¹ Me mwe bu,Nziem a til-bwa bad ba nde? Kel we iko bun. Munda me si nkel mud wo Isayel,mutshili wo Abalayam,mu kaan le Binzame. ² Nziem a til we bwa bad ba nde ban ba yeb nde sa fa ntam.bini li yeb we ne bison bi mwe nki? Mu nkwum ye Eli nde afe mu-mo mo ku nkul a Nziem mu inaan andi bad ba Isayel? ³ Mfum, li ba dwis ba mbikudi bo baso,li ba bebes ba need ma nze,shiel na me,ba zwel si ne ba ndus me. ⁴ Si nki mvud nde asel ko kel Nziem? "Me bo si mu liwuu bad mafhun nsamwel,ban baba mee mu ifukam ku nkul a Baa. ⁵ Ifa imo ,shiel non-bu,ibwil imo,kin ke pwen Nziem mu lizol li nde. ⁶ Si kid ne mu lizol,kobun ikel we mu bisal. Kid ne lo,lizol li bud kal we andi mfun a lo. ⁷ Nki fudu? kin ke saa Isayel,nde si ayi zwi we: Si na ban ba pwen Nziem,bo ban baba zwi,baba shiel ban li ba kes ma mbwun. ⁸ Ikel ko bun bu ba swen: < ⁹ Ani David le mwe ne: < ¹⁰ Bato bimfa mis,mu mpil ne ba kaan ibud mon,mukud mi bo mi kal me fhu-fhum. ¹¹ Me mwe kobu: <> Lo nsil,si mu ibwa ke bo luguluk lili yi ko kel ba mpan,ku nsuk li ibwid mantiemen ma impal. ¹² Kobun,kid ne ibwa ibo ikel nto ye lusakumun mu mukil ani mvul ye iwun zwa ibo ikel nto ye lusakumun ko kel ba mpan,isi nki ba kwi mu iseen ibwil ke bad? ¹³ Me nkel mu imo tel li ko kel ba mpan. Ti bun bu nkel me bu ntum wo ba mpan,me nkel mu issem mu isal ime. ¹⁴ Mbal nkim,ikwi mu ibud impal mu nked a ba kuun ba me ngako,ku nsuk ne bad ba nkim ba wol luguluk. ¹⁵ Munda,kid ne yin yi ba til bo bwa,litswala mu iyukan ke mukil,ikal isi nki mu ikisi ibo,kid ne na mu lizing mu nked a ban baba fhi? ¹⁶ Kid ne mampa ma iso ma kel mama Nziem,mama shiel man si makel ifa imo; ani itsin,kid ne ikel ke bu santu,mambe ma nde si ma kal ifa imo. ¹⁷ Si kid ne,bi tswil bi nkim be mambe bi kel be tsi-tsid ani likeb le Olive wo musud,wu kel ya mbel a bini,akel wo bi-bam ya mbel abo,aka iwol si lifud le imvwam ke fa ku itsin. ¹⁸ Li kaan imon ne mambe makel bilo mpaam. Si kid ne bini li ma mee,li yab ne,kel we ne bini li ba shim miswel,si kyi bini,miswel mi li shime. ¹⁹ Kobun,bini li mo ne: <>. ²⁰ Li mwe ibini! itsin biyul bi bo,nsa baba tswimin,si bini li kal ngol mu likwikil. Li kaan mu iku biyab mu imfum,si likal mu buum. ²¹ Munda kid ne Nziem asun swo mambe ma kes nde,li kaan mu itiemen ne bini li maswi. Li tal bun isi nki bu kel Nziem wu mubwed ani ikeb. ²² Nto nkim,me akele tin ko kel ba Yuda,baba bwi,si,nto nkim,wu mu bwed ko kel bini,kid ne bini li kel mu ma mbwed ma nde. Kid ne lo,bini si ba liki-kiele mu ina ke bini. ²³ Ani si,kid ne ba kel we bo mu biyul bi bo,ba bawu-wol,munda Nzieme akwi mu iku ba fudul. ²⁴ Munda kid ne bu ba litsid andi muti wo Olive wo musud wun wo itsin,mu iwun meg ani itsin ke bini,bu ba tu likun mu muti wo Olive wu mubwed,asi ne ba Yuda ba,bo ku ikal mambe ma itsin,ba bud kal mbal nkim ba ku- kun mu miti me Olive me bo ba ngako? ²⁵ Munda,me azolo we,ba kuun,ne bini li kal mu idjimin,mu bimpa bi,mu mpil ne bini li nga bi ku mon baba lwidil maken: Isayel bu Ike's mbwun mu tel limo ti kun ko kwi ntal ye ba mpan,mu ikuu ne ba kod. ²⁶ Kobun,Isayel kio iso igu-guluk,bun bu ba swen: <>. ²⁷ Bun bu kel iwakan ime andi bo,tel akiele me masum ma bo. ²⁸ Nto mo,mu imeg andi bison be santu,Nziem aba til-bwa itsin bini; si nto nkim,mu lizol li Nziem nde aba zwel itsin ba Tad ba bo. ²⁹ Munda makab ani iyemen ke Nziem isobo we. ³⁰ Munda ifa imo,tel linkim li kele mu ikolam ko kel Nziem,si tel li,bini bu li mwen ngieb a Nziem itsin ikolam ibo. ³¹ Ifa imo si,ba Yuda ban ba kel mu ikolam tel li,mu mpil ne,amon ne bini,bo si ba mon ngieb a Nziem. ³² Munda Nziem asi bad bo baso,bad ba bolok mu ikolam mu mpil ne ba mon ngieb a Nziem. ³³ Nki bio bibi lwid maken mu imvwam ani mu iyab Nziem! Isemes imo ki ba wun mono,ani ma nzil ma ba wun yaba! ³⁴ Munda,na wun wo yeb mantiemen ma mfum? Na wun wo twe mbwun ande? ³⁵ Na wun wo fi sa nsuu ku kel Nziem munda ne,tsu amu fidil a bio? ³⁶ Munda bilo bio biso bi kel bibi nde,ko kel nde,andi mu nked a nde. Likum likal lili nde mu mitsa ani mitsa. Ame.