¹ Kobun nki mu lud ba Yuda ba kel a nde ani mukid kwi mu ikal ku kel mud wu ba tsid? ² Mu mpil yo iso,akel wu mu nen,a iso,ighan ke lisiil le ba wi Nziem. ³ Asi nki,kid ne ba Yuda baba mo ba kwikil we?Mutswe ngol wo bo aki kiele ma mbwed ma Nziem? ⁴ Lo nsil. Nziem ba mu mono wo imbe-imbe ani mud nde so a ghan mud a mampia. Bun bu ba swen,"bini li kwi mu ikal imbe-imbe mu manda ma bini, mu mpil ne li kal bad ba ibyi". ⁵ Si kid ne mambi ma bis ma kel mu isuu ne Nziem akel wu mubwed,bis nki yo li mo? Nziem,mu isuu mpud a nde ku kel bis iswi ne akel wu mubi? Me mwe bun bu kel nda ye imbe-imbe ku kel bad. ⁶ Ntam andi mo man, kobun isi nki Nziem asemese mukil? ⁷ Si kid ne masong ma Nziem,mu nzil ye ma mpia ma me ma lwidil,ma kel si mu likum li nde, munda nki ba kwi mu isemes amon ne mud a masum? ⁸ Munda nki mu iwun mo ne bun bu ba li mono ne bis li kel bad ba masum,li kide ku ibi mu mpil ne ma mbwed ma ya? Isemes ki ba semes bo,ikel ke imbe-imbe. ⁹ Ne kobun bis li kwi mu ilolulakan? Lo nsil.Munda bis ba sun li yab ne li kel bad ba bi,ani ba Yuda ani ba Gelek munda lizing li bo le masum. ¹⁰ Bun bu ba swen: Ikel we andi mud mu bwed, nto mu mo nde we. ¹¹ Nto mud mu mo a yeb we. Nto mud mu mo wo ko saa Nziem nde we. ¹² Bo baso ba mu wi mukud,ba twe bo baso mfun we. Nto mu mo mu nked bo we wo sala man mama kel mama bwed,nto mu mo we. ¹³ Miwil mi bo ba mi fiele amon ne mampiem.Manda ma bo ma twe na ma mampia. Madjin ma bo ma nteel ma kel ku nsi ye bi bwel bi minwa mi bo. ¹⁴ Minwa mi bo mi wil andi bilwe mate ma nkel. ¹⁵ Makol ma bo ma kel manan mu iko tshiese makil. ¹⁶ Mun mu ba ko kwe bo ba shise na lifhu ani minia. ¹⁷ Ba yeb we nto itshi nzil ye ngemb. ¹⁸ Mu madis ma bo,buum be Nziem bio nto bitshi. ¹⁹ Tel li,bis li yeb ne ansa nsik bu imwe, ba liele ban baba kel ku nsi ye ma nsik, munda ikas minwa mio miso yan mukil ndeso ayi yab ne nki ba kel ku nkul a Nziem. ²⁰ Mio mi,munda ne mud nde so abi suu we mu isala bi sal be ma nsik. Munda mu nzil ye ma nsik mo ya nziebel ye masum. ²¹ Si tel li,iwine nsik,masong ma Nziem ma bi suu ani ita imbang mu nzil ye nsik ani ye ba mbikudi. ²² Ikel masong ma Nziem mu nzil ye likwikil mu Yesu Klistu munda bo baso baba kwikile. Nto mu mo ba kiele we. ²³ Munda bo baso baba sel masum baba tswi mu ikod mu imfum ke Nziem. ²⁴ Ba ba suu lizol le Nziem iwine iwa ilo imo,mu nzil ye ishum ki ikel Yesu Klistu. ²⁵ Nziem si le mu wi amon nzil ye ndol mu ban baba kal andi likwikil mu makil ma nde,le wi Yesu amon isuu mband ye masong ma nde. ²⁶ Mio miso mi mi twe mu tel li munda ighan ke masong ma nde,ani mu isuu imbe-imbe ne nde akel na nde ngako wo suu mud nde muso wo kal andi likwikil ku kel Yesu. ²⁷ Kun ikel nda ye iku bi wa likum? Ba ikiele. Mu nki nsik? Yin ye bisal? Lo,si mu nsik ye likwikil. ²⁸ Ku nsuk bis li mo ne mud mu mo ba mu suu mu likwikil si kel we ne mu bisal be nsik. ²⁹ To Nziem,akel Nziem na wo ba Yuda? Akel we wo bad bo baso? Ibini akel si wo bo. ³⁰ Bun bu kel Nziem mu mo,asuu itsid mu nzil ye ikwikil ani iwin tsid mu nzil ye likwikil. ³¹ Kobun bis aka likiele nsik mu nzil ye likwikil li bis? Yo yin ikwi we mu ikal! Si bis li saa nsik.