¹ Yisu wavova diaka kua nlongoki miani, " Muntu wa mvuama wakala ye nkebi abima. Yani wafundua vo yani wuta bebesa mbongo zani. ² Ye muntu wa mvuama wa m'bokela wavova: " Nkia mambu ngita gua mukuma kia ngeye? Bambuka moyo musalu kiaku; kadi kulendi kala diaka nkebi ko." ³ Nkebi wavova muyani kebeni, " Nki mfeti vanga, kadi mfumu ami wunkatudi mukisalu kia nkebi? Kina ye ngolo za timako ye ngina ye nsoni mu lomba. ⁴ Nzeye dingina vanga, mpasi kiokio siya kayakatulua mukisalu kiamu kia n'kebi, siya toma tambuka kua antu muna zi nzo zawu." ⁵ Nkebi wabokela mosi - wumosi kua ena ye mfuka za mfumu ani, ye walomba kua wantete:" Ntalukua feti vana kua mfumu? ⁶ Wavova:" Tezo kia nkama ya bungua kia mafuta mansunga." " Ye wan'tela: Bonga sonokono kiaku, vuanda mun'sualu ye soneka makumatanu." ⁷ Nkebi wavova kua wan'kaka:" Ntalu kua yikuvana." Wavova, " Tezo kia nkama mosi ya mbutu wa bele (blé) " Wan'tela: "Bonga nkanda aku ye soneka lunana." ⁸ Mfumu wasanisina nkebi ani nkua lunungu kadi venge diangangu. Kadi ana a nza yiyi ena nzunzu muna nzingulu zawu lutila ana a ntemo. ⁹ Yilutelele, lukivangila kikundi kieno ye kimvuama kiakondua nkualunungu mpasi vo muntangu yikondolo, kalutambula ku nzo ani mv'u ya m'vu. ¹⁰ Ndondo wuna wakuikama mubima bia fioti wuna diaka mubia nene, ye yoyo kondolo kuikama mubima bia fioti kondolo mpe mu bia nene. ¹¹ Vo kuakala wakuikama mu nsadulu a bimvuama bia akondua lunungu, nani lenda kutudila vuvu ye kimvuama kia kieleka? ¹² Mpila mosi, vo kuakala wakuikama ko kua momo mena kua wangani, nani wuna ku vana kikio kivutukididi? ¹³ Kamuntu ko lenda sadila mfumu zole, sika bela wumosi ye zola wan'kaka, evo sika tumamena wumosi ye tinguna wan'kaka. Kalulendi sadila Nzambi ko ye sadila kimvuama." ¹⁴ Wana bafalisi azola mbongo, awa mambu momo ye a n'sakanena. ¹⁵ Ye waku atela:" Yeno lukisanga kueno ankua lunungu vantadisi ya antu, kansi Nzambi zeye ntima mieno. Diodio antu azolanga kamena ma mboteko va ntadisi a Nzambi. ¹⁶ Nsiku ye mbikudi miakala saduluangua na te ye ngizulu ya Yoani - Mboteki. Tuka ntangu yina, nsangu za mbote za kimfumu kia Nzambi zita longolua, ye konso muntu kasa ngolo mukota. ¹⁷ Kansi kadina mpasi ko kua zulu ye n'toto muluta kuandambu a sono ankanda nsiku wulembolo tondua. ¹⁸ 18 Konso muntu vambana ye nkento ani ye sompele wan'kaka yani tele zumba ye yoyo sompele n'kento yoyo vondele longo ye yakala diani yani tele zumba. ¹⁹ Vakala muntu mosi wa mvuama wavuetenge mvuatu mia mika mia mameme ye wayangalelenge lumbu ka lumbu muki m'vuama kiani kia nene. ²⁰ Muntu mosi wamputu nkumbu ani Lazalo walekosua va muelo ani, wazala yezi mputa, ²¹ ye wasoselenge mu dia biobio biasotokelenge kunsi ameza ma muntu wamvuama, ye vambela yina, zi mbua zayizidingi mu piata mputa zani. ²² Dialuaka vo n'lombi wafua ye wanatua kua zimbasi va nkata Abayami. Muntu wamvuama mpe wafua ye wazikua. ²³ Muna nsi a bafua, wakuamusua. Wasendola mesomani ye wamona Abayami ye Lazalo munkata ani. ²⁴ Ye waboka ye vova:" Tata Abalayami, wumfuila nkenda ye fila Lazalo mpasi katula nsongi ya nkembo ani mu maza mpasi kavana kiozi mu ludimi luamu, kadi ngina mukingongo ku tiya tutu." ²⁵ Kansi Abalami vovele:" Muana amu, bambuka moyo vo muzingu kiaku, ye ngeye wakala ye bima bia mbote ye Lazalowakala ye bia mbi. Kansi wuwu, yani wuta siamusua kuku ye ngeye wuna mu mpasi za m'fuilu. ²⁶ Va ndambu a momo mawonsono, vakala ye fonloni kia tiya kia nene kia tulua, mpasi vo wowo azolele sawuka vava kabalendiko, ye kamuntuko wuna wafuana mu sawuka tuka kuna ye vava!" ²⁷ Muntu a mvuama vovele:" Ngita kudodokela, Tata Abalayami, mukum'fisa mu nzo ya se diamu - ²⁸ kadi ngina ye mpangi tatu mpasi mukuba luengesa, mpasi vo yawu diaka ka ezi va fulu kiki kiankuamusu ko." ²⁹ Kansi Abalayami vovele:" Ena ye Mose ye Mimbukudi; aku awila:" ³⁰ Muntu wa mvuama vovele:" Nkatu, Tata Abalayami, kansi vo muntu wan'kaka mu wowo afua wele kua yawu, si ba viluka." ³¹ Kansi Abalayami wan'tela:" Vo ka awilu Mose ko ye mimbikudi, ka akiyambulako mukuikila vo muntu futumukini mu ba fua."