¹ Kons mud mu nked a bini a lemfuk ku kel ba mfum,munda ikel we andi imfum ke wun fa ko kel Nziem. Ban baba kel Nziem aba si. ² Munda ikobun ban baba wun lemfuko,ba sa mutswe ngol ku imfum ke Nziem;ani ban baba sa mutswe ngol ba ko isemes ke Nziem ya nghe bo ba ngako. ³ Munda ba mfum ba kel we yan mu iwa ndol ku kel bad baba kide manda ma bwed si ko kel bad ba bi.Bini li zwel we ne li kaan ibada ba mfumu? Li kide ma mbwed, ako ba libedel makuu. ⁴ Munda ikel bad ba isal ke Nziem munda ma mbwed ma bini. Si Kid ne bini li Kid ma mbi,li kal mu buum munda Kid mu nkaam we bo baba wi inta ke iwa ndol. ⁵ Munda iko bun bini li kwi mu ilemfuk,kid we ne n'a munda ndol,si itsin mukil wo nze ngako. ⁶ Itsin kio kin,li fudo si mpak ye leta, munda ba mfum ba ntod ba kel bad ba isal ke Nziem,baba tala tel lo liso bilo bi. ⁷ Li fidil ku kel kons mud isal i nde: Mpak ku kel wun wo wolo yo,mpak nkim ku kel wo wolo yo,lizid ku kel wun wu ba sa lizid,likum ku kel wun wu ba wa lo. ⁸ Li wa we ilo ko kel mud,Kid ne na lizol li bini ban ani ban. Munda wun wo zolo mukuun a nde,ya kwisi nsik yo iso. ⁹ Munda nze asal we induum,nze a dus we, nze ayib we,nze azol we,mu mpil ye mbi,ani mo maso mama kel,ma kwed mu nzil na mo yin: <>. ¹⁰ Lizol li lwelese we mukuun,munda ikobun lizol li kel ikwisi ke ma nsik mo maso. ¹¹ Munda mo,bini li yi yab ne tel ya li kwi munda ne bini li wusu ku tol.Munda luguluk li bis li twe ya nto-nto tel li bun bu likwikil bis ku itsin. ¹² Mpyib itwe ku iwa,ku nzil li bi kie. Li kyi mmu bisal be mpyib,li bwad mata ma mwil. ¹³ Li ko kwe bun bu bakakwe mu mwil,kel we ne mu iko sala bisaam be ngol,kel we ne mu iwud mal,kel we ne mu induum,kel we ne mu ma nzil ma iwun bikeb,kel we ne mu impal,kel we ne mu imbeen. ¹⁴ Si li bwad nud ye Mfum Yesu Klistu,li kaan iluuno manda ma imud ani ma nzal ma nde.