¹ Momo mayiza kina Yisu kasambidingi va fulu kimosi. Wumosi mu nlongoki miani wavova:" Mfumu wutu longa sambila bonso Yoani kalongela nlongoku miani." ² Yisu wa atela:" Kiokio lutasambila, luvova:" Tata, nkumbu aku ya zitusua. Qui Mfumu kiaku kiza. ³ Wutuvana dimpa dieto dia lumbu kalumbu. ⁴ Wutu yambudila mambi meto, bonso tuyambudilanga muntu wawonso wuna ye mfuka zeto. Kutu fidi mu mpukumunu ko." ^{5 6 7 8} Yisu wa atelele:" Nani muyeno lenda kala ye n'kundi, ye wele kua yani mu midi miampimpa, ye kun'tela:" N'kundi, wundevesa ntini tatu za mampa, Kadi n'kundi amu umosi wunduakidi kunzo, kina ye kima m'feti kun'vana ko." Idina yoyo wuna mukati, wum'vutudidi lenda vova" Ku nkuamisa ko. Kielo kingamenenge, ana ye mono tulelenge. Kilendi sikamako mukuvana dimpa." Ngita kulutela, kani vo kasikamako mukulu vana dimpa mudiambudia wuna nkundi ani, kansi mudiambudia kuamisa kuani, sikasikama ye kuvana tezo kiantini za mampa wuna zoyawu mfunu." ⁹ Yilutelele diaka:" L ulomba ye siluavewa; lusosa ye siluasolola; lukokontela ye siluazibudulua. ¹⁰ Kadi, wonso wulombanga wuvewanga, ye muntu wusosanga wusolulanga; wukontelanga wuzibuduluanga. ¹¹ Nkia se mu yeno, vo muana ani lombele mbizi, ye yani kanvana nioka va fulu kia mbizi? ¹² Ye vo wunlombele diaki, yani kan'vana nkutu? ¹³ Idina, vo yeno luna luambi kansi luzeye vana bima bia mbote kua hana eno, imudina Se dieno dia kuzulu sikavani Mpeve ya Nlongo kua awonsono a kunlombanga?" ¹⁴ Landila momo, Yisu wakula mpeve ya mbi yakibaba mu muntu. Kiokio mpeve ya mbi yavayika, baba diavova. Nkangu wayitukua! ¹⁵ Kansi an'kaka avova:" Imu Belezebuli, mfumu ya mpeve zambi, keta kudila mpeve zambi." ¹⁶ Kansi an'kaka an'tonta ye mukunlomba sinsu kitukidi kuzulu. ¹⁷ Kansi Yisu wazaya ngindu zawu ye wuku atelele:" Kimfumu kiakulu kivambane kiawu kibeni sikia muangana, ye nzo yi tendele muamvu si yabua. ¹⁸ Vo nkadia mpemba akotele muki tantu yawu ye yawu, bueyi kimfumu kiani sikia tatamena? Kadi luvovanga mono yikulanga mpeve zambi mu nkumbu ya Belezebuli. ¹⁹ Vo yikulanga mpeve za mbi mu Belezebuli, mu nani balongoki beno bakudilanga zo? Mudina, sibakala m'fundisi mieno. ²⁰ Kansi voyikulanga mpeve zambi munlembo wa Nzambi, idina Kimfumu kia Nzambi kizidi kua yeno. ²¹ Vo muntu wangolo wuna ye bianduanina wutakeba nzo ani, bima biani si biatoma kebua. ²² Kansi vo muntu wangolo za saka lutila yani sika kuatabio, muntu wangolo za saka sika kuata biawonsono kanuaninanga ye kimvuama kiani mpe. ²³ Yoyo kena ye monoko wuna kitantu kuamono, ye yoyo kakutananga ye monoko vididi. ²⁴ Vo mpeve yambi yivayikidi mu muntu, yi kuendanga mu fulu yikondolo an'tu musosa m'vundulu. Vokayimuene ko, yivovanga:" Ya vutuka kuamu mu nzo amu yoyo yavayikila." ²⁵ Wu yivutukidi, wizi guana nzoyoyo ya kombua ye toma kubukua. ²⁶ Idina, sikenda baka mpeve nsambuadi zan'kaka zin'lutidi ngolo ye zizidi zawonso zivuende. Idina kadulu kia muntu yoyo sikia toma kituka kiambi lutila kiokio kiantete." ²⁷ Va yiza, kiokio kakelevovanga mambu momo, n'kento wumosi wazangula ndinga vazulu a nkangu ye won'telele:" Sakumunua vumu kiokio kia nata ye ntulu za giemeka." ²⁸ Kansi wavova;" Kaluta sakumunua wowo aguanga mambu ma Nzambi ye alundungamo. ²⁹ Kinavo nkangu azala ye mambu, wayantika vova:" Mbandu yiyi yina mbandu ya mbi. Mu sosa yina sinsu, kanelevo