¹ Wuwu, mim'futisi mia mpaku ye asumuki ban'kaka bayizidingi kua Yesu mu kuiza wa. ² A falisi ye min'soniki bafundululanga yawu ye yawu, bavovanga: " muntu yoyo tambulanga asumuki ye dianga nkutu ye Yawu." ³ Yesu wata kingana kiki, wabatela: ⁴ " nani vakati kueno vo wuna ye nkama ya mameme ye vidisi dimosi mu muawu, kalembi sisa lunana ye vua muna makanga ko, ye kuenda sosi diodio divididi ya kuna kamona dio? ⁵ Ye vo muene dio, tudidi dio va mavembo mani ye yangalele? ⁶ Kioko kalueke kuna nzo kutakese bakundi bani ye mpangi zani, ye wabatelele: " luyangalala ye nono, kadi mbuene meme diamu dia vila." ⁷ Yidina mpe, yilutelele vo kiese si kiakala muna zulu mukuma kia n'sumuki mosi viludi n'tima, mpeleko luvua ye vua kaluna ye nsatu ya viluka ko. ⁸ Yevo Nkia n'kento vuidi sengo kumi ya ntaku, vo vidisi kimosi, kalembi kuika muinda, kombola nzo, ye sosa kio nate ki kimoneka. ⁹ Ye kiokio kamuene kio, kutakese bakundi bani ye bantu bakinzungidila ye kubatela: "luyangalala kintuadi ye mono, kadi mbuene sengo kiamu kia mbongo yavidisi" ¹⁰ Ikuma, yikulutelele, kiese kikalanga vakati kua Mbasi za Nzambi vo nkua masumu viludi n'tima. ¹¹ Bosi Yesu wavova: " muntu mosi wakala ye bana babole ba bakala, ¹² Nduna wa toko vakati kuawu wavova kua Se diawu: " tata, wumvana wuwu ndambu ya fua diamu. " Yidina, wabakayanesa kimvuama kiani kua bawu. ¹³ Lumbu yaluta, toko diodio wakutakesa bima biani ye wayenda ku nsi ya nda, ye kuna wamana sakanena mbongo zani, mu sumba yina kavua m'funu ye bebesa mbongo zani muluzingu lua mbi. ¹⁴ Kiokio kamana zo sakanena, m'vengele wangolo wabua muna nsi yoyo yawonso. wayantika fua nsatu. ¹⁵ Wayenda kuki sonekesa mu salu kua muntu mosi wamusi nsi yoyo wan'tuma kuna mpatu ani mudikilanga zingulu. ¹⁶ Wakala zola dia kuani madia ma gulu zozo, kadi kamuntu mosi ko wan'vananga madia. ¹⁷ Kansi kina toko diodio kavutuka mu yani kibeni, wavova: " sadi bi kua bina kua Se diamu bena ye madia mafuana, ye ngina vava, ngita fua nsatu! ¹⁸ Si yakatuka vava ye kuenda kua Se diamu, ye si yavova: " Tata nsumukini kua zulu ye kua ngeye. ¹⁹ Kina diaka yafuana ko mu bokelelua muana aku; wumbaka mosi mu sadi biaku." " ²⁰ Ikuma, muana toko ndiondio wakatuka ye wayiza vutuka vua Se diani. Kiokio kakala ntete kua nda, Se diani wamona ye wamuna kiadi kiayingi mu yani ye mpe diaka walemoka ye wakituba muna nsingu ani ye wan'giamba. ²¹ Muana wan'tela: " Tata nsukini kua zulu ye va meso maku. Kina diaka yafuana ko mubokelelua muana aku." ²² Se wavova kua bisadi biani: " Lunata mu n'sualu mvuela ya mbote ye lum'vuatisa yo ye luntula mpeto mu n'lembo ani, ye nsampatu mu malu mani. ²³ Ye diaka lunata muana ngombe wamafuta ye luvonda yo. Tudia ye tusala n'kinzi. ²⁴ kadi mua ame wakala wafua kansi wuwu wuna moyo. wavila ye wuwu solokele" ye ayantika n'kinzi. ²⁵ Mu ntagu yina, mbuta ani wakala kuna mpatu. Kiokio kakala kuiza ye kafinama ye nzo, wawa min'kunga ye makinu. ²⁶ Wabokela mosi mu bisadi ye wan'giuvula nki a mambu momo. ²⁷ n'sadi wan'tela: " mpangi aku vutukidi ku nzo ye Se diaku vondele muana ngombe wamafuta, wuwu kina vo vutukidi kondua kua vonza. ²⁸ Muana mbuta wafuema ye kazola diaka kota mu nzo ko. Ikuma, Se diawu wavayika ye wan'dokela . ²⁹ Kansi muana mbuta wavutula ye wavova kua Se: " tala mvula zayingi yikusadilanga, ye kisidi diata kana n'siku mosi mu n'siku miaku ko, kansi, kua mvene kana muana ngombe ko, mpasi vo ya sala n'kinzi ye bakundi bame. ³⁰ Kansi kiokio muana aku kezidi, ndondo sakanene bima biaku ye bakento ba ndumba, vondele muana ngombe wa mafuta." ³¹ Se wan'tela; " Muana, yame lumu yawonso ye bima biame biawonso bina biaku. ³² Kansi dina dia m'funu kua beto mu sala n'kinzi ye yangalala, kadi mpangi aku ndondo wakala wafua ye wuwu wuna moyo; wavila ye wuwu monekene."