¹ Wuwu, luwawanu lua ntete mpe luakala ye n'siku mu diodio ditadidi nsambidilu ye nzo ya n'longo ya vava n'toto. ² kadi suku dia n'longo diakubikua. Muna suku dia ntete muakalanga fulu kiatula muinda, meza ye dimpa dia n'lekolo, diabokelelua fulu kia n'longo. ³ Ku nima ya n'lele wan'zole kua kala suku dia n'kaka diabokeleluanga fulu kia n'longo beni. ⁴ Muakala zikua dia wolo mukuma kia mafuta ma nsunga. Muakala mpe ye Nkela ya luwawanu yina yawonso yafukua kua wolo. muna kati, muakala ye longa dia wolo muakala ye kimvuama, N'kawu wa Aloni wavana mvuma ye wana meza ma luwawanu. ⁵ Va ntandu a nkela ya luwawanu, kambi dia n'zole dia zimbasi (Cherubain) dia n'kembo diafukanga mu kini kiawu kiokio kiakala kubasadisa mutambula lusadusu kua Nzambi (Propitiatoire) kiokio katulendi nkutu toma sasila ko. ⁶ Ku nima kubika biawonso biobio, banganga za Nambi bakotanga muna suku dia kumbazi dia suku dia n'longo musala salu kiawu. ⁷ Kansi Ngudi a Nganga a Nzambi kaka wakala kotanga muna suku dia n'zole nkumbu mosi muna m'vu, ye ka mukondua menga ko momo kakala yokanga n'kayilu mu kuma kia yani mosi ye kia masumu ka maluzolo lua n'kangu ko. ⁸ Mpeve a N'longo wakala songa vo nzila ye fulu kia n'longo walutila ka kiazibukidi ntete ko, vo suku diantete dia n'longo diakala tatamana. ⁹ Diodio diakala nona kia ntangu yiyi. Min'kayilu ye min'kayilu mia ngioka mita vewa mu wuwu ka milendi kitula kansansa kia n'longi kia lunga ko. ¹⁰ Babakanga ngindu za madia, malavu, ye biawonso binatanga mpila zawonso za velelesua vameso ma bantu. Biakala n'siku mia kin'suni miavewa nate n'siku wampa watulua. ¹¹ Klisto wayiza bonso Ngudi a Nganga mu kuma kia mambu mambote biobio biayiza. Walutila mu nzila ya suku dia n'longo dia nene ye dia lutila wete, kadia vangama mu moko ma bantu ko ye ka divuilu kua nza yiyi ya vangua ko. ¹² Ka diakala mu menga ma nkombo za koko ye mu bana ba ngombe ko, kansi mu menga mayani kibeni kakotela kuna fulu kia n'longo wa lutila nkubu mosi kaka ye wavuandisa mpulusu eto nate kua yele m'vu. ¹³ Kadi vo menga ma nkombo ye ngombe za makoko ye muanginina n'toto a mpolo wa ngombe zantuenia kua bobo bakitukidi basumuki ma kubatulanga fulu kian'kaka mu Nzambi mukuma kia mpedoso a n'suni awu, ¹⁴ Nga weyi nkutu lutila menga ma Klisto, ndondo, mu Mpeve ya m'vu ka m'vu wakivana yani kibeni wakondua kana tona kua Nzambi, si kavelelesela kansansa kieto kua mavanga mafua mu sadila Nzambi a moyo? ¹⁵ Mukuma kiokio, wuna kimpovela kia luwawanu lua mpa. Mpasi vo, kinavo lufua lua yiza nuana mu vuluza bana bakala kuna nsi ya luwawanu lua ntete mu masumu mawu, bana babokelua batambula nsilulu ya fua dia m'vu ya m'vu. ¹⁶ Kadi, vana vena n'kanda wusisilu kua muntu fuidi (Testamant), dina dia m'funu mu toma songa lufua lua muntu ndondo venge wo. ¹⁷ Kadi nkanda wowo (Testamant) wuna kaka ye wisa vo vena ye lufua, kadi kawuna ye wisa ko vo muntu venge wo wuna kaka wamoyo. ¹⁸ Mudiodio, kana mpe yi luwawanu lua ntete luasalua kondua kua menga. ¹⁹ Kadi, kiokio Mose kavana konso n'siku kua n'kangu wawonso, wabaka menga ma muana ngombe ye ma nkombo ya koko, kintuadi ye maza, ye n'lele mia mpembe miamika mia mameme, ye mia nti mia nsunga, ye wa tiamuna mo mu nkumbu mosi muna nzingumuna(rouleau) ye n'kangu wawonso. ²⁰ Bosi wavova: " mama yi menga ma luwawanu Nzambi kavangidi mukuma kieno. ²¹ Mu mpila mosi, wamuanga menga vana zulu dia suku dia kin'longo ye muna lekua biawonso bisadiluanga muna kinganga. ²² Ye landila n'siku, katula kaka fioti, biawonso bina biavelelesua mu menga. Kondua kua tengola menga, kakuna n'lemvo ko. ²³ Yiwowo, diakala diam'funu vo bifuani fuani bia leko bia mazulu biavelelesua kua bibulu. Kana yiwowo, bima bia mazulu biawu mosi bifeti kitulua bia n'longo mu n'kayilu mia ngioka mia m'funu beni. ²⁴ Kadi Klisto kakota muna fulu kia n'longo kibeni ko kiokio kiavangua mu moko, kiokio kina kaka ntanginina ya kina kia ludi. Vo kawawu ko, wakota nkutu kuna zulu mu moneka wuwu vana luse lua Nzambi mu kuma kieto. ²⁵ Ka kota mu kuma kia kivana yani kibeni nkumbu zayingi ko, bonso wusalanga Nganga mbuta, ndondo kotanga kuna fulu kia n'longo walutila konso m'vu ye menga mawan'kaka. ²⁶ Vo dikala wowo, nga diakala diam'funu kua yani mukivana nkumbu zayingi tuka ngiatikilu a nza. Kansi wuwu, yi nkumbu mosi kaka kuna nsika a ntangu katombolua mu manisa sumu mu kukivana n'kayilu yani mosi. ²⁷ konso muntu feti fua nkumbu mosi, kunima mfundusu se yiza. ²⁸ Yi mpila mosi, Klisto mpe, wavewa n'kayilu nkumbu mosi mu katula masumu ma bayingi, se kamoneka diaka mu nkumbu ya n'zole, kamu kuma kia tala n'samu wa sumu ko, kansi mu diambu dia mpulusu ya bobo bakun'vingilanga ye luvibudulu.