kalendi vewa sinsu ko bonso sinsi kia Yona. ³⁰ Kadi, mpila mosi Yona wakuma sinsu mu diambudia esi niniwe, wowo mpe, Muana Muntu sikakala sinsu mumbandu yiyi. ³¹ Ntunu wan'kento waku Side (sud) sikatelama mu lumbu kia mfundusu ye antu a mbandu yoyo ye kua abela kadi eta kuenda mundambu za ntoto mudiambu dia gua nduenga za Solomo, ye tala, vava vena muntu lutidi Solomo. ³² Antu a Niniwe si atelama mulumbu kia mfundusu ye mbandu yiyi ya antu ye ku abela, kadi si aviluka mu malongi ma Yona, ye tala, vava vena muntu lutidi Yona? ³³ Kamuntuko vo kuikidi muinda kenda wo tula ku tombe evo kun'si ya panu, kansi va zulu a meza mpasi vo antu eta kota amona ntemo. ³⁴ Disu diaku dina muinda nitu. Vo disu diaku dina dia mbote, nitu yaku ya wonso yina ya zala ye kia. Kansi vo disu diaku dina ye kimbevo, nitu aku yina ya zala ye tombe. ³⁵ Keba, mpasi vo ntemo mu ngeye ka wukadi tombe ko. ³⁶ Vo nitu aku ya wonso yina kibeni yazala ye ntemo ye ka ndambu mosi ko ku tombe, wana nitu aku ya wonso si yakala bonso muinda wutemone ntemo ani mu ngeye." ³⁷ Kiokio ka manisa mu vova, m'falisi wu mosi wunlombele mu dia ye yani mu nzo ani. Idina Yisu kotele ye vuende va meza. ³⁸ Ye m'falisi wa yitukua kadi kakisukudila moko ko tekila mu dia. ³⁹ Kansi Mfumu wuntelele:" Yeno afalisi, lusukulanga ku nzila kopo ye malonga, kansi kati kia ntima mieno muazala ye makani ye mambu mambi. ⁴⁰ Yeno antu a mbi! Kaluzeyeko yoyo wavanga kunzila wa vanga mpe diaka mukati? ⁴¹ Luvana kua a mputu kiokio kina mukati, ye bosi mambu mawonso simakuma mambote kibeni muyeno. ⁴² Kansi malema kua yeno afalisi, kadi lufutanga buku kia kumi kia kupidi, dizudi ye munzila ye titi ya wonso ya mu saya, kansi lubembolanga keleka ye zola kua Nzambi. Dina dia mfunu kibeni muvanga momo mena malunga ye zola Nzambi, kondua kua bebisa mu vanga mambu man'kaka diaka. ⁴³ Malema kua yeno afalisi, kadi luzolanga baka fulu ya ntete mu nzo zalukutanu ye mbote za luzitu mufulu ya antu a wonsono. ⁴⁴ Malema kua yeno, kadi luna bonso ziamu ya kondua tulua dimbu mu mpila a diatila kondua kua zaya." ⁴⁵ Ye wumosi mu nlongi a minsiku mia ba yuda wumvutudidi ye vovele:" Nlongi, momo takututela mukutu finga mpe mena." ⁴⁶ Yisu wa vova: Ye malema kua yeno, nlongi mia nsiku! Kadi lusobanga antu ye zitu ya mpasi mu nata, kansi kalu simbanga zitu yoyo kani mu nlembo eno wu mosi ko. ⁴⁷ Malema kua yeno, kadi lutunganga bima bia mbote mu diambu dia ziami ya mi mbukudi, nkolo n'kutu a nkaka zeno aku avonda! ⁴⁸ I mudina, luna mbangi ye lutambudilanga mavanga ma ankaka zeno, kadi a vonda kibeni mi mbikudi miomio lutungilanga ziami ya mbote. ⁴⁹ Mu diambu diodio diaka, nduenga za Nzambi zavova:" Si yafidisa mi mbikudi ye alongoki, ye si akuba kuamisa ye vonda an'kaka mu yawu." ⁵⁰ I dina, mbandu yiyi si atangulua menga mawonsono ma mimbikudi matenguka tuka mungiantukulu anza, ⁵¹ Mu menga ma Abeli nate ye ma Zakaliya, yawu avondua vakati kua meza mangiokela nkayilu ye fulu kianlongo. Inga, yilutelele, kua mbandu yiyi matangulua. ⁵² Malema kua yeno nlongi a minsiku mia bayudayo, kadi luakatudi nsabi za nzayilu; kalukotako yeno mosi ye luta kakidila bobo beta kota." ⁵³ Kiokio Yisu kavayika muna, min'soniki mia n'siku ye afalisi an'telamena ye afilanenge mpaka ye yani mu mambu mabidi. ⁵⁴ Muteza kun'gikila n'tambu mu mpova zayani kibeni.