¹ Muntangu yina, kiokio bidi kia antu akele vukananga mu mambu matadidi ndiatulu ya yawa ye yawu, wayantika vova kua alongoki ani, tekela mawonso:" Lukikenga mufunusu kia minfalisi, kiokio kina disu kunsi a lukaya. ² Kavena ye diambu ko dizayakene ye kadimosi ko diasuama dilembi moneka. ³ Yidina mawonso luvovele mutombe mena wakana mu ntemo ye momo luvova musuku si mavovolua kunludi. ⁴ Yilutelele, akundi amu, kalukadi ye wonga ko kua wowo avondanga nitu, ye kunima ka alendi movangila diakako. ⁵ Kansi yilu luengese mudiambu diodio lufueti muena wonga. Lumuna wonga wa yoyo, kunima vonda, wuna ye luve mukulu tuba kutiya tuabilungi. Inga, yilutele, lubanga yani. ⁶ Maseke tanu kamalendi teka mu fintalu zole za bima biobio? Muntangu yoyo kawumosiko mu yawu lenda vilakanua va meso ma Nzambi. ⁷ Kansi kani nsuki za ntu mieno zawonso zina za tangua. Kalukadi wonga ko, lutoma dianga mbote lutila maseke mabidi. ⁸ Yilutelele, konso kuntela kimbangi va ntadisi ya antu, Muana Muntu mpe sika ntela kimbangi vantadisi a zimbasi za Nzambi, ⁹ Kansi yoyo kumbembola va ntadisi ya antu si kabembolua mpe va ntadisi ya Nzambi. ¹⁰ Konso wuvova mambi mudiambudia Muana Muntu, sika lemvokolua, kansi kua yoyo telamena Mpeve ya Nlongo, kalemvokoluako. ¹¹ Kiokio si alunata va ntuala nzo zalukutakanu, mintuadisi ye zi mfumu, kaluki kuamisako mun'vovolo eno mukitanina, mu momo luvova, ¹² Kadi Mpeve ya Nlongo sikalulonga muntangu yoyo momo lulenda vova." ¹³ Yewumosi vakati kua n'kangu wuntelele:" Nlongi, vova kua mpangi amu tuakayana kimvuama." ¹⁴ Yisu wun'telele:" Muntu, nani wuntudidi m'fundisi evo mpovi vakati kua yeno?" ¹⁵ Ye waku atela:" Lukikenga muyeno kibeni muloko dia wonso; kadi luzingu lua muntu kalun a kaka mubiabidiko mubiobio kavuidi." ¹⁶ Dina Yisu wabatela kingana wavova:" Via dia muntu wa mvuama diakala ye mbutu miabidi, ¹⁷ Wayinda muyani kibeni ye vova:' Nki ndenda vanga, kadi kina ye fuluko kiokio ndenda lundula biobio mbakidi mungionzokolo?" ¹⁸ Wavova:" Tala momo nzolele ya vanga. mfueti muangasa lundulu yamu ye tunga ya nene, yimuna si ya lundila mvuza amu ye bima bian'kaka." ¹⁹ Si yatela kua muela amu:" Amene, wuna ye bima bia bidi bialundama mu m'vu miabidi. Vunda kuaku, dia, nua ye kala wa yangalala. ²⁰ Kansi Nzambi wuntelele:" Muntu wakondua nzayilu, munkokela yiyi kaka muela aku si walombua, ye bima biobio kubikidi, kua nani bikuenda? ²¹ Mudina vena ye muntu wukisemanga mu yani kibeni kimvuama ye kena ye kimvuama mu Nzambiko." ²² Yisu telele kua alongoki ani:" Yidina ngita kulutela, kaluki kuamisangako mudiambudia luzingu lueno - mu kiokio lulenda dia, evo biakinitu - vo nkia kima lulenda vuata. ²³ Kadi luzingu lulutidi madia, ye nitu lutila yinkutu. ²⁴ Tala zingonongono, ka akunako ka avuza ko. Ka ena ye nzo ko, kansi Nzambi wuku adikilanga. Yeno lulutidi mfunu lutila nuni! ²⁵ Nani mu yeno mukikuamisa kuani lenda kudika fintangu muluzingu luani? ²⁶ Vo kalulendele vanga fidiambu fiampila yo ko, mudiambudia nki lutakikuamisila mu biobio bisidi? ²⁷ Zayadio bueyi bu meninga n'ti. Ka misalangako kamizingalakanako. Muntangu yina, yilutelele vo kani Solomo, munzitusu ani ya wonso kavuikua ko bonso wu mosi mu yawu. ²⁸ Vo Nzambi vuikanga mi n'ti mu mavia, wuzinganga wunu ye mbazi si watubua ku tiya, nsa kua lutila kuluvuika, antu a fiminu minu! ²⁹ Kalusosingi bio ludiako, bio lunua ye kalukadingi mukiadiko. ³⁰ Kadi nkangu wawonso wa van'za basosanga mvuilu ye Se dieno zeye vo luvuidibio m'funu. ³¹ Kansi lusosa