¹ Yidina, wuwu kina vo tuna tuazungidilua kua n'kangu wanene wa mbangi, tulosa konso kima kina zitu mu yeto ye sumu dikutu vuatanga ka mu mpasi nkutu ko. Tuzawula ye vuvu mu zawula koko kuna va n'tuala eto. ² Tutula meso meto mu Yesu, N'vangi ye yani kalanga ye m'funu wa minu kieto, ndondo mukuma kia kiese kia vewa kua yani, wamona mpasi vana kuluzu, wamona nsoni bonso kima kiampamba, ye wavuanda kuna koko kua lubakala lua kiti kia kimfumu kia Nzambi. ³ Ikuma, lubaka ndondo wavibidila telamenua kua mpila yina kua basumuki , mpasi ka luyoyi ye kalukondua nzunzu ko. ⁴ Kalua nuene ntete ko nate kuna ntengolelo a menga ko, yevo nuanisa sumu. ⁵ Ye luavilakana lusiamusu luavewa bonso bana, " Muana ame, kuvezi n'zuangi mia Mfumu ko, ye kuvidisi nzunzu ko mudiambu tumbu biani." ⁶ Kadi Mfumu zubanga konso muntu nduna kazolanga, ye tumbanga konso muana katambudi. ⁷ Luvibidila m'fiongono bonso diambu dia luzitu (discipline). Nzambi salanga yeno bonso bana, kadi nkia muana ndondo lembi zubua kua Se? ⁸ Kansi vo lukondolo zubua, koko beto bawonso tualutila, wana kaluna bana bani bazayakene kua luyalu ko yevo kabana bani ko. ⁹ Wana nkutu, tua tambula Mase ma vava n'toto mu kutu zubanga, ye tukubazitisanga. Nga ka tulendi lutila tumamenanga Se dia Mpeve za luzingu kue? ¹⁰ Kadi Mase meto makutuzubanga mu mvula za fiuma bonso bamuena dio dia m'funu, kansi Nzambi kutuzubanga mu kuma kia mambote meto, mpasi vo tua kala muna kin'longo. ¹¹ Kavena tumbu nkutu ko ki muesanga kiese, kansi nkutu kivanganga kaka mpasi . Kansitu, kinatanga kuna sen'tuala m'butu mia luvuvmu lua lunungu kua bana basalua wo. ¹² Mudiodio, lusiamisa moko meno matoma yoya ye makungunu meno mayoya, ¹³ Ye lusala nzila zeno za singama muna malu meno, mpasi vo konso yuna wuna m'vanguki, kavidi ko, kansi nkutu kawutuluka. ¹⁴ Lusosa luvuvamu ye bantu bawonso ye kin'longo, kondua kua kiawu kamuntu ko mona Mfumu. ¹⁵ Lukaya meso mpasi vo kamuntu ko ka kakidilua n'lemvo a Nzambi, ye kamuanzi mosi wa ndudi ko wukula mudiambu dia ntantani, yevo bayingi bamona kiadi mu momo. ¹⁶ Lukaya meso mpasi vo kavakadi nkua kindumba ko yevo muntu kakuikilanga ko, bonso Ezawu, wateka kimbuta kiani mudiambu dia madia. ¹⁷ kadi luzeye vo kina kazola tambula lusakumunu, walozua kadi kabaka kana nzila nkutu ko mu soba va n'tuala Se diani, kana wuna kina vo wan'lomba dio mu ludi kiawonso ku nsi a mansanga. ¹⁸ Kadi kaluizidi ku mongo wulenda simbua ko, mongo wuta via kua tiya, tombe, tuti ye tuti dia mvula ya ngolo. ¹⁹ Kaluizidi ko mudiambu dia mpungi yi budidi yevo mambu matukidi kua ndinga ya ngolo bonso vo bana bawa yo bakiyuvula vo kaba widi nete ma lutila ko. ²⁰ Kadi kabalenda vibidila mana ma tumua ko: " Kana nkutu bulu vo simbidi mongo, kafeti tubua matadi." ²¹ Nsamu wowo wavana wonga wayingi, nate Mose wavova: " Ngina mu kiadi kibeni ye ngita zakama." ²² Kansi nkutu, luizidi ku mongo wa sinayi ye ku mbanza ya Nzambi a moyo, Yelusalemi dia mazulu, ye kua nkama kumi za zimbasi ku n'kembo. ²³ Luizidi ku lukutanu lua bana ba ntete basonama kuna zulu, kua Nzambi m'fundisi a biawonso, ye kua Mpeve za lunungu zilueke mu nsadilu ya mbote lutila. ²⁴ Luayizidi kua Yesu, kimpovela kia luwawanu lua mpa , ye mu menga matengolua ma vovanga lutila menga ma Abeli. ²⁵ Lukeba mulembi zola wa ndondo wuta vova. Kadi ka balenda tina ko kiokio bamanga wa ndondo wuta kubaluengisa vava n'toto, si tua tina ludi ka bonso ko vo nga yeto tutateka nima kua ndondo kutuluengisanga tuka kuna zulu. ²⁶ Mu ntangu yina, ndinga ani yanikuna n'toto. Kansi wuwu, , Wasa n'silu, wavova: " si yanikuna ka n'toto kaka ko, kansi ye mazulu." ²⁷ M'pova zizi, "mpovele wo diaka", zita songa nkatudilu ya bima biobio bia nikunua; disasidi bima bionio via vangua, mpasi vo bima biobio bia lembi nikunua biatatamana. ²⁸ Ikuma, kina vo tutatambula kimfumu kakilendi bua ko, tukala ye mabanza ye mu mpila yoyo, tusanisina Nzambi mu lusitu luawonso ye vumi. ²⁹ Kadi Nzambi eto wuna tiya tubukumunanga.