¹ Munda iko bun nze alolulo we,mud,nze wo semese ba kween, mu ikid mio mi nze kel mu iku lisemes nze ngako. ² Munda nze wo semese kel mu ikid bilo bio bin bi mo. Si bis li yeb ne isemes ke Nziem ikel kobun, mu mpil ye masong ku kel ban baba kide ifa iso kin. ³ Mu nda so yin,nze wo wele ban baba kide bilo be ifa iso kin,bo si aka ba biselel,nze tiemen ne nze kuu mu ibad isemes ke Nziem? ⁴ To nze kel mu ivwens imvwam ke ma mbwed ma nde, mu ngieb a nde, mu ikas mbwun i nde,li yaba we ne ma mbwed ma nde ma itswala mu isob. ⁵ Si mu iwun kas mbwun a nze, ani tin le mbwun a nze,ayi suu mpud a nde mu tsu le mpud ye isemes ke Nziem. ⁶ Nde wo fudul ku kel kons mud makab ma isal i nde. ⁷ Ku kel ban baba kas mbwun mu bisal bi bwed, ba sa imfum andi likum ani nzil ye masong mu lizing le mvul ani mvul. ⁸ Si ban ba bi tiemene ko kel bo ba ngako,ani baba wun lemfuko ku masong,baba kide bilo bi bi,mpud,buum. ⁹ Ma ndol ma ya bwa ku mud nde so wo kide bilo biso bin,bad ba iso ba Yuda,ani baba wiin ba Yuda. ¹⁰ Si ngemb,lukum ani iyim ani ikin ikal ko kel wun wo sala ma mbwed,abwu ku kel ba Yuda ani baba wiin ba Yuda. ¹¹ Munda Nziem akaba we bad. ¹² Ani ba baba sal masum mu iwun yab nsik,ba fha iwiin nsik,si ban baba sal masum ya the ma nsik,ba fha mu ma nsik maso man. ¹³ Munda ban baba ywile nsik ba kel bo ban baba kel bad ba bwed ku nkul Nziem,si ban ba yi sa mu bisal. ¹⁴ Munda kid ne ba mpan ban baba kel ne,ba yeb we nsik,ba sala mu mpil a yo,ba sala ba ya ba bwid bo manda ma mansik,ba to ma nsik munda bo ba ngako. ¹⁵ Mu kio kin,ba suu bisal bi bo bi ba zwi mu nzil ye nsik,mi ba swen mu mikol mi bo ani mu mantiemen ma bo mu ita imbang ani ma ntiemen ma bo ma ba fuun ani mu iku ba suu. ¹⁶ Mu tsu le semes Nziem manda ma insi-nswi ma bad,mu nzil ye nda Nziem aswen me mu nzil ye Yesu Klistu. ¹⁷ Kid nze abi mono ne nze kel Yuda,nze abi kal iko bun mu nsik ani ikal mu issem ke ngol mu Nziem. ¹⁸ Mu iyab lizol li nde,mu iyab kons ilo,ki ba sun son mu nsik. ¹⁹ Kid nze ayaba ne nze kel mud wo tswelese bi mfa-mis,mwiin wo ban baba kel mu lipyib. ²⁰ Wo suu mwiin ku kel biyul, alongo munda bad ba nkim,ayaba ne nde yeb manda ma masong ani ma nsik ma ibini. ²¹ Kid ne nze kel mu ilong ba kwen,munda nki nze asun bi longo nze ngako? Nze alongo bad ba nkim ne li kaan mu iyibe,nze ngako ayibe we? ²² Nze wo longo bad ba nkim mu iwiin sal induum,nze ngako a isala we? Nze wo ywi bitek,nze ayibe we bitek mu manzo ma Nzieme? ²³ Nze wo ko kwe mu isse kio iso mu nsik,nze amee we isaam Nziem mu iniad nsik aso yin? ²⁴ Munda nkwum a Nziem ba i mee mu nked a bad ba bwed itsin nze bun bu ba swen. ²⁵ Itsid ikel mfun munda nze kid ne nze kel mu ilemfuk ku nsik,kid ne lo,kid ne nze bebes nsik,itsid ku kel ya ifudu iwiin tsid. ²⁶ Kid ne kobun,wu ba wiin tsid a luuno nsik,iwun tsid i nde ya ifudu itsid? ²⁷ Wun wu ba wiin tsid ba ya ba bwid nde,ani ilemfuk ku nsik,ba isemes we nze wo bebese nsik mu itala manda ma ba swen ani ma itsid i nze. ²⁸ Kobun,mu Yuda wo ibini,wun wu ba tsid mu nked si kel we ne mu imud. ²⁹ Munda itsid ikel kin ke mbwun mu mpev si kid we ne mu ison. Isaam ke mud a ifa kin i fi we ku kel mud mu nkim si ku kel Nziem.