¹ Kobun,nki yo bis limo munda Abalayam, nkwa wo bis wu lizwi bis mu mpil ye imud? ² Munda kid ne Abalayam ake abi swe mu bisal, akal andi ibyi mu iwol likum,si kel we ne ku nkul a Nziem. ³ Munda biswen bi mwe nki? Abalayam bo kwikil ko kel Nziem,ikio kin ke mu tswel nde mu masong. ⁴ Tel li,ku kel wun wo sala,lufud ba li tees we amon ne li fi mu lizol, si amon ne ilo imo ki ba wi. ⁵ Ani ko kel wun wo win sala isal, si akwikile ku kel wun wo ko semese bad baba wun sama,likwikil li nde ba li tese mu masong ⁶ Davidi bo sakumun si mud wun wo mwen Nziem ne akel mud a masong,wine isal, kun amo ne: ⁷ kies ifhun ku kel ban baba sala masum si baba lolul ani ban baba kel ne masum ma bo ma ghan mu wili. ⁸ Lusakumun likal ku kel mud wun wu kel ne Nzieme amu wa we ndol munda masum ma nde. ⁹ Lusakumun lin li ke na ku kel ban baba tsid to ku kel ban baba win tsid? Munda bis limo ne "likwikil li ke ku kel Abalayam mu masong". ¹⁰ Isi nki ba muwi likwikil lin? Ikele mu tel le kele Abalayam wo tsi-tsid to le kele nde wine itsid? Nde akele abwu ba mu tsid we,si ba mu tsid we. ¹¹ Abalayam bo zwi idiim ke itsid,amon ne iniemin ke masong, ke likwikil kin ke wel nde tel li ke ne abwu ba mu tsid we,mu mpil ne nde akal Tad wo ban bo baso baba kwikile,ifa imo si baba win tsid mu mpil ne baba wo masong. ¹² Nde si akal Tad wo ban baba tsid, ba kel we ne na bo ban baba tsid, si baba luuno makol mu nzil ye likwikil le Tad a bis Abalayam.Likwikil lin le kele lo amon ne wu ba wun tsid. ¹³ Kyi ikele we ne mu nzil ye nsik,likan lin li baba wi ku kel Abalayam ani ko kel ba tshili ba nde mu mpil ne ba kal imvwam ke ntod yo iso. si mu masong ma likwikil. ¹⁴ Munda kid ne ba nga imvwam ba izwi mu nsik,likwikil li kel lili mpaam,ani ikan kin ya ba kiele. ¹⁵ Munda nsik iko mpud,si mbel yin ye win nsik,bad si ba idus we. ¹⁶ Itsin kio kin ba nga imvwam kin ba izwi mu likwikil,ani mu iyukan andi likum, mu mpil ne lukan li kal le ibini ku kel ba tshili bo baso. Kel we ne na ku kel ban baba kel ku nsi ye ma nsik si ku kel ban baba kel mu yo mu likwikil le Abalayam Tad wo bise baso. ¹⁷ Bun bu ba swen, me ayi si Tad wo makaan ma fhu-a-fhun. Nde akel Tad a bis ku nkul wu kel mud ayi so wo kwikil ko kel Nziem,wo wa lizing ku kel ban baba fhi ani wo yemen bilo bibi winin mu lizing mu nked a mukil wu. ¹⁸ Ansa bun bu kel manda ma bi ma mukil,Abalayam bo kwikil ku kel Nziem mu mpil ne nde ya twe Tad wo makaan ma fhun,bun bu kel mo maso ma ba mu liel nde. Bun bo luunu makaan ma ku nkul. ¹⁹ Wine yuun mu likwikil,nde amwen we ne nud a nde ike ifhi ikwil,kid nde ake a twe andi ba mvul nkam,mukel a nde Salah ake a twe ku snuk ye ibud. ²⁰ Si nde Le kes mbwun mu likan le Nziem, Abalayam a mu mee we Nziem nto mbal mo,si akele ngol mu likwikil,awe na likum ko kel Nziem. ²¹ Nde akel mu ikisi tel lo liso ne bilo aken Nziem,biku-kuu. ²² Kobun li bi muwi ngol mu iluun masong. ²³ Si ikel we ne, ikel na munda nde ngako we ba swen ne ba wa na nde. ²⁴ Ba bud li swenen ne, ku kel na ba wa bio bin, ku kel bis ba li kwikile ku kel wun wo futumuk mu lifhu, Yesu Klistu mfum a bis. ²⁵ Nde wun wu ba tee munda masum ma bis,ani afutumuk munda luguluk le bis.