¹ Muna ntangu yina, antu avovelenge esi ngalatiya kiokio Pilatu kasangisingi menga ye nkayilu miangioka. ² Yisu wuku avutudila ye wavova:" Lubenze vo esi ngalatiya akala ye masumu masaka lutila esi ngalatiya an'kaka kadi a mona mpasi mu mpila yoyo? ³ Nkatu, ngitakulutela. Kansi vo kaluvilukidi ko, si lua vila mpe bonso yawu." ⁴ Evo antu kumi ye nana ku Silowe, abuilua nzo ya yongi ye ku avonda, lubenze vo aluta sumuka lutila antu an'kaka a Yelusalemi? ⁵ Nkatu, ngitakulu tela. Kansi vo kaluvilukidi ko si lua vila mpe." ⁶ Yisu wa atela ngana yiyi:" Muntu wumosi wakuna nti wa vinia mu via diani dia vinia ye wa yenda sosa mbutu kansi ka monako. ⁷ Muntu wavova kua nti wa vinia:" Tala, mvu tatu kala ngizi sosa mbutu mu nti wuwu wa vinia kansi ki muene kimako. Zenga wo. Mudiambu dia nki wufueti giambudulua wa vuanda mu mpamba mu n'toto?" ⁸ Sadi kiani wu m'vutudidi:" Yambula wo mvu wuwu mpasi ya tima mu mbela mbela mpasi ya tula mbolela. ⁹ Vo wu wutidi mbutu m'vu wutakuiza, dina dia mbote; kansi vo kawu wutidi mbutu ko, si wazenga wo.!" ¹⁰ Yisu walongelenge mu nzo yimosi yalukutakanu mu lumbu kia mvundulu. ¹¹ Tala, n'kento wu mosi wakala vana ye wakala ye mpeve za n'kitudingi m'vanguki; wakala ye nkunki ye kakala ye ngoloko mutema. ¹² Kiokio Yisu ka m'mona, wu m'bokele ye wun'tele:" N'kento, ngeye niakusu mu lebakana kuaku. ¹³ Wan'tula moko, ye vana fulu telamene ye wazitisa Nzambi. ¹⁴ Kansi ntudisi mia nzo zalukutakanu kabayangalala ko kadi Yisu waniakisa mu lumbu kia m'vundulu. I dina n'tuadisi avutudi kua n'kangu:" Lumbu sambanu yina ya mbote musala. Luiza lua niakisa mulumbu yina kansi ka mu lumbu kia m'vunduluko." ¹⁵ Mfumu wum'vutudidi:" antu a meso ku nsi alukaya! Nani mu yeno ka kutulanga mpunda ko evo ngombe ye mukuenda kun'nuika maza mu lumbu kia mvundulu kue? ¹⁶ I wuna mpe muana nkento wuwu wa Abalayami, yoyo nkadiampemba kasimbidi wakangama tuka m'vu miabidi kumi ye nana, nga kalendi kutuluako mu lumbu kia m'vundulu kue?" ¹⁷ Kina kavovelenge wuna, antu akulu antelamenenge a fuisua n'soni, kansi n'kangu wa wonsono wa yangalala mambu mambote kasadidingi. ¹⁸ I dina Yisu wavova:" Nki kifuanane ye Kimfumu kia Nzambi, ye mu nki ndenda kio fuanikisa? ¹⁹ Ki fuanane ye nginga nkove yina muntu kayenda muanga mu saya ye wakituka nti wan'nene ye nuni za zulu atunga mazala mawu mu ntayi." ²⁰ Wavova diaka:" Mu nki ndenda fuanikisa Kimfumu kia Nzambi? ²¹ Kifuanane ye bilongo bi funusuluanga mampa bina n'kento wumosi kabonga mu sangisa makopo tatu mam'fum'futa nate ye kina yifuna." ²² Yisu wabuminingi ye longela mu mbanza za wonsono ye mavata mu n'zila ani ku mbela Yelusalemi. ²³ Muntu wu mosi wun'telele:" Mfumu, kadi antu afioti kuani kaka si avukuzue? ²⁴ I dina Yisu wun'telele:" Lusa ngolo mu kota mu muelo wa fietama kadi abidi si asosa mukota kansi ka akala ye ngolo ko mokota." ²⁵ Kina mfumu ya n'zo si ka telama ye kanga kielo i dina si luakala ku nzila, si lua konkotela ye vova:" Mfumu, Mfumu, wutayambula tua kota." Ye sika kulu vutudila ye vova:" Kilu zeye ko; kueyi lutukidi?" ²⁶ I dina si lua vova:" Yeto tua dia yaku ye nua va ntadisi aku ye ngeye walongelenge mu zi nzila zeto." ²⁷ Sikaluvutudila:" Yi lutelele, kiluzeye ko kueyi lutukidi. Lutatuka ye mono, yeno, yisadi ya mbi." ²⁸ "Si kuakala dilu ye nkuetoso a meno kiana siluamona Abalayami, Isaki, Yakobi ye mi mbikudi mu kimfumu kia Nzambi kansi yeno, lutubulu ku nzila. ²⁹ Si atuka kuvayikilanga ntangu (Est), ku dimukinanga ntangu (Ouest), ku zulu (Nord), ye ku ndimba (Sud), ye si akala va meza mu Kimfumu kia Nzambi. ³⁰ Ye luzaya edi, antu a nsuka si akala antete ye antete si akala a nsuka." ³¹ Landikla momo, afalisi ayiza ye an'telele:" Wenda ye katuka vava kadi Elode zolele ku vonda." ³² Yisu wa vova:" Luvova kua mfuenge yoyo:" Tala, yikulanga mpeve za mbi ye muniakisa ngina wunu ye mbazi, ye mu lumbu kia n'tatu yavingidingi lukanu luamu." ³³ Mu mawonsono, dina dia m'funu mu mono mutatamana wunu, mbazi ye lumbu kita landa kadi kadina dia mboteko vo mbikudi ka vondua ku nzila Yelusalemi. ³⁴ Yelusalemi, Yelusalemi! Ngeye ta vonda mi mbikudi ye ku azuba matadi hoho wafidusua. Ntangu kua yiluta toma zolanga kutakesa hana aku bonso nsusu kakutakeselanga hana hani ku nsi a mave mani kansi kuazola woko. ³⁵ Tala, nzo aku ya bembolua. Ngita kulu tela, kuna kumbona diaka ko nate ye silua vova:" Bika kasakumunua yoyo ta kuiza munkumbu ya M'fumu."