¹ Wuwu minu yi vuvu kia sikalala mu tambula bima biobio bita vingilua mu tima diawonso. Yi vuvu kiakondua keti keti mu bima kabi monekanga ko. ² Kadi, n'kulu mieto batambulua mu kuma kia minu kiawu. ³ Mu minu, tukuikidilanga vo nza ya vangua mu lutumu lua Nzambi, nate nkutu vo kavena kima kimosi ko mu bimonekanga kia vangu mu bima bimonekanga. ⁴ Yi mu minu Abeli kavanina kua Nzambi n'kayilu wa ntoko beni lutila waKayini. Yi mu kuma kiokio kamonekena wa lunungu. Ye Nzambi wammona wambote mudiambu dia n'kayilu ani. Ye mu minu, Abeli katatamenanga vova peleko wafua. ⁵ Yi mu minu Enoki katombokela kimoyo ye kamona lufua ko. " kamoneka diaka ko, kadi Nzambi wantombola kimoyo." Kadi tekela katombolua kimoyo, diavovoka muyani vo wakala yangidika Nzambi. ⁶ Kondua kua minu, kadilendakana ko mukun'giangidika. Kadi konso muntu kuiza kua Nzambi ka feti kuikila vo wuna ye yani futanga bawonso bakun'sosanga. ⁷ Yi mu minu Noa , wu kinavo waluengesua kua Nzambi mu mambu mana ka makala moneka ntete ko, mu vumi wa Nzambi, watunga masuwa mu vuluza nzo ani. Kio kavanga wuna, wazengela nza n'kanu ye kituka m'vingidi a lunungu lutukanga mu minu. ⁸ Yi mu minu Abalayama, kiokio kabokelua, wakuikila ye wayenda kuna fulu kiokio kafeti tambudila fua. Wayenda kondua kua zaya ku kakala kuenda. ⁹ Yi mu minu kazingila muna n'toto a nsilulu bonso nzenza. wavuanda kuna nsi a n'sampa kintuadi ye Izaki ye Yakobi. m'vue mia ntuadi mia nsilulu. ¹⁰ Didi, kadi wakala vingilanga ntungulu ya Mbanza yi mosi yoyo m'banzi ye n'tungi si kakala Nzambi. ¹¹ Yi mu minu Abalayama katambudila lendo kia tambula muana, kanele vo Sahala yani mosi wakala sita. Diodio dialuaka kanele vo wakala wanuna, kadi bamona bonso wakuikama, ndondo wabavana nsilulu. ¹² Yikuma, mu ndondo wakala lukufi ye lufua, mua butuka n'kuna watoma nieka. Batoma nieka bonso zintetembua zina mu zulu ye bono nginga za zielo va simu dia m'bu zozo kazilendi tanguluka ko. ¹³ Bawonso bafua muna minu, kandua kua tambula nsilulu. Kansi nkutu, kiokio kabamona ye kabavana mbote ya kuanda, batambudila vo bena banzenza ye mindutianzila va ntonto. ¹⁴ kadi bobo bavovanga mambu momo basonganga mu kia vo basosanga ndambu ya bawu mosi. ¹⁵ Mu diodio, vo kakala ye nsatu ya vutuka kuna nsi batuka, nga babaka mpe mpuasika mu vutuka. ¹⁶ Yikuma, bakala ye nsatu za nsi ya mbote yoyo yina ya dizulu. Ikuma, Nzambi kena ye nsoni ko mu bokelelua Nzambi awu kadi watomesa Mbanza ya m'vimba mukuma kiawu. ¹⁷ Yi mu minu Abalayama, kiokio kamana fiongononua, wavana muana ani Izaki. Yi muana ani mosi kaka kavana, yani ndondo watambula nsilulu. ¹⁸ Yi kua Abalayama batela: " Yi mu Yizaki mu tukila n'kuna aku." ¹⁹ Abalayama wakuikila vo Nzambi wuna ye lendo kia fulukisa Izaki ye mu konso