¹ Kobun me libwene,ba kuun mu lizol le Nziem,mu isuu ma nud ma bini amon ne ibanz ke mwe,ke bu santu,ke kide Nziem,ikel bisaam be impev. ² Li kaan iko kwe mu mpil ye ntod yi,li kal mu isob mu ifudul mantiemen ma bini ma kal mama mpa,kobun bini li yi yab bu kel lizol le Nziem,lin lili kel lili bwed,li ba kwi mu iksi ani lili kel imbe-imbe. ³ Me mwe ne,mu lizol lin li ba ngwi,mud mu mo we mu nked a bini akwi mu iku bimon ne nde akel mfun ye lwidil ilud bun bo kel nde,si mu mpil ye maken,mu mpil ye ites ke likwikil lin le muwi Nziem. ⁴ Munda,ifa imo bun bu likel bis andi bitshul bi nud bi fhun mu nud yo yin imo,bi tshul bio biso bi sala we isal imo. ⁵ Bis si ifa imo,ba li kel ba fhun,li kel nud imo mu Klistu,kons mud akel bitshul ke wun. ⁶ Bis li kel andi makab ma fhun ma lizol ma ba liwi,kid ne mud kel andi makab ma ibukul,a yi sal bun bu kel ites ke likwikil linde. ⁷ Kid ne mud mu mo akel andi kab le iselel,ali selel,Kid ne mud akel andi kab le ilong,a long. ⁸ Kid ne mud akel andi kab le iwa inkes, ayi wa inkes,kid ne mud akel andi kab le iwa,a wa mu isse kio iso.Kid ne mud akel andi kab le itsweles,a yi sal ku ibwed,kid ne mud akel andi kab le muywil ngieb,a yi sal mu mukil mu bwed. ⁹ Lizol likal lili wine ntshum, liywi manda ma bi,li nam ku bilo bi bwed. ¹⁰ Mama tel manda ma lizol le ba kuun,likal lili mbaa,mama tel manda ma lizid likal le induu. ¹¹ Mama tel manda ma lileen,li kaan ikal andi mamed, mama tel manda ma mpev,li kal andi miaman,mama tel manda ma mfum,li mu selele nde. ¹² Li kal mu issem mu isa mbwun; li kal andi ikwud ku nkul a manda ma bwaa,li kala tsu lo liso mu bisaam. ¹³ Mfun ye ba santu ikal si ye bini,li selele iyam bad. ¹⁴ Li ba sakumun ban baba li niokol bini,li ba sakumun si li ba lo we. ¹⁵ Li kal mu issem andi ban baba kel mu isse. Li lil andi ban baba kel mu ilil. ¹⁶ Li kal andi mantiemen ma mo ku kel ban ani ban. Li kaan ikal lileen mu mantiemen ma bini,si li kisi ban baba kel pii. ¹⁷ Li Kid we ku ibi ku kel ban baba li kide ku ibi,li Kid ma mbwed ku kel mud nde muso. ¹⁸ Kid ne mpil andi yo,Lili kel bini mu isal kobun,li kal mu ngemb andi mud ndeso. ¹⁹ Li selel we mpud ye bini ba ngako,si li yese mpud ye Nziem ngako isal. Munda ba swen ne: "Li yesel me nkel mu mpud,li yesel me mfudul" bun bu mwe mfum. ²⁰ Si Kid ne mbeen a nze akel nzal,mu wa idia. Kid ne akel andi mpuu madia mu wa a nwa. Munda kid ne bini li kid kobun,li kel mu iku musa makal ma mbaa ya nghe mutswe nde. ²¹ Li kaan ikal ne mambi ma li biaal, si li kid ne ma mbi ma fudu ma mbwed.