¹ Pol,mud a isal wo Yesu Klistu ba liyemen mu ikal ntum,ba musi mu liwuu munda iko kab nsia ye Nziem. ² Sa baa ntam,ba mbikudi bu ba swen mu mikaan me Nziem. ³ Mu manda mama tel mwaan wo Nziem, wu ba bwid mu imud mu ikaan ke David. ⁴ Nde ake ba mu mwen ne akel mwaan wo Nziem mu nked a ngol ye mpev a Nziem,mu nked a lufutumuk,ku ngwel ye lifhu,Yesu Klistu mfum wo bis. ⁵ Mu nzil a nde,bis ya li zwi lusakumun andi maken ma ilong munda likwikil,mu ntod yo iso munda nkwum a nde. ⁶ Mu nked a bitshwil bi maan,bini si bu ba liyemen munda ne likal bad ba Yesu Klistu. ⁷ Bad bo baso baba kel ku Loma,bad ba lizol le Nziem andi baba yemen mu ikal ba santu: lizol andi ngemb ikal andi bini,mu kab le Nziem Tad a bis andi Mfum a bis Yesu Klistu. ⁸ Iso-iso,me ngwi likum ku kel Tad Nziem munda likwikil ali level nde mu nto yi yo iso. ⁹ Munda Nziem akel mbang wo me,wun wo selel me mu impev mu nzil ye nsia ye Nziem,ye mwaan a nde andi iku li suu bini. ¹⁰ Kons tel mu bisaam bi me,me alwomo ne: me nswa likum mu manzil mo maso,andi tel liso le mu nzil ye likum li Nziem,bini li kwi mu ikwe mu nzo bini. ¹¹ Munda me nkwi mu iku limon, munda mu iku liwa ndaam ye makab ma impev munda ne bini li to ngol. ¹² Munda ne bis si linwa ngol bis-a -bis mu nzil ye likwikil li bis,lili me andi lili bini. ¹³ Tel liso li me nkwi we ne bini li kaan iyab,ba kuun,me nkwin iya lital mbal afhun-fhun,si me ake ba nkes nzil bun bu ibwi yo baa ako yan; li yaba si ne me nkel andi libud mu nked a bini,amon ne bun bu ibwi mu nked a bad ba lizid. ¹⁴ Me nkel andi mfum ku kel bad ba Gelek andi ba Balbal,andi ku kel bad ba maken,andi ba zob. ¹⁵ Ako yan me nkel andi lizol lili bwed mu iku li pas nsia ye Nziem ku bini ba likel ku Loma. ¹⁶ Munda iko bun,me nkel andi nswen mu nda ye Nziem. Ikel ngol ye Nziem munda luguluk le mud nde muso wo kisi,iso-iso ba Yuda andi ba Gelek. ¹⁷ Munda ne,mu nked a nsia ye Nziem,masong ma Nziem ma liyibil mu ikisi andi ikwe ku nkul mu likwikil bun bu ba swen, bad ba bwed,ba shiala andi likwikil munda mu izing. ¹⁸ Mpud a Nziem a ghan baa ku nked yul tii ku masum mo maso andi mu bad baba wun luuno manda imbe-imbe, kikin ma nzil ma bi ma see masong. ¹⁹ Nziem aba wa ndol munda,bio biso be yeb Nziem bi kel mu wili. Munda Nziem nde ngako bo ba wi nzil. ²⁰ Sa baa ya ba kes mukil,bilo bibi wun gha bi twe be iyab,bibi tel inziem i nde andi ngol a nde ye mvul andi mvul,ibini ba ke ba ghan mu wili mu nzil ye bilo bio biso be kes Nziem. Itsin kio kin ba balolul we. ²¹ Munda bu ba yeb ku ibwed ne Nziem andi nde,ba mu seem we amon ne Nziem,ba mu wi we si likum. Si bo li ba twe biyul mu ma ntiemen ma bo ani mu ma mbwun ma bo wine iyab,li ba bwi mu lipyib. ²² Ba bi mwene amon ne bad ba maken ku madis ma bo ba ngako,li ba twe biyul. ²³ Bo mu iwa likum ko kel Nziem wo mvul andi mvul,bo ba seme bitek bi bad baba fha,be nwin,bibi mbil ani be ba nteel. ²⁴ Munda iko bun,Nziem le ba til-bwa mu ma nzal ma bo ma bi ma mikol mi bo,mu mpil ne ba kaan iku bi wa likum ibo-ibo mu ma nud ma bo ba ngako. ²⁵ Ani mu ikaal manda ma ibini li ma twe ma ma bimpal,ani mu isaam bilo be mukil si Nziem wun wo sampulu bilo bio biso,ba museme we. Ame. ²⁶ Itsin kio kin,Nziem le ba wi ndol ye lifhu,ikio kin ba kel ba bo ba sweb iwakan i bo ke itsin mu iwakan ke manda ma bi ma ntod. ²⁷ Ifa imo,ba baal ba yese si iwakan ibo ke itsin andi ba kad munda ba liel mu manda ma bi ban andi ban,ba baal ba bi baal ibo-ibo mu mpil ye mbyin. Ikio kin Nziem aba wi ndol mu mpil ye izwa ke isob i bo. ²⁸ Ighe ne ba zwele we mu iywili manda aba liele Nziem,nde le ba wi ku ma ntiemen ma bo mu ikid min mi ba wun kuu bo mu ikid. ²⁹ Bun bu ba kel bo ne ba will andi manda ma bi mo maso,mpud,induum ani maken ma bi. ³⁰ Ba tsidin andi ma ngiin ma bi,manteden,ma mpia ani ma ngiin ma fha. Ba kel ba ngal-mwa,ba nga bi li-liel,baba wun sama,inka ngol,lileen ba biwi mu bilo bi bi,mutswe ngol ko kel bi bwid. ³¹ Iwine mayel,mukil wo imbwa, wo wine ngieb. ³² Ba bud yab ku ibwed isemes ke Nziem,munda ban baba sala bilo biso bi,lifud li bo li kel ifha.Bo ba kide we kid na mo man,si ba suu ban baba kide mo.