mpila, watambula mvutu zani. ²⁰ Yi mu minu mpe Izaki kasambudila Yakobo et Ezawu mu momo matadidi mambu ma kun'tuala. ²¹ Yi mu minu Yakobo kiokio kafua, wasakumuna mosi mosi mu bana ba Yosefi. Yakobo wakunda, wuna kakala wavuetama vana nsonge a n'ti ani. ²² Yi mu minu Yosefi, kiokio nsukilu ani yakala lukufi, kavovela kua bana ba Isaeli mvayikilu awu mu Ngipiti ye kabasikidikisila mu nata visi biani. ²³ Yi mu minu Mose, kiokio kabutuka, kasuekelua ngoda tatu kua ngudi ye se diani kadi bamona vo wuna muana wantoko beni. Kabakala nkutu ye wonga wa n'siku a N'tinu ko. ²⁴ Yi mu minu Mose, kiokio kakuma mbuta kazolela ko kabokelelua muana a muana n'kento a Falawo. ²⁵ Kansi nkutu, watambudila mu muesua mpasi kintuadi ye n'kangu a Nzambi kansi ka mu zingila mu kiese kia masumu mu fintangu ntangu ko. ²⁶ Wamona nsoni za landa Klisto bonso kimvuama kilutidi kimvuama kia nene kia Ngipiti. Kadi watadidila m'futu ani wuna ku n'tuala. ²⁷ Yi mu minu Mose kakatukila kuna Ngipiti. Kakala mona wonga wa N'tinu ko, kansi watatamana mu tala ndondo lembi monekanga. ²⁸ Yi mu minu kasadila pasika ye katiamunina menga mpasi vo m'vondi a bana ban'tete kalembi simba bana ba Isaeli. ²⁹ Yi mu minu Basawukila m'bu wambuaki bonso va n'toto wayuma. kiokio besi ngipiti bazo wo sa mpe, bakukula bawonso. ³⁰ Yi mu minu yaka ya lupangu lua Yeliko yabuila, ku nima zungidilua yo lumbu nsambuadi. ³¹ Yi mu minu Laba, n'kento a ndumba, kafuila ko ye bobo bakala muna nkola meno, kadi watambula m'fongononi mia nsi (espions) kondua kua vonza. ³² Ye nki ndenda vova diaka? Kadi ntangu si yankondua mu vovela Zedeyo, Balaki, Zefeti, Davidi, Samueli, ye Mim'bikudi, ³³ bobo, mu minu balunga zimbanza, basadila lunungu ye batambula zinsilulu. Bakanga nua mia zinkosi. ³⁴ Bazima ngolo za tiya, bavuka mu meno ma mbele zatulendo, basasulua mu bimbevo, bakuma makesa mangolo muna nkindu ye batinisa makesa ma nzenza. ³⁵ Bakento batambula mafua mawu munzila ya mfulukulu. Ban'kaka batutua nkuba, kadi kabazola yambulua ko, mpasi mu songa mfulukulu yaluta wete. ³⁶ Ban'kaka batambula tusevo ye min'zuangi, nkutu ye n'singa mia sengos ye maboloko. Batubua matadi, bazengua ndambu mu n'kuanga (scies). ³⁷ Bazengua malaka mu mbele za luyalu. bayenda eku ye kuna, bavuata n'kanda mia mameme ye mia nkombo, bakondusua biawonso, bamuesua kiadi ye bavangua mpasi. ³⁸ (Bawu bobo nza kayayangalela ko), bazieta muna nsi za nkatu ye muna miongo, muna yimpolokaso mavangama muna matadi ye muna n'toto. ³⁹ Kana wuna kina vo bantu bawonso batambuka kua Nzambi mudiambu dia minu kiawu, kabatambula biobio basilua ko; ⁴⁰ kina vo Nzambi kalanga ye nsatu ya mambu mambote mu yeto, mpasivo kabaluaki mu kalasadulu kia lutila wete (excellence) ko, kondua kua yeto.