¹ Ba kuun,bini li yeb ne,munda me nkel mu imo ku kel bad ban baba yeb nsik,munda nsik itala mud mu tel akel nde mu izing? ² Kobu,mukad a ma beel anama andi mulim a nde mu nzil ye nsik mu tel akel nde mu izing,si kid ne mulim a nde fhi,nde ya kyi mu nsik yin ye ma beel. ³ Si kid ne tel akel mulim a nde mu lizing,kid ne nde fi kal andi baal mu nkim,ba muyemen nduum. Si kid ne mulim ande fhi,nde ya kyi mu nsik yin ye ma beel,nto nde fi kal andi baal mu nkim,ba muyemen we nduum. ⁴ Ifa imo,ba kuun ba me,bini si,mu nzil yi nud ye Klistu,ba musi ku lifhu mu nzil ye nsik,munda ne bini li to ku kel mud munkim,ku kel wun wo futumuk ku lifhu munda ne bis li bud mbud yi mbwed ku kel Nziem. ⁵ Munda tel li kele bis mu imud,minia mi mi kel ne mi nem andi masum mi ke mi ghan mu ma nud ma bis munzil ye nsik mu mpil ne bis li bud mbud ye tswala mu nzil ye lifhu. ⁶ Si tel li,bis ba likiele ku ma nsik, bu li fhi mu nsik yin yi likele bis mu nked a yo, ba lishim munda ne bis li selel mu mpil yi mpev ye mpa,si kel we ne Ku nsi ye mukaan wun wo lem ⁷ Kobun,nki yo bis li mo? Nsik ikel lisum mu yo ngako? Kwel andi mo man. Kyi iwine nsik,me tu nziab we lisum. Si me tu nziab we izol kid ne nsi imwe we: Nze azol we. ⁸ Si masum li ma kwed kungwel ye ma nsik,li ma bwid mu mbwun a me ma mpil mo maso ma lizol. Munda kid ninsik ike we,atu kal masum ma fhi. ⁹ Me akele mu lizing iwine nsik,si tel ayi to ma ngil,lisum ya li bud wol mbel mu lizing,me yaan mfhi. ¹⁰ Me ayebe ne ngil iyi ntswal lizing,kyi lo li iyi ntswal lifhu. ¹¹ Munda lisum ya li wel nswa,si lisum liso mu nzil ye ngil,li ntswal ku lifhu mu nzil a nde. ¹² Kobun nsik ikel ye bu santu,ngil si ikel ye bu santu,imbe-imbe ani ku ibwed. ¹³ Kobun,ilo ikele ke ibwed,ya ishiel nzil ye lifhu munda me? Ntam andi yo yin! Ikel masum mu mpil ma ghan amon ne masum mu iya intswel lifhu mu yin yi kel yi mbwed,ani iya mu nzil ye ngil yi ba maa mu mpil ye lwidil. ¹⁴ Bis li yeb ne nsik ikel ye bu santu,si me nkel mu musun. Me ake ba ntee amon mpik ku kel masum. ¹⁵ Munda me nzieb we man ma nkel me mu ikid,me nsel we man ma nzwel me, me nsel man ma mee me. ¹⁶ Si kid ne me nkid man ma ywi me,yan me ya nzieb ne nsik ikel yi mbed. ¹⁷ Kyi kel we ne me wu kel mu ikid bilo bin,si masum mama kel mu nked a me. ¹⁸ Wun wu kel wu mu bwed akel we mu nked a me. Nzal ye iasal ma mbwed,ikel andi me,si me nkwi we mu iku ma sal. ¹⁹ Si ma mbwed ma zolo me, me ama sala we, si me asala ma mbi ma wun zolo me. ²⁰ Kid ne me nkid ma wun zolo me,kobun kel we ne me nkel mu iku ma kid. ²¹ Kobun me amono nsik yin ku nkel me,tel azol me ne nkid ku ibwed,ma mbi li ma ya nam ku nkel me. ²² Munda me aseme ifhun mu nsik ye Nziem mu mpil ye mud wo mu nked. ²³ Si nsik yi nkim ibiel mpu mu bitswil be nud a me ye nwana andi maken ma me wo nsa ne ba nshim mu nsik ye masum,yi kel mu bitswil be nud a me. ²⁴ Me nkel mud a mpas,na wo nkiele me mu nud yi ye lifhu? ²⁵ Si lizol li kal ko kel Nziem,ku kel Yesu Klistu mfum a bis. Kobun si me ngako nkel mu maken,mpik wo nsik ye Nziem,ani mu musun,me nkel mpik wo nsik ye masum.