¹ M'vovo wuwu wuna wavuvu kibeni: vo muntu zolele kala nganga a Nzambi, yani zolele salu kia m'funu. ² Ikuma nganga a Nzambi kafuete kala walembi sembua. Kafuete kala yakala dia n'kento mosi. Kafuete kala walembama, wanzunzu, wutoma kubikua, n'tambudi a bawonso. Kafuete kala wafuana mu longa. ³ Kalendi kala wakiyekola mu malavu ko, ka nkua kingolo ko, kansi nkutu walembama, waluvuvamu. Kalendi kala n'zodi a mbongo kua yingi ko. ⁴ Kafete toma tuadisa nzo ani mbote mbote, ye bana bani bafete kun'tumamena mu luzitu luawonso. ⁵ Kadi vo muana a yakala kazeye tuadisa nzo ya yani kibeni ko, neyi kalenda kebela Dibundu dia Nzambi e? ⁶ Kalendi kala munkuikizi wa mpa ko, mpasi kabue mu n'kanu bonso satana ko mukuma kia kitumpidika. ⁷ Kafete kala mpe ye kimbangi kia mbote kia bana bena ku nganda, mpasi vo kabue mu mambu ma nsoni ye mu n'tambu a satana ko. ⁸ Biselo mpe yi mpila mosi, bafete kala bafuanakana, kua nda ye luzolo luasaka lua mvambani. Kabalendi nua malavu masaka ko yevo bazola mbongo kuasaka. ⁹ Bafuete lunda kieleka kiazayikisua kia minu muna kansansa kia toma velela. ¹⁰ Bafuete kala ntete batambudilua ye kunima wuwu kina vo bena bakondua nsembolo, balenda sala. ¹¹ Mpila mosi mpe kua bakento, bafete kala bafuanakana. Kabalendi kala ye masungula ko. Bafete kala balembama ye bakuikama mu mawonso. ¹² Biselo bifete kala mayakala ma n'keto mosi. Bafete toma tuadisa bana bawu ye nzo zawu. ¹³ Kadi, bana batoma sala, batambula fulu kia nzitusu ye vuvu kia yingi mu minu kina muna Klisto Yesu. ¹⁴ Ngita kusonekena mambu mama, ye nsidi vuvu vo fioti fisidi singiza kua ngeye. ¹⁵ Kansi vo ngita zingila, ngita soneka mpasi wazaya neyi fete diatila muna kanda dia Nzambi, dina Dibundu dia Nzambi a moyo, lunzi ye yekameno kia kieleka. ¹⁶ Ye kadilendi fidulua mpaka ko vo kieleka kia zayikusua mu wuveledi kina kia nene: " wamoneka mu kin'suni, walungisua kua Mpeve, wamoneka kua zimbasi, wasongua vakati kua zinsi, wakuikilua mu nza, wazangulua mu n'kembo."