¹ Lumbu kimosi kia lumingu, kiokio kayendanga kuna nzo yawu wamfumu ya min'falisi mu dia dimpa, bafalisi batoma kun'landilanga. ² Tala vantualani vakala muntu wakala ye mpasi zavimba tambi ya malu. ³ Yesu wayuvula kua batalanga n'siku mia Bayuda ye kua bafalisi: " nga n'siku eto wuna ye luve muniakisa lumbu kia lumingu yevo nkatu. ⁴ Kansi bakala kaka napi. Idina Yesu wan'simba, wanniakisa ye wanyambula kenda. ⁵ Wabatela: " nani mu beno wuna ye muana yevo ngombe yibuidi mu wulu mu lumbu kia lumingu, ka kun'katula mo ko vana vawu?" ⁶ Ke balenda vana mvutu ko mu mambu momo. ⁷ Kiokio Yesu kamona neyi bobo babokelesua ku n'kinzi basolelenge fulu ya nzitusu, wavova kingana ye wabatela: ⁸ " Mu ntangu bokoloso ku n'kinzi wa longo, kuvuandidi va fulu kia nzitusu ko, kiokio kilenda vuanda muntu wu kulutidi mu nzitusu. Ntangu zan'kaka muntu wulutidi mu nzitusu bokeleso mpe koko. ⁹ Kiokio muntu wu lubokelese beno bakulu se kaluaka, si katela : " vana fulu kiaku kua nduna wukulutidi mu nzitusu." Ye nsoni zaku, si wenda baka fulu kuna nima. ¹⁰ Kansi kiokio bokoloso, wenda ye vuandila kuna nima, mu ntangu ndondo wubokelese kaluaka, kalenda kutela : " n'kundi, wenda vuendila kuna n'tuala" Ye mu ntangu yina si wakala wa nzitusu va n'tuala wa bawonso bavuende yaku va meza. ¹¹ Kadi konso kitombola si kakululua, ye konso kikulula si katombolua." ¹² Yesu wata diaka kua muntu ndondo wam'bokelesa: " kiokio wuta kubika ndilu ya muini yevo ya nkokela, kubokelesa bakundi baku, yevo mpangi zaku, Mase maku, bakundi baku bamvuama, mpasi vo bawu mpe ba kubokela mu lumbu kia n'kaka, ye kuvutudila mpila mosi ko. ¹³ kansi kiokio wuta kubika n'kinzi, bakelesa bamputu, makoka, mim'vanguki, ye mpofo, ¹⁴ ye si wakala nkua kiese, kadi kabalendi kuvutudila mpila mosi ko. Ye si wayindudilua muna mfulukulu ya balunungu. ¹⁵ Kiokio wumosi wavuanda ye Yesu vana meza kawa mambu momo, wan'tela: " Kiese kua nduna se wadia dimpa muna kitinu kia Nzambi! " ¹⁶ Kansi Yesu wan'tela: " muntu mosi wakubika ndilu yanene ya nkokela ye wabokelesa n'kangu wa bidi. ¹⁷ Kiokio ndilu yakubama, wafila n'sadi miani mpasi batela bobo babokelesa: " luiza kadi wuwu biakulu bikubamene." ¹⁸ Yawu a wonso bayantika lomba n'levo mpila mosi. Wa ntete wan'tela: " via yasumbidi ye mfeti kuenda dio tala. Wundevokela, vo dilendakana." ¹⁹ Wan'kaka wan'tela: " Ngombe tenu yasumbidi ye nzolele kuenda zo teza. Wundemvokela, vo dilendakana." ²⁰ Muntu wan'kaka wavova: " yakuelele, dina kilenda kuiza ko." ²¹ N'sadi miayenda vova kua fumu ya mambu momo. Idina, mfumu a nzo wafunga nganzi ye tele kua n'sadi ani, : " wenada n'sualu muna nzila ye fulu ya mu mbanza ye nata kuku, bamputu, makoka, mpofo ye m'vanguki mia malu. ²² N'sadi wavova: " Mfumu ,momo tumini mavangamene, kansi fulu bia kinu kaka." ²³ Mfumu wavova kua n'sadi: " wenda mu nzila ya nene ye muna tupangu tuakangua mu min'ti yevo zifololo, lubanata mu kingolo mpasi nzo amu yazala. ²⁴ Kadi yilutelele, kamosi ko mu bobo babokeleso yeleka dia kuamu. ²⁵ N'kangu wayingi wayenda yani, wabaluka ye wakuatela: ²⁶ " vo muntu wizidi kua mono ye kamangini Se, ngudi, n'kento, muana, mpangi za yakala ye za bakento ko, inga ye luzingu lua yani kibeni, kalendi kala n'longoki amu ko. ²⁷ Konso nduna kabaka kuluzu diani ko ye wukundanda kalendi kala n'longoki amu ko. ²⁸ Kadi nani muyeno, ndondo zolele tunga nzo, kalembi vuanda ntete, yinda ntalu ya bio bina nsatu mu kudika? ²⁹ Mu mpila ya n'kaka, kiokio kasadidi lufulu ye kena wafuana ko mu manisa, bawonso beta kummona si bayantika kum'veza ³⁰ mu vova:" Ndondo muntu wayantikidi tunga ya kakele wafuana ko mu manisa. ³¹ Nkia n'tinu, mu ntangu keta kuenda ku nkindu kua n'tinu wan'kaka, kalembi vuanda ntete ye lomba malongi keti vo wuna wafuana, mu mafunda kumi ma bantu, mu nuana ye n'tinu wa n'kaka wuta kuiza kua yani wuna ye mafunda makumole ma bantu? ³² Vo nkatu, mu ntangu yoyo wa n'kaka wakinu kua nda, fididi ntumua ye yuvula mana mafuanikini mu tula luvuvamu. ³³ Mudina, ka mosi ko mu yeno lenda kala n'longi amu vo kafunguni momo mena yani ko. ³⁴ Mungua wuna wambote, vo mungua wumene n'zenzo, neyi diaka wulenda vutukila mungue? ³⁵ Ka wukala diaka m'funu ko mu n'toto yevo mu wolela. Si watubua ku mbazi. Konso wuna ye matu ma wila, bika kawa."