¹ Bika Nzola ya kimpangi ya tatamana. ² Kadi muyawu, ban'kaka basonga nzola ya yamba bantu(Hospitalite) kua Mbasi za Nzambi kondua kua zaya. ³ Lubambukila bantu bamaboloko moyo, bonso luna lua kangama ye bawu. Lubambukila moyo kua bobo betavangua mpasi , bonso luna ye bawu mu nitu. ⁴ Bika Makuela mazitisua kua konso muntu. Bika mfulu a makuela yalundua ya n'longo, kadi Nzambi si kafundi ankua kindumba ye n'te mia zumba. ⁵ Bika ndiatilu aku yakala kimpuanza kia nzola ya mbongo. Lutambudila biobio luna biawu, kadi Nzambi yani mosi wavova: " Kilendi sala kuyambula yevo kulosa nkutu ko." ⁶ Tukivana mpasi vo tuavova munzunzu yawonso: " Nzambi yi n'sadisi ame, kimona monga wakonso kima nkutu ko. Nki muntu kalenda kumvanga?" ⁷ Lutondanga min'tuadisi mieno, bawonso baluvovela mambu ma Nzambi, ye lukuikila mu mvutu za ndiatilu awu; lutanginina minu kiawu. ⁸ Yesu Klisto wuna mpila mosi mazono,wunu te mu m'vu ka m'vu. ⁹ Kalukiyambula lua natuka kua malongi ma mpila mu mpila ye ma nzenza ko, kadi dina dia mbote vo mintima mia siamisua mu n'lemvo, ye ka mu madia momo ka masadisanga bobo bakukivananga mukuma kiawu ko. ¹⁰ Tuna ye zikua dimosi vazulu a diawu bobo basalanga kisalu muna suku dia kin'longo kabena ye luve mu dila ko. ¹¹ Kansi menga ma bibulu bia vondua mudiambu dia masumu ye manatua kua ngudi a Nganga kuna fulu kia kin'longo walutila, kansi nitu zawu zayokua kuna mbazi a vula ( camp). ¹² Yi mudiodio, Yesu mpe wamona mpasi kuna mbazi a muelo wa mbanza, mpasi vo kabieka n'longo n'kangu mu menga mayani kibeni. ¹³ Mudiodio, tuvayika tuenda kuna kena kuna mbazi a vula ( camp), ye tuvuata nsoni. ¹⁴ kadi ka tuna ye mbanza ya m'vimba m'vimba ko vava nza. Tuta sosa nkutu yoyo yina kuntuala. ¹⁵ Yidina muyani, tuvana n'kayilu mia nzitusu kua Nzambi mu ntangu zawonso, nzitusu yoyo yina m'butu mia befo bia nua mieto mitatilanga nkumbu ani. ¹⁶ Ye kaluvilakana vanga mambote ye salazana yeto ye yeto ko, kadi yi mu n'kayilu mia mpila yoyo Nzambi kayangalelanga. ¹⁷ Lutumamena ye lukala ku nsia a wisa kia n'tuadisi mieno, kadi bawu bakayanga meso mukuma kia miela mieno bonso bawu bavanaga n'samu. Lutumama mpasi vo min'tuadisi mieno miakivana kua beno mu kiese kansi ka mu nsi a ndunzi ko, se dia kala dia ndandu kua beno. ¹⁸ Lutusambidilanga, kadi tuna ye vuvu mukala ye kansansa kia kia ye tuzolele zingila mu nzingulu ya mbote mu mambu mawonso. ¹⁹ Yitakulusiasa mu luta toma vanga didi, mpai vo ya kala yafuana mu vutuka diaka kua yeno mu n'sualu. ²⁰ Wuwu, bika Nzambi ya luvuvamu, ndondo wanata tuka mubafua n'longi wanene wa mameme, Mfumu eto Yesu Klisto, mu menga ma luwawanu lua m'vu ka m'vu, ²¹ kakululungisa ye bima bia mbote mu sala luzolo luani. Bika kasala mu beto momo mena mambote va n'tuala ani, mu nzila ya Yesu Klisto, kua yani kuvewa n'kembo mu m'vu ya m'vu. Amene. ²² Wuwu yikulu siamisi, luzimpangi, mu lunda m'vovo mimi mialusiamusu yikulusonekene mulukufi. ²³ Luzaya vo mpangi eto Timoteo wavayikisu, kintuadi ye yani si yalumona vo lenda kuiza mu lumbu yiyi. ²⁴ Luvana mbote kua min'tuadisi mieno ye kua ban'longo bawonso. Besi Italia valuvene mbote. ²⁵ Bika n'lemvo wakala yeno a wonso.