuku ye muini kue? Nga si kakala fuki kua yawe? ⁸ Yilutelele vo kafeti kubavana ndungidi mu ngolo zawonso. Mpila mosi kiokio muana muntu si keza, nga kieleka si kawana minu vava n'totue?" ⁹ Bosi wata diaka ngana eyi kua ban'kaka bakala kibanzilanaga vo bakala balunungu ye bakala belanga bantu ban'kaka. ¹⁰ " Bantu bole batambuka ku nzo a Nzambi mu sambila ( mosi wakala m'falisi, wan'kaka m'futisi a mpaku. ) ¹¹ M'falisi watelama ye wasambila mambu ema matadidi yani mosi: " Nzambi yikutondele wu kina vo kina bonso bantu ban'kaka bobo bena yimpumbulu, bantu bobo bakondolo lunungu, bankua zumba, yevo nkutu bonso m'futisi ampaku ewu ko." ¹² Yiminanga n'soki nkumbu zole muna lumingu ye yivananga buku kiamu kia kumi kia biawonso bina yamu. ¹³ Kansi m'futisi a mpaku, watelama kua nda, kateza nkutu zangula meso mani kuzulu ko, kansi kakala kibundanga ntulu ye vova: " Nzambi wumfuila nkenda mono nkua masumu." ¹⁴ Yilutelele, muntu ndondo wavutuka kuna nzo ani wa velelesua, kabonso ndondo wan'kaka ko, kadi konso nduna kizangulanga si kakululua, kansi konso nduna kikululanga si kazangulua." ¹⁵ Bantu banatanga mpe bana bawu kua yani mpasi kaba valakana, kansi balongoki babamona ye babelesa dio. ¹⁶ Kansi Yesu wababokela kuayani wata: " lubika yimbana mbana wiza kua mono, kalu bakakidila ko; kadi kimfumu kia Nzambi kivuilu kua antu ampila yoyo. ¹⁷ Mu kieleka, ngita wo kulutela, konso nduna katambudi kimfumu kia nzambi bonso muana ko, kalendi sala mo kota ko. ¹⁸ Ntuadisi mosi wan'yuvela ye wavova: " N'longi a mbote, weyi ndenda vanga mpasi ya tambula moyo wa m'vu ya m'vue?" ¹⁹ Yesu wan'tela: " mudiambu dia nki wuta ku mbokelela wambote? Kavena muntu mosi ko wambote ko, vo kayi Nzambi yani mosi kaka ko. ²⁰ Ze ye n'siku: " kute zumba ko, kuvondi ko, ku yiyi ko, kute kimbangi kia luvunu ko, zitisa Se diaku ye Ngudi aku." ²¹ N'tuadisi wavova: " ya zitisi mawonso momo tuka ntangu yakala toko." ²² Kiokio Yesu kawa wo, wantela : " kima kimosi diaka kikukondolo. Feti teka biawonso bina yaku ye kaya bio kua bamputu, wana si wabaka kimvuama kuna zulu ( bosi wiza wundanda.)" ²³ Kansi kiokio toko diodio dia mvuama kawa mambu momo, wakala ye kiadi kiayingi beni, kadi wakala mvuama beni. ²⁴ Bosi yesu kiokio kammona, wakendalala beni ye wavova: " dina dia mpasi kua zimvuama mu kota mu kimfumu kia Nzambi! ²⁵ kadi kadina nkutu dia mpasi ko kua kavalu mu lutila muna wulu dia ntumbu kansi ke kua mvuama ko mu kota mu kimfumu kia Nzambi." ²⁶ Bobo ban'gua bavova wana nani lenda vulusue?" ²⁷ Yesu wavutula: " mambu mana ka malendakana kua bantu ko malendakana kua Nzambi. " ²⁸ Petelo wavova: " kansitu, tuamana sisa yawonso yina tuvuidi ye tua landa." ²⁹ Yesu wabatela: " mukieleka, kavena muntu ko wasalasisa nzo ani, yevo n'kento ani, yevo mpangi zani za yakala, yevo Se diani ye Ngudi ani, yevo bana bani mukuma kia kimfumu kia Nzambi, ³⁰ Kalembi tambula nkutu, mu nza yiyi ye mu nza yikuiza, moyo wam'vu ya m'vu." ³¹ Kunima kiokio kamana kutakesa kumi ye zole van'tuala ani,wabazayisa: " Lumuene, tuta kuenda tombokingi kuna Yelusalemi, ye mambu mawonso masonukua kua mim'bikudi mu matadidi muana a muntu si malungana. ³² Kadi sibangiekola kua bapakanu, siba mvueza, si bambuesa nsoni ye si bantawudila kololo. ³³ Kiokio si bamanisa kun'zuba, sibam'vonda ye muna lumbu kia tatu si kafuluka." ³⁴ Kababakisa kana diambu dimosi ko, ye m'vovo wowo wabasuekua, ye ka babakisa mambu mana bavovoka ko. ³⁵ Diakala vo, kiokio Yesu kafinama ye Yeliko, mpofo mosi yakala yavuanda vana mbela a nzila, mu vinga. ³⁶ Ye kiokio kawa n'kangu wuta luta , wayuvula momo meta luta. ³⁷ Ban'zayisa vo Yesu musi Nazaleti wuta vioka vana. ³⁸ Yidina mpofo waboka mu ndinga ya ngolo, wakala vova: " Yesu muana Davidi, wufuila nkenda. " ³⁹ Bobo bakala diatanga kuna n'tuala, ban'sima ye ban'tela kakala na pi. Kansi walutisa diaka boka mu ngolo: " Muana Davidi wumfila nkenda." ⁴⁰ Yesu watelama ye wavana n'sua bannatina mutu ndondo. Bosi, kkiokio mpofo kafinama , Yesu wan'giuvula: ⁴¹ " nki zolele yakuvangila?" Wavova: " Mfumu, nzolele yatambula mbueno ame." ⁴² Yesu wan'zayisa : " baka mbueno aku. Minu kiaku kiku niakisi. ⁴³ " Vana vawu, watambula mbueno ani ye walanda yesu, wasanisina Nzambi. kiokio bamona diodio, n'kangu wawonso wasanisina Nzambi.