kimfumu kiani, ye sikalukudikila mawonso. ³² Kalukadi ye wonga ko, buka kiafioti, kadi Se dieno wuna ye kiese mukulu vana kimfumu. ³³ Luteka bima bieno ye luvana kua amputu. Lukikitula n'kayi mia mbongo zikondolo nsuka kadi kimvuama kiamazulu kakina ye nsukulu ko, kavena muivi ko lenda finama, ye bifusanga kabalendi bio fuasa ko. ³⁴ Kadi vovo vena kimvuama kieno, vana mpe vakala ntima mieno. ³⁵ Bika yinkutu yeno yanda yakala yakangama mu mponda zeno ye mpasi minda mieno miakala mia kuama; ³⁶ Ye lukala bonso antu eta vingila mvutukulu ya mfumu ya ndambisa mpasi vo kiokio ka kuiza ye konkotele, akunzibudila kielo. ³⁷ Bika kasakumunua sadi kiokio, kadi nlongi munvutukulu sikan'guana wakubama. Kelaka, ngita kulutela, sika kanga mvuela ani yanda mu mponda ani, sika ku avuandisa va meza ma bidia ye kuiza kubavana bi dia. ³⁸ Vo Mfumu wizidi mungiza ya n'zole vakati kiampimpa, vo mpe muntangu ya ntatu mumpimpa ye wuku'awene akubama, sadi yoyo ena asakumunua. ³⁹ Ye mpediaka luzaya edi, vo mfumu ya nzo zeye ntangu yilenda kuiza muivi, kalendi sisa nzo ani ko yayiyua. ⁴⁰ Lukala luakubama kadi kaluzeye ntangu Muana Muntu kakuiza ko." ⁴¹ Petelo vovele:" Mfumu, kadi kua yeto kaka tavovela kingana kiokio vo kua nkangu wakulu?" ⁴² Mfumu wavova:" Nkia nkebi a bima wakuikama ye nduenga ndondo Mfumu ani wuntudidi va sadi biani mpasi vo ka bavana ndambu ya bidia ntangu yambote? ⁴³ Bika kasakumunua sadi kiokio mumvutukulu a Mfumu sika nguana muvangila kena mumbu momo. ⁴⁴ Keleka yilutelele, sika ntula n'giadi mu bia wonso biayani." ⁴⁵ Kansi vo sadi kiokio vovele muntima ani:" Mfumu amu muzingila kena muvutuk a", ye yantikidi zuba sadi ya ana ayakala ye sadi ya akento, mu dia ye nua, ye kolua, ⁴⁶ Mfumu ya sadi kiokio lumbu sikeza mukintulumukina, ye ntangu yoyo kazeye ko, ye sika nkiasa ntini ntini ye sikavana fulu vakati kia antu akondolo lukuikamu. ⁴⁷ Sadi kina, wazaya luzolo lua Mfumu ani, ye kakubika kima ko ye vanga momo mena malunga mu luzolo lua Mfumu ani, sika zubua nkomi zabidi. ⁴⁸ Kansi yoyo kanzaya ko, wavanga mambu mafuene tumbu, sika zubua nkomi za fioti. Si alomba biabidi kua ndondo wuna ye bia bidi, ye si alomba diaka bia saka kua yoyo kavewa kioko. ⁴⁹ Ngizidi mutula tiya va n'toto, ye ngina ye luzolo lua bidi mpasi tualema. ⁵⁰ Kansi ngina ye mvubulu yoyo mfeti vubulua, ye ntangu kua ngina ye luvibudulu nate ye yina lungana! ⁵¹ Lubenze vo mono ngizidi kulunatina luvuvamu va n'toto? Nkatu, yilutelele, kansi n'kutu luvambanu. ⁵² Kadi wuwu, antu tanu a nzo yimosi si avambana atatu mu awole evo awole mu a tatu. ⁵³ Si avambana, se ye muana, ye muana ye se; ngudi ye muana ani wa n'kento, ye muana ani wa n'kento kua ngudi ani; n'zitu wa n'kento - ye nkento - wa muana ani ye nkento - wa muana ani - ye nzitu - wa nkento." ⁵⁴ Yisu wavovelenge diaka kua n'kangu:" Volumuene tuti divayikidi kudimukinanga ntangu, vanafulu, luvovanga vo:" mvula yi lueke", ye siya noka mpe. ⁵⁵ Ye kiokio mupepe wutukidi ku sidi (sud) luvovanga vo, tiya kukala, ye divangamanga mpe. ⁵⁶ Antu a disu ku nsi a lukaya, luzeye suasikisa mbonokono za va n'toto ye muzulu, ye bueyi kaluzayanga suasisa muntangu yiyi kue? ⁵⁷ Mudiambudia nki kalusuasisanga ko momo mena mambote muyeno mosi? ⁵⁸ Kiokio ta kuenda ye mbeni aku va ntadisi ya m'fundisi, mu nzila, sa ngolo mpasi vo luawizana ya yani, mpasi vo ka guekolako ye mfundisi kayekola kua masoda mani ye mpasi kaba tudi muboloko ko. ⁵⁹ Yitelele, kuvayika kuna ko nate ye wuna futa mbango zakulu."