¹ kadi n'siku wuna kaka kini kia mambu mambote ma kun'tuala, ka yiludi kia bima biawu kibeni ko. Bobo bafinangananga kua Nzambi ka balendi lunga mu n'kayilu mi vananga Nganga za Nzambi ntangu ka ntangu konso m'vu ko. ² Vo kawuna ko, nga ka bayambula vana n'kayilu miomio kue? Mudiodio, vo wavelelesua mu nkumbu mosi kaka, min'yimbidi nga kamina diaka ye kansansa kia sumu ko. ³ kansi mu n'kayilu miomio, muna ye lususumunu lua masumu mvula muna mvula. ⁴ Kansi kadilendakana ko kua menga mangombe ya yakala ye ma nkombo za makoko mu vunza masumu . ⁵ Kiokio Klisto kayiza mu nza, wavova:" Kuazolanga nkutu kana n'kayilu wangioka, yevo n'kayilu ko. Kansi nkutu, yi nitu wakubika mukuma kiame. ⁶ Kuavukumukina, kana n'kayilu wangioka, yevo n'kayilu wavewa mudiambu dia masumu ko. ⁷ Yi mu diodio yavova: " Lutala, mono endu, bonso diasonama mukuma kiame muna nzingumuna (Rouleau), muvanga luzolo luaku." ⁸ Ntete ntete wavova:" kuazola kana n'kayilu wa ngiekola ( sacrificea), kana n'kayilu wamvana yevo n'kayilu wa ngioka ( holocostes) mudiambu dia sumu ko. Kuavukumukina mpe bio ko." Bika n'kayilu mia vewa landila n'siku." ⁹ Bosi wavova:" Tala, ngita kuiza mu vanga luzolo lua ku." Wakatula nsadilu ya ntete mpasi kavingisa yan'zole. ¹⁰ Ye muluzolo lolo, tuavelelesua mu n'kayilu a nitu ya Yesu Klisto mu nkumbu mosi kaka. ¹¹ Ku ndambu mosi, konso Nganga telamanga lumbu muna lumbu mu sadila Nzambi. Ye vananga n'kayilu mina kuani kaka kana wuna kina vo kamilendi katula masumu ko. ¹² Kundambu ya n'kaka, Klisto wavana n'kayilu wumosi kaka mukuma kia masumu nate kuayele m'vu, wavuanda kuna lubakala lua Nzambi. ¹³ Wuvingilanga nate mbeni zani zakituka se diatulu biani. ¹⁴ Kadi mu n'kayilu mosi, wakitula balunga bobo bakitulua ban'longo nate kuayele m'vu. ¹⁵ Ye Mpeve a Nlongo kutu vaninanga mpe kimbangi. Kadi tekela mawonso, wavova: ¹⁶ "Tala luwawanu se yavanga ye bawu ku nima lumbu bibi": wavova Mfumu. Si yatula n'siku miame muna n'tima miawu, ye siya soneka mio muna mabanza mawu. ¹⁷ Se kiabambukila diaka masumu mawu moyo ko ye mvilakani zawu." ¹⁸ Wuwu, vana vena n'lemvo mu mambu momo,kavena diaka kana n'kayilu mu diambu dia masumu ko. ¹⁹ Mudiodio, luzimpangi, tuna ye vuvu mu kota muna fulu kia n'longo walutila mu nzila ya menga ma Yesu. ²⁰ Tala nzila ya mpa ye ya moyo kazibudi mu kuma kieto mu nzila ya n'lele, disongele vo, mu nzila ya n'suni. ²¹ Ye wuwu kina vo tuna ye Ngudi a Nganga mu nzo ya Nzambi, ²² tufinama ye n'tima mia ludi miazala kua vuvu ye minu, tukala ye n'tima mia velelesua mu kansansa kia mbi ye nitu zeto zasukulua mu maza ma velela. ²³ Tukala na kekete mutoma sadila vuvu kieto kondua kua kuenda yeku yekuna, kadi Nzambi wavana nsilulu wuna wakuikama. ²⁴ Tu zaya weyi tulenda siamisina bana ye ban'kaka mu nzola ye mu mavanga ma mbote. ²⁵ Katulembua kutakana ko bonso ban'kaka basala wo. Kansi nkutu, tusiamisa lutila diaka bana ye ban'kaka ye musungula luta mona vo lumbu mufinama kina. ²⁶ Kadi vo tuta vola masumu mu luzolo kunima tambula nzayilu ya ludi, n'kayilu mu kuma kia masumu kawusidi diaka ko. ²⁷ Kansi nkutu, vena kaka ye mfundisu yimosi ya mpila mpasi yi vingiluanga, ye tiya tuambi tusinga zinisa zimbeni zawonso za Nzambi. ²⁸ Konso duna tudidi n'kaku mu n'siku wa Mose kafete fua kondua kua n'lemvo mu ndombolo za mbangi zole yevo zi tatu. ²⁹ Nkia mpila tumbu kia mpila mpasi luta banza, kifuene kua ndondo diete muana Nzambi, ndondo wamona menga ma luwawanu bonso kima kimosi kiasumuka - menga mu momo kabiekelua- ye wafinka mpeve ya n'lemvo? ³⁰ Kadi tuzeye ndondo wavova; " kua mono mvutudilu a mbi;" ye diaka: " Mfumu seka fundisa n'kangu ani." ³¹ Dina diambu dia mpasi diabua mu moko ma Nzambi a moyo! ³² Kansi lumbukila moyo lumbu bia ntama, kunima temonua kueno, weyi lua muenene kingongo kia mpasi za lufua. ³³ Luakala n'kayilu kua nsoni zayingi mudiambu dia mfingulu ye nduanisinu, ye luakala kintuadi mu kisalu ye bobo balutila mu mpasi zampila yoyo. ³⁴ Kadi luafuila nkenda bobo bakala mu boloko, luakala tambudila mu kiese nkuatilu ya bima bieno. Luazaya vo luna ye mvuilu ya lutila wete ye ya m'vu ka m'vu. ³⁵ Mudiodio ka lulozi vuvu kieno ko, yi mu kiokio muna m'futu wanene. ³⁶ Kadi luna ye nsatu ya luvibubulu, mpasi vo luatambula kiokio Nzambi kasila kunima vanga luzolo luani. ³⁷ Kunima fintangu kaka, ndondo feti kuiza si keza kikilu ye kazingila ko. ³⁸ Nkualunungu se kazingila mu minu. Kansi vo wukikatudi, kikala ye kiese muyani ko." ³⁹ Kansi katuna kintuadi ko ye bona bakikatulanga mu bebesa. Kansi nkutu, tuna kintuadi ye bana bena ye minu mu lunda muela